Iragarkia

74. ALDIZKARIA - 2020ko apirilaren 7a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

48E/2020 FORU AGINDUA, martxoaren 18koa, Eskubide Sozialetako kontseilariak emana, zeinaren bidez onesten baita “Adinekoen programa globala” dirulaguntzaren 2020ko deialdia, adinekoen arloan aritzen diren irabazi-asmorik gabeko entitateentzat. DDBN identifikazioa: 500638.

Erreferentzia: Espedientearen kodea: 0011-1031-2020-000000.

Unitate kudeatzailea: Eskubide Sozialetako Departamentua.

Kudeaketaren eta Baliabideen Zuzendariordetza.

Programen eta Dirulaguntzen Kudeaketaren Atala.

Telefonoa: 902165170. Faxa: 948240108.

Helbidea: González Tablas 7, 31005 Iruña.

Helbide elektronikoa: inbtered@navarra.es.

Espedientea. Espediente mota: Adinekoen programa globala, 2020.

Aplikazio arauak:

Gizarte Zerbitzuei buruzko abenduaren 14ko 15/2006 Foru Legearen 2. artikuluan ezartzen denez, botere publikoen jarduketek, gizarte zerbitzuen arloan, funtsezko helburu hauek izanen dituzte, besteak beste: pertsona guztien bizi-kalitatea hobetzea eta haien normalizazioa, parte-hartzea eta integrazioa bultzatzea gizartean, politikan, ekonomian, lan arloan, kulturan eta hezkuntzan; autonomia pertsonala, familiarra eta taldeena bultzatzea; kohesio soziala eta elkartasuna sustatzea; pertsonen eta taldeen bazterketa egoerei aurrea hartzea eta haietaz arduratzea; eta dependentziak eta oinarrizko baliabide ezak eragindako premiei erantzutea. Halaber, xedatzen du gizarte zerbitzuen sistema publikoaren prestazioak ezarriko dituen tresna Gizarte Zerbitzuen Zorroa izanen dela.

Ekainaren 17ko 69/2008 Foru Dekretuak gizarte zerbitzu orokorren zorroa onetsi zuen. Haren II. eranskinean (Bermatu gabeko prestazioak), B atalean (Adinekoen alorra), 13. puntuan, adinekoendako gizarte ekimeneko entitateentzako dirulaguntzak ezartzen ditu, eta xedatzen du baliabidearen helburua dela adineko pertsonen autonomia pertsonala sustatzeko eta dependentzia prebenitzeko programak bultzatzea eta horiek garatzen dituzten entitateen elkartegintza sustatzea.

Dirulaguntzei buruzko azaroaren 9ko 11/2005 Foru Legeak Nafarroako Aurrekontu Orokorren kargura ematen diren dirulaguntzei aplikatzekoa zaien araubide juridiko orokorra ezartzen du, onura publikoko edo gizarte intereseko jarduerak sustatzeko helburua duten kasuetarako. Arau horren 17. artikuluak norgehiagokako araubidea ezartzen du. Horren arabera, honakoa joko da norgehiagokatzat: dirulaguntzak emateko aurkezten diren eskaerak alderatzea, lehentasunaren arabera ordenatzeko, oinarri arautzaileetan eta deialdian ezarri diren balorazio irizpideei jarraituz, eta irizpide horien arabera balorazio onena lortzen duten eskaerei dirulaguntza adjudikatzea, deialdian ezarritako muga eta kreditu erabilgarria gainditu gabe. Salbuespenez, oinarri arautzaileetan hala aurreikusiz gero, dirulaguntzetarako bideratu den gehieneko zenbateko osoa dirulaguntzaren onuradun diren entitateen artean hainbanatzea proposatuko da.

Azaroaren 9ko 301/2019 Foru Dekretuaren bidez, Pertsonen Autonomiarako eta Garapenerako Nafarroako Agentziaren estatutuak onetsi ziren, eta erakunde horri eman zitzaizkion deialdi honen xedeko arloari buruzko eginkizunak.

Espedienteko txosten tekniko eta juridikoek adierazten dute, hurrenez hurren, dirulaguntza hauek egokiak eta interes publikokoak direla, eta deialdia eta oinarri arautzaileak, legezkoak.

Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen bidez eta Eskubide Sozialetako Departamentuaren egitura organikoa ezartzen duen urriaren 30eko 268/2019 Foru Dekretuaren bidez esleitu dizkidaten eskudantziak erabiliz,

AGINTZEN DUT:

1. Adinekoen arloko gizarte ekimeneko entitateei dirulaguntzak emateko 2020ko deialdia onestea, bai eta foru agindu honen I., II. eta III. eranskin gisa jasotako oinarri arautzaileak ere.

2. 1.140.348,40 euroko gastua baimentzea, 2020ko gastuen aurrekontuko bi partidaren kargura:

Programen dirulaguntzetarako baimendutako zenbatekotik (623.000 euro), 580.000 euro erabiliko dira “Programa global” modalitaterako (II. eranskina), eta 43.000 euro, berriz, “Boluntariotzako programa” modalitaterako, adinekoentzako boluntariotza programak egiten dituzten boluntarioen entitateentzat (III. eranskina).

