1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
26C/2020 EBAZPENA, otsailaren 26koa, Enpresa Politikaren, Nazioarteko Proiekzioaren eta Lanaren zuzendari nagusiak emana, zeinaren bidez erabakitzen baita Altsasuko Fundación Felipe Lecea-Clínica Josefina Arregui entitatearen hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.
Altsasuko Fundación Felipe Lecea-Clínica Josefina Arregui entitatearen hitzarmen kolektiboa aztertu da (kode zenbakia: 31008862012010), 2019ko irailaren 24an erregistro honetan sartu zena, enpresaren eta sindikatuen ordezkariek 2019ko irailaren 17an sinatu eta 2020ko otsailaren 3an zuzendu zena, Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Lan Hitzarmen eta Akordio Kolektiboak Erregistratu eta Gordailutzeari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko otsailaren 26an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Altsasuko Fundación Felipe Lecea-Clínica Josefina Arregui entitatearen hitzarmen kolektiboa (PDFa).
Iragarkiaren kodea: F2003023