3. Foru agindu hau eta eranskinak Nafarroako Aldizkari Ofizialean argitaratzea.

4. Foru agindu hau igortzea Pertsonen Autonomiarako eta Garapenerako Nafarroako Agentziako Programen eta Dirulaguntzen Kudeaketaren Atalari, Ekonomia eta Aurrekontuak Kudeatzeko Ataleko Kontabilitate Zentroari, Idazkaritza Tekniko Nagusiko Administrazio Aferetarako Bulegoari eta Dirulaguntzen Datu Base Nazionalari, behar diren ondorioak izan ditzan.

Iruñean, 2020ko martxoaren 18an.–Eskubide Sozialetako kontseilaria, M.ª Carmen Maeztu Villafranca.

I. ERANSKINA

Oinarri arautzaile orokorrak, adinekoen arloan aritzen diren irabazi-asmorik gabeko eta gizarte ekimeneko entitateentzako dirulaguntzen 2020ko deialdiarenak, elkartegintza sustatzeko, autonomia bultzatu eta dependentzia prebenitzen duten jarduerak garatzeko eta boluntariotza programak gauzatzeko

1.–Xedea eta modalitateak.

1.1. Xedea.

Deialdi honen xedea da araubidea ezartzea dirulaguntzak emateko irabazi-asmorik gabeko gizarte ekimeneko entitateei, egoitza Nafarroan badute eta adinekoen arloan aritzen badira.

Xedea da elkartegintzaren oinarrizko jarduketak sustatzea eta norberaren autonomia bultzatzeko jarduerak eta dependentzia prebenitzekoak garatzea 2020ko ekitaldian (2020ko urtarrilaren 1etik abenduaren 31ra arte), adinekoen berariazko beharrak asetzeko, haien zahartze aktibo eta osasungarria nahiz bizitza beregaina sustatuz.

Halaber, helburua da dirulaguntzak ematea gizarte ekimeneko eta gizarte zerbitzuen arloko boluntarioen entitateek adinekoen arloan egiten dituzten boluntariotzako programetarako.

1.2. Modalitateak.

Deialdi honen ondorioetarako, dirulaguntzen bi modalitate ezartzen dira:

a) Kluben, adinekoen elkarteen eta federazioen programa globala.

b) Boluntariotzako programa, adinekoen arloan aritzen diren gizarte zerbitzuen arloko entitateetarako.

2.–Entitate onuradunak.

2.1. Klub, adinekoen elkarte eta federazioak.

Dirulaguntza hauen onuradun izateko, irabazi-asmorik gabeko klubek, adinekoen elkarteek eta federazioek Nafarroako Foru Komunitatean izan behar dute egoitza edo lurralde-ordezkaritza, eta estatutuetako helburuen artean jasota adinekoen arloan soilik aritzea, eta horretarako, elkartegintzaren oinarrizko jarduerak eginen dituzte, bai eta norberaren autonomia sustatzekoak eta dependentzia prebenitzekoak ere.

Honako hauek izanen dira dirulaguntzaren xedeko bazkideak entitateentzat: 65 urtetik gorako pertsonak, erretiro aurreratua duten pentsiodunak, baliaezintasunaren ondoriozko pentsiodunak eta haien ezkontide edo izatezko bikotekideak, betiere azken horiek lanean ez badaude.

2.2. Boluntarioen entitateak.

Gizarte zerbitzuen eremuko gizarte ekimeneko entitateak dira, adinekoen arloan boluntariotzako programa garatzen dutenak. “Boluntariotzako programa” modalitatean (III. eranskina) parte hartuko dute.

Ezin izanen dira onuradun izan adinekoen egoitzak edo adinekoei ostatua emateko beste baliabide batzuk, adinekoentzako eguneko zentroak eta tokiko administrazio publikoak, ezta horiei lotuta edo horien mende dauden entitate, erakunde edo sozietateak ere.

3.–Entitate eskatzaileek bete beharreko baldintza orokorrak.

Aurkezten diren entitateek betebehar hauek bete beharko dituzte:

a) Legez eratutako pertsona juridikoa izatea eta dagokion erregistro ofizialean inskribatuta egotea.

b) Sozietatearen helbidea edo lurralde ordezkaritza Nafarroako Foru Komunitatean izatea. Hori oinarri honen 3.a) atalean aipatzen den erregistroko inskripzioaren bidez frogatuko da.

c) Irabazi-asmorik ez edukitzea.

d) Estatutuetan espresuki agertzea erakundearen xedea dela adinekoei lotuta eta horiei bakar-bakarrik zuzendutako jarduerak prestatzea, Boluntariotzaren modalitaterako dirulaguntza eskatzen duten boluntarioen entitateak izan ezik.

Erakundearen estatutuen arabera, boluntarioen entitateen helburuetako bat izan beharko da gizarte-boluntarioei zuzendutako edo lan horri lotutako jarduerak egitea, edo boluntariotzako programak egiten dituzten entitateen erroldan inskribaturik egotea (ekintza boluntarioko entitateen errolda onesten duen Gizarte Politiketako kontseilariaren maiatzaren 13ko 306/2014 Foru Aginduaren bidez onetsi zen errolda hori).

e) Funts berekietatik eta/edo beste dirulaguntza publiko edo pribatu batzuetatik heldu den finantzaketa izatea.

f) Entitatearen ordezkariak sinatutako baimena, administrazioak bide izan dezan entitateak zerga arloko betebeharrak eta Gizarte Segurantzarekikoak egunean dituela frogatzen duen informazioa lortzeko. Orobat, Nafarroako Foru Komunitateko Administrazioarekiko eta haren erakunde autonomoekiko zorrak kitatuak izatea, edo, bestela, entitate horiekin ordainketa geroratu edo zatikatzeko itun bat lortzea.

g) Dirulaguntzen onuraduna izateko Dirulaguntzei buruzko Foru Legearen 13. artikuluko 2. eta 3. apartatuetan ezarritako gainerako debeku-egoeretan ez egotea.

Eskaerak aurkezteko epea bukatzen den egunean bete beharko dira baldintza guztiak, eta, orobat, dirulaguntza jasotzen duen jarduerak irauten duen bitartean.

4.–Eskaerak aurkeztea.

4.1. Eskaerak aurkezteko epea eta lekua.

Entitate interesdunek eskaera aurkeztu beharko dute, horretarako prestatu diren ereduen araberakoa, eta horri Nafarroako Gobernuko instantzia orokorra erantsiko diote. Ereduak interesdunen eskura daude, Pertsonen Autonomiarako eta Garapenerako Nafarroako Agentziaren web-orrian.

Eskaera 45 egun naturaleko epean aurkeztu beharko da, deialdi hau Nafarroako Aldizkari Ofizialean argitaratu eta biharamunetik hasita.

Eskaerak telematika bidez aurkeztuko dira, Erregistro Orokor Elektronikoan, zeina Nafarroako Gobernuaren Erregistro Orokorrari buruzko ekainaren 23ko 70/2008 Foru Dekretuaren bidez sortu eta erregulatzen baita.

Eskaerak adierazitako epetik kanpo aurkeztuz gero, ez dira onartuko.

Dirulaguntza eskatzeak berekin dakar deialdi hau arautzen duten oinarriak onartzea.

4.2. Entitate eskatzaileek aurkeztu beharreko dokumentazio orokorra, modalitate batean edo bestean aurkeztu:

a) Proiektua eta eskaera, non zehaztuko baita zein diren entitatearen langileak eta funtzionamendu gastuak eta zer jarduera egiten diren 2020an. Esteka honetan eskura daitezke ereduak:

–Programa globalaren eskaera, klub, adinekoen elkarte eta federazioena.

–Boluntariotzako programaren eskaera, boluntarioen entitateena.

b) Elkartearen edo entitatearen estatutuen kopia.

c) Kasuan kasuko erregistroan inskribatu izanaren aitorpena.

d) Dirulaguntzaren eskaera sinatzen duen pertsonaren ordezkaritza frogatzeko agiria eta pertsona horren nortasun agiri nazionala.

e) Entitatearen identifikazio fiskaleko txartela.

f) Ordainketa transferentzia bidez egiteko eskaera.

g) Bazkideen benetako kopuruaren zinpeko aitorpena (bazkideek egunean izan behar dituzte ordainketak, eta deialdi honen 2.1 apartatua bete).

h) Erantzukizunpeko adierazpena, entitatearen ordezkariak emana, agerrarazten duena ezen ez entitateak, ez administratzaileek edo ordezkariek ez dutela dirulaguntzen onuradun izateko debekurik urratzen. Debeku horiek Dirulaguntzei buruzko Foru Legearen 13. artikuluko 2. eta 3. apartatuetan ageri dira.

i) Ordainketa aurreratua eskatzeko, entitateek banku-agiri batzuk aurkeztuko dituzte, non agertuko baita foru agindu hau argitaratu aurreko bi hilabeteetako banku-kontuek izan duten batez besteko saldoa. Boluntarioen entitateei dagokienez, III. eranskinaren 4.2 oinarrian aipatutako dokumentazioa aurkeztuko dute. Organo kudeatzaileak aztertuko du ematen den edo ez dirulaguntzaren aurrerakina, kontuan izanik 10. oinarriko bigarren puntua.

j) Entitatearen ordezkariak sinatutako baimena, administrazioak bide izan dezan jakiteko entitateak egunean dituela indarreko xedapenek ezartzen dituzten Gizarte Segurantzarekiko ordainketak.

k) Entitate eskatzaileak eskatu zaien informazioa aurkeztuko dute, I. eranskin honen 13. oinarrian araututako gardentasun betebeharra konplitzeko.

Dirulaguntzei buruzko Foru Legearen 13.8 artikuluan eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 28 artikuluan xedatutakoarekin bat, ez dago b), c), d), e) eta f) letretan eskatzen diren agiriak aurkeztu beharrik, baldin eta Foru Komunitateko Administrazioko organoek eman behar badute horien ziurtagiria edo Administrazioak dagoeneko dauzkan datuak badira (dokumentu horietan aldaketarik egon ezean).

4.3. Eskaera zuzentzea.

Eskaerarekin batera aginduzko agiriak aurkeztu ezean, instrukzio organoak entitate interesdunari eskatuko dio gehienez ere 10 egun balioduneko epean akatsak zuzendu ditzala, eta adieraziko dio horrela egin ezean haren eskaera ezetsitzat joko dela. Kasu horretan espedientea artxibatzeko aginduko da, eta dagokionari jakinaraziko zaio, Administrazio Publikoen Administrazio Prozedura Erkideari buruzko urriaren 1eko 39/2015 Legearen 68. artikuluan ezarri bezala.

Orobat, instrukzio organoak deialdia ebazteko beharrezkotzat jotzen duen dokumentazioa edo informazio osagarria eskatzen ahalko du edonoiz, baita oinarri hauetan eskatzen diren baldintzak zorrotz betetzen direla frogatzeko ere.

5.–Antolamendua, instrukzioa eta ebazpena.

Deialdi honetan aurreikusitakoaren ondorioetarako, dirulaguntzak emateko prozedura antolatu eta instruitzeko eginkizunak Pertsonen Autonomiarako eta Garapenerako Nafarroako Agentziako Programen eta Dirulaguntzen Kudeaketaren Atalari esleitzen zaizkio. Oinarri hauetan “instrukzio organoa” aipatzen delarik, atal horretaz ari da.

Pertsonen Autonomiarako eta Garapenerako Nafarroako Agentziako zuzendari kudeatzaileak izanen du laguntzak emateko prozedura ebazteko eskumena.

6.–Dirulaguntzak emateko prozedura, baloratzeko arau orokorrak eta lehentasunak.

Deialdi honetan aurreikusten diren dirulaguntzak emateko prozedura norgehiagokako araubidearen bidez tramitatuko da, aurkezten diren eskaerak erkatuz, Dirulaguntzei buruzko Foru Legearen 17.1 artikuluan xedatutakoarekin bat.

Modalitate bakoitzerako eskaerak aparte baloratu eta ebatziko dira, kasuan kasuko dokumentuetan ezarritako balorazio irizpideei jarraikiz. Eskaerak baloratzeko eta dirulaguntzak emateko, lehentasun hauek ezarri dira:

“Boluntariotzako programa” modalitatea aztertzen lehena izanen da. Modalitate horretako dirulaguntzak iristen ez badira haientzat guztira erreserbatutako partidaren zenbatekora, soberakin hori “Programa globala” modalitaterako baimendutako zenbatekoari gehituko zaio.

7.–Eskaeren balorazioa eta dirulaguntzaren zenbatekoa esleitzea.

7.1. Eskaeren balorazioa.

1.2 oinarriarekin bat, modalitatearen arabera baloratuko dira dirulaguntzaren eskaerak.

–Klub, adinekoen elkarte eta federazioak.

II. eranskinean jasota daude balorazio irizpideak eta dirulaguntzaren zenbatekoaren esleipena.

–Boluntarioen entitateak.

III. eranskinean jasota daude dirulaguntaren zenbatekoa baloratu eta esleitzeko irizpideak.

7.2. Dirulaguntzaren zenbatekoa esleitzea.

Dirulaguntzaren zenbatekoa esleitzeko, aintzat hartuko dira modalitate bakoitzerako aurreikusitako gehieneko dirulaguntza, eskatutako zenbatekoa eta balorazioan lortutako puntuazioa.

Balorazio ekonomikoaren ondoriozko diru zenbatekoa, guztira, handiagoa bada aurrekontuetan dagoen dirua baino, kasuan kasuko baremoaren aplikazioaren ondoriozko zenbatekoak hainbanatuko dira modalitate bakoitzean.

8.–Prozeduraren ebazpena, jakinarazpena, publizitatea eta errekurtsoak.

Instrukzio organoak egindako ebazpen proposamenak ikusita, Pertsonen Autonomiarako eta Garapenerako Nafarroako Agentziako zuzendari kudeatzaileak dirulaguntzak esleitzeko ebazpena emanen du.

Ebazpenak entitate interesdunei jakinaraziko zaizkie eta bertan adieraziko da zertan oinarritu den entitate eskatzaileen eskaerak ez onartzeko eta ukatzeko, eta zer entitatek jasotzen duen dirulaguntza, bakoitzak lortutako puntuazioarekin batera. Dirulaguntza emanez gero, helburua, zenbatekoa, ordaintzeko modua eta dirulaguntza justifikatzeko modua eta epea zehaztuko dira.

Emakidaren ebazpena Nafarroako Gobernuaren web orrian argitaratuko da. Argitalpen horretan hau adieraziko da: deialdia, dirulaguntzak aurrekontuko zer kredituri egozten zaizkion, onuradunak, emandako zenbatekoa eta dirulaguntzaren helburua.

Ebatzi eta jakinarazteko epea hiru hilabetekoa izanen da, gehienez ere, eskaerak aurkezteko epea bukatzen denetik hasita. Epe hori bukatuta, entitate interesdunek eskaera ezetsi dela ulertzen ahalko dute. Hala ere, Administrazioa beharturik dago ebazpena ematera.

Berariazko edo ustezko ebazpenaren aurka gora jotzeko errekurtsoa aurkezten ahalko da, Eskubide Sozialetako kontseilariari zuzendua, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean eta Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoarekin bat.

9.–Bateragarritasuna.

Deialdi honetan aurreikusitako dirulaguntzak bateragarriak dira xede bererako jasotzen den beste edozein laguntzarekin. Hala ere, dirulaguntzen zenbatekoa ezin da inola ere izan entitate onuradunak egin gogo duen jardueraren kostua baino handiagoa, bakarrik edo dirulaguntzaren xedeko jarduerak izan litzakeen beste dirulaguntza, laguntza eta diru-sarrera batzuekin edo baliabide propioekin batuta.

10.–Dirulaguntzaren ordainketa.

Kasu guztietan, dirulaguntza ordaindu ahal izateko, Nafarroako Aurrekontu Orokorren kargurako dirulaguntzen onuradunen gardentasun betebeharrak arautzen dituen irailaren 11ko 59/2013 Foru Dekretuak ezartzen dituen betebeharrak konplitu beharko dira.

Arau orokor modura, irabazi-asmorik gabeko entitateei edota horien federazio, konfederazio edo elkarteei gizarte ekintzako proiektu edo programak finantzatzeko ematen zaizkien dirulaguntzetan ordainketa aurreratua eginen da, baldin eta diruz lagundutako jardueraren gauzatzea aldi baterako finantzatzeko baliabide nahikorik ez badute eta inguruabar hori behar adina frogatzen badute, Dirulaguntzei buruzko azaroaren 9ko 11/2005 Foru Legearen 33. artikuluak ezarritakoarekin bat.

Aurrerakinak ordainketa bakarrean ordainduko dira, dirulaguntza emateko ebazpena sinatu ondoren.

Dirulaguntzaren aurrerakinaren beharra frogatu ez duten entitateentzat, ordainketa eginen da jarduera egin dela justifikatu ondoren, Dirulaguntzei buruzko azaroaren 9ko 11/2005 Foru Legearen 32. artikuluan ezarritakoarekin bat.

11.–Dirulaguntzaren justifikazioa

Dirulaguntza ordainketa aurreratu baten bidez jasotzen duten entitateek aurkeztu beharko dute, aurtengo abenduaren 31 baino lehen, eman zaien dirulaguntzaren justifikazio ekonomikoa.

Gastuak justifikatu ondoren, dirulaguntza jasotzen duten entitateek dirulaguntzaren justifikazio ekonomikoa aurkeztu beharko dute aurtengo azaroaren 20a baino lehenago.

11.1. Emandako zenbatekoaren justifikazioak honako agiri hauek izan beharko ditu:

a) Justifikazioa aurkezten denerako gauzatuta dauden eta dirulaguntzari egozten zaizkion gastuen zerrenda. Honako hau zehaztuko da: agiri zenbakia, kontzeptua, igorlea, data eta zenbatekoa. Programa globaleko gastuen zerrenda bat jartzen da kluben, adinekoen elkarteen eta federazioen eskura, eta Boluntariotzako programako gastuen beste zerrenda bat, boluntarioen entitateen eskura.

b) Zerrendan deskribatutako gastuei dagozkien fakturen eta ordainagirien kopiak. Egiaztagiri gisa, banku-laburpenak, ordainagiriak eta fakturak onartuko dira, eta horietan jaulkitzailearen eta hartzailearen datuak, data, kontzeptua eta prezioa adierazi beharko dira, apirilaren 10eko 23/2013 Foru Dekretuan xedatutakoari jarraikiz, horren bidez fakturazio betebeharrak arautzen dituen erregelamendua onetsi baitzen.

c) Entitatearen legezko ordezkariaren zinpeko aitorpena, non jasoko baita egotzitako gastuak dirulaguntza honetara baizik ez direla aurkezten.

11.2. Azken justifikazioa.

Dirulaguntza jaso ondorengo urteko urtarrilean, entitate onuradunak dirulaguntzaren azken justifikazioa eginen du, dela elkarteentzako, klubentzako eta federazioentzako ereduan, dela boluntarioen entitateentzako ereduan.

Honako dokumentazio hau aurkeztu beharko dute klub, adinekoen elkarte eta federazioek:

a) Entitatearen oroitidazki teknikoa, non jasoko baita zer jarduera egin den 2020an eta noraino izan diren gogobetekoak. Jardueraren bat ezin izan bada egin, azalduko da zergatik ez den egin.

b) Entitatearen 2020ko oroitidazki ekonomikoa, non hauek jasoko baitira:

–Guztizko gastua, urteko gastu guztiak dakartzana.

–Entitatearen 2020ko emaitzen kontua (diru-sarrerak eta gastuak).

Diru-sarreren atalean, programa globala finantzatzeko jaso dituen diru-sarrera guztiak azaldu beharko ditu, funts horien zenbatekoa eta jatorria zehaztuta, Pertsonen Autonomiarako eta Garapenerako Nafarroako Agentziak emandakoarekin bateragarriak diren dirulaguntzak barne.

Gastuen atalean entitatearen gastu guztiak zehaztuko dira, honela sailkatuta: Langileria, Funtzionamendua eta Jarduerak.

Boluntarioen entitateen kasuan, deialdi honen III. eranskineko 4.2 oinarriko dokumentazioa da aurkeztu beharrekoa.

Entitateek beste edozein agiri aurkezten ahalko dute haren proiektua behar bezala ulertarazteko.

12.–Entitate onuradunen betebeharrak.

a) Entitateak eskaeran zehaztutako moduan gauzatzea proiektua, eta sustapenari, programei edo/eta boluntarioei dirulaguntza emateko baldintzetan.

b) Deialdi honen 11. oinarrian aipatzen diren frogagiriak, erdibidekoak eta azkenekoak, aurkeztea.

c) Familia, Gazteria, Kirol eta Gizarte Gaietako kontseilariaren uztailaren 2ko 212/2010 Foru Aginduan xedatutakoa betetzea, dirulaguntza honen kargura finantzatutako programen edo jardueren gaineko informazio, zabalkunde eta publizitate jarduketa guztietan.

d) Laguntza ematen duen organoak eta indarra duen antolamendu juridikoaren arabera eskudun diren bestelako organoek egin beharreko egiaztapen lanak onartzea.

e) Dirulaguntza jasotzen duen jardueraren frogagiriak gordetzea, dokumentu elektronikoak barne, egiaztatze eta kontrol lanen xede izan daitezkeen bitartean.

f) Diruz lagundutako jarduera finantzatzeko lortutako beste laguntza, diru-sarrera edo baliabideen berri ematea laguntza ematen duen organoari. Ahalik eta lasterren eman behar da horren berri, eta betiere jasotako funtsei emandako aplikazioa justifikatu baino lehen.

g) Entitatearen izaera dela-eta kontabilitatean eskatzen ahal zaizkion betebeharrak konplitzea.

h) Deialdi honetan eta aplikatzekoa den legerian ezarritako kasuetan, harturiko funtsak itzultzea.

i) Funts berekietatik eta/edo beste dirulaguntza publiko edo pribatu batzuetatik heldu den finantzaketa izatea.

j) Dirulaguntzei buruzko azaroaren 9ko 11/2005 Foru Legeak onuradunei ezartzen dizkien gainerako betebeharrak.

13.–Gardentasuna.

Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3.c) artikuluan aipatutako entitate pribatuak behartuak daude gardentasun betebeharra betetzera baldin eta, urtebetean, 20.000 eurotik gorako laguntzak edo dirulaguntzak jasotzen badituzte Nafarroako Aurrekontu Orokorren kargura, edo jasotako laguntzak edo dirulaguntzak beren urteko diru-sarrera guztien %20 edo gehiago badira eta, gutxienez, 5.000 euro.

Aurreko apartatuan ezarritako mugak gainditzen ote diren jakiteko, Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak batuko dira. Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua konputatuko da ondorio hauetarako, ez guztizko batura. Negozio zifra honako hauetako txikiena izanen da:

a) Aurreko urteko negozio zifra.

b) Hala bada, dirulaguntza ematen den ekitaldian entitatearen organo eskudunak onartutako negozio zifra.

Aipatu diren inguruabarrak gertatzeagatik gardentasun betebeharrak dituzten entitate onuradunek jarraian adierazten den informazioa eman beharko dute hilabeteko epean, dirulaguntza emateko ebazpena jakinarazten denetik zenbatzen hasita:

a) Entitatearen gobernu, administrazio eta zuzendaritza organoen osaera.

b) Organo horiek osatzen dituzten kargudunen zerrenda.

c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan dagoena izanen da.

d) Gobernu, administrazio eta zuzendaritza eginkizunetan ematen den dedikazioaren araubidea.

e) Entitate onuradunaren urteko azken kontuen kopia bat.

Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoaren bide telematikoak erabiliz, eta dirulaguntza kudeatzen duen administrazio unitateari bidaliko zaio.

Entitateak ez badu gardentasun betebeharra konplitu beharrik, aurreikusitako egoerak gertatzen ez direlako, horren gaineko aitorpena aurkeztu beharko du.

Entitateak ekitaldi berean dirulaguntza bat baino gehiago jasotzen badu, ez du informazioa errepikatu beharko dirulaguntza bakoitzerako, salbu eta hasieran eman zituen datuak aldatzen badira. Horretarako, entitateak identifikatu beharko du Foru Komunitateko Administrazioaren zein organoren aurrean aurkeztu zuen, eta noiz.

Betebehar hori bete ezean, emandako dirulaguntza ez da ordainduko, ezta aurrerakinak ere, eta kobratutako zenbatekoak itzuli egin beharko dira, Dirulaguntzei buruzko azaroaren 9ko 11/2005 Foru Legearen 35.1.c) artikuluan ezarritakoari jarraikiz.

Aurrekoa galarazi gabe, onuradun guztiak behartuak daude unitate kudeatzaileari behar den informazio guztia ematera, aurretiazko errekerimendua eginda eta hamar eguneko epean, frogatzeko betetzen direla maiatzaren 17ko 5/2018 Foru Legearen II. tituluan jasotako gardentasun betebeharrak (aipatutako foru lege horrek hizpide ditu gardentasuna, informazio publikoa eskuratzea eta gobernu ona).

Errekerimenduan horretarako emandako epea hura bete gabe iraganik, hertsapen isunak ezartzea erabakitzen ahalko da, 500 eurotik 5.000 eurora bitartekoak, interesdunari ohartarazpena egin ondoren eta entzunaldia emanda. Isuna hamabost egunetik behin errepikatuko da, errekerimendua bete arte. Isunaren zenbateko osoa ez da izanen dirulaguntzaren zenbatekoaren ehuneko bost baino handiagoa. Zenbatekoa zehazteko, ez-betetzearen astuntasuna eta proportzionaltasunaren printzipioa hartuko dira kontuan.

14.–Azpikontratazioa eta entitate hornitzaileen kontratazioa.

14.1. Azpikontratazioa.

Deialdi honetan aurreikusitako ondorioetarako, bidezkoa da azpikontratazioa egitea, alegia, beste batzuekin hitzarmena lortzea, haiek gauzatu dezaten, hein batean, dirulaguntzaren xede den jarduera. Entitate onuradunak berak egiten badu diruz lagundutako jarduera, horretarako behar diren gastuen kontratazioa kontzeptu honetatik kanpo geldituko da.

Entitateek, gehienez ere, lagundu den jarduerari emandako dirulaguntzaren %50 erabiltzen ahalko dute azpikontratazioetarako. Hirugarrenekin itundutako jarduerak dirulaguntzaren zenbatekoaren %20 gainditzen badu eta zenbateko hori 60.000 eurotik gorakoa bada, idatzizko kontratuaren bidez egin beharko da azpikontratazioa.

14.2. Entitate hornitzaileen kontratazioa.

Dirulaguntzei buruzko Foru Legearen 28.3 artikuluan xedatutakoarekin bat, zerbitzuak aholkularitza edo laguntza enpresek ematen badituzte eta dirulaguntza jaso dezakeen gastuaren zenbatekoa 12.000 eurokoa baino handiagoa bada, hornitzailea efizientzia eta ekonomia irizpideei jarraikiz hautatu dela frogatu beharko du entitate onuradunak dirulaguntza ematen duen organoaren aurrean.

Kasu horietan, entitate onuradunak helburua lortzeko gai diren hiru enpresarekin edo gehiagorekin kontsultatu eta negoziatu beharko ditu kontratuaren baldintzak, eta eskaintzarik hoberena egiten duenarekin sinatuko du. Kontsulta-tramitearen gaineko dokumentazioa eta eskaintzak gorde egin beharko ditu entitate onuradunak. Kontu horiek agiri bidez frogatu beharko ditu dirulaguntza ematen duen organoaren aurrean, kontratua sinatu bezain laster. Agiri horiekin batera, egindako hautapenaren arrazoiei buruzko txosten labur bat aurkeztuko da.

Ez da beharrezkoa izanen enpresa bati baino gehiagori kontsulta egitea, gastu diruz lagungarrien ezaugarrien berezitasunagatik, merkatuan hornidura edo zerbitzu hori ematen duten enpresak behar adina ez direnean.

15.–Baldintzak aldatzea.

Entitate onuradunek, jasotzen dituzten bestelako dirulaguntza, laguntza edo diru-sarrerez gain, dirulaguntza emateko eta haren zenbatekoa zehazteko kontuan hartutako baldintzen aldaketa guztiak ere jakinarazi beharko dizkiote Pertsonen Autonomiarako eta Garapenerako Nafarroako Agentziari.

Salbuespen gisa, dirulaguntza jasotzen duten entitateek diruz lagundutako programen edo oinarrizko jarduketen edukia aldatzeko baimena eskatu beharko dute, baita hura gauzatzeko modua eta epeak ere, kasu hauetan:

a) Oinarrizko jarduketen edo programaren garapena aldatu edo zailtzen duten inguruabarrak agertzen direnean.

b) Baliabideak egoki erabiltzearen ondorioz, diruz laguntzen den jarduerari aplikatu gabeko gerakinak daudenean eta gerakin horiek laguntza jasotzen duen proiektuko jarduerak handitzeko erabili nahi direnean.

Programa aldatzeko eskaeretan aldaketa edo zailtasun horren inguruko behar adina arrazoi eman beharko dira, eta inguruabar horiek gertatu eta berehala adierazi beharko dira, betiere, diruz lagundutako oinarrizko jarduketak edo programak egiteko epea bukatu baino lehen.

Dirulaguntza emateko kontuan hartutako baldintzetan egiten den edozein aldaketak dirulaguntza emateko ebazpena aldatzea ekar dezake, Pertsonen Autonomiarako eta Garapenerako Nafarroako Agentziak onartuta egonda ere, edo kasuan kasuko zenbatekoa itzultzeko eskatzen ahalko da, hala badagokio.

16.–Itzulketak eta ez-betetzeak.

Hartutako zenbatekoa itzuli beharko da, osorik edo partez, programa gauzatzen ez bada, dirulaguntza emateko ezarritako baldintzak betetzen ez badira, Dirulaguntzei buruzko Foru Legearen 35. artikuluan aipatzen diren zergatikoak gertatzen badira edo deialdi honetan berariaz aipatzen diren betebeharrak betetzen ez badira. Legez ezarritako kasuetan, gainera, bidezkoa izanen da dirulaguntza ordaindu zenetik itzuli beharraren gaineko ebazpena ematen den arte sortutako berandutze-interesak ordaintzeko eskatzea.

Dirua itzultzea eskatzeko prozedurak aipatutako artikuluan xedatutakoari jarraituko dio, eta hasten denetik 12 hilabeteko epean ebatzi beharko da.

Dena dela, entitateak modu boluntarioan eskatzen ahalko du justifikatu gabeko dirulaguntzaren zenbatekoaren itzulketa. Horretarako, frogagiri bat aurkeztu beharko du erakusteko diru-sarrera bat egin dela Eskubide Sozialetako Departamentuaren alde, aldez aurretik ordaindutako zenbatekoaren eta justifikatutako zenbatekoaren arteko aldearen adinakoa. Kasu horretan, ez da berandutze-interesik aplikatuko, eta ulertuko da entitateak espresuki uko egiten diola itzultzen duen zenbatekoari.

Orobat, entitate onuradunak ia betebehar guztiak betetzen dituenean eta bere betebeharrak konplitzeko jarrera garbia erakusten duenean, proportzionaltasun-printzipioari jarraituz zehaztuko da itzuli beharreko zenbatekoa, ikusita dirulaguntza emateko ezarritako baldintzetatik zenbat eta noraino bete diren. Ez-betetzeak Dirulaguntzei buruzko azaroaren 9ko 11/2005 Foru Legearen 14.1.p) artikuluan ezarritakoaren arabera neurtuko dira.

Dagokion dokumentazioa ez bada aurkezten justifikazioa egiteko epeetan, partzialetan zein amaierakoan, baina bai aurkezten bada horien ondorengo 5 egunetan, honako hau izanen da atzerapenaren penalizazioa: emandako dirulaguntzaren zenbatekoa %5 murriztuko da.

17.–Arau-hausteak eta zehapenak.

Deialdi honetan aurreikusitako dirulaguntzen onuradun diren entitateak Dirulaguntzei buruzko Foru Legearen 42. artikuluan eta hurrengoetan dirulaguntzen arloko arau-hauste administratiboei buruz ezarritako zehapen araubidearen menpe egonen dira, eta han ezarritako erantzukizunak izanen dituzte.

Dirulaguntzen arloko zehapenak erregelamendu bidez finkatzen den prozeduraren arabera ezarriko dira, edo, halakorik izan ezean, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean xedatutakoari jarraikiz.

18.–Deialdiaren eta oinarri arautzaileen aurka bidezkoak diren errekurtso administratiboak.

Deialdi honen eta bere oinarri arautzaileen kontra bidezkoa da gora jotzeko errekurtsoa aurkeztea, Nafarroako Gobernuari zuzendua, argitaratu eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoarekin bat.

19.–Aplikatu beharreko araudia.

Oinarri arautzaile hauetan ezarritakoaz gain, Dirulaguntzei buruzko azaroaren 9ko 11/2005 Foru Legearen xedapenak aplikatuko dira.

II. ERANSKINA

2020ko berariazko oinarriak adinekoen arloko gizarte ekimeneko entitateei zuzendutako Programa globala modalitaterako

1.–Xedea.

Oinarri hauen xedea da adinekoen arloko gizarte ekimeneko entitateei dirulaguntzak 2020an emateko araubidea ezartzea.

Programa globala da zahartze aktiboa sustatzeko jarduerak egiten dituen entitate batek gauzatzen duena, eta funtzionamenduaren, langileriaren eta jardueren kontzeptuak biltzen ditu.

Funtzionamendutzat hartzen dira entitateak elkartearen egoitza zabalik edukitzeko egiten dituen gastuak (ura, berokuntza, argia, konponketak, material suntsikorra, asegurua...).

Langileriatzat hartzen dira elkartea martxan egoteko behar diren langileak kontratatzearen ondoriozko gastuak. Langile horiek Gizarte Segurantzan kotizatu behar dute beren jardun horregatik.

Jardueratzat hartzen dira honako hauek egitearen ondoriozko gastuak:

–Ikastaroak: hartu-eman telematikoa administrazioarekin, bankuekin, gestioak bankuetako kutxazainetan, web-orrietan...

–Lantegiak: memoriarako, mantentze kognitiborako, hizkuntzak, sukaldaritza, margolaritza, artisautza, musika-tresnak eta/edo kantua...

–Solasaldiak: nork bere burua zaintzea, babesa eta zaintza, erorikoen prebentzioa, elikadura osasungarria...

Hitzaldiak.

–Boluntariotza jarduerak: jantoki sozialetan laguntzea, eriei lagun egitea, boluntarioen prestakuntza...

–Jarduera fisikoak: mendi-ibilia, mendi-igoera, tai-xia, pilatesa, ibilketa nordikoa, gimnastika, igerilekuko ariketak, dantzak...

–Kultur ariketak: antzerki lantegia, irakurketa klubak, bisita gidatuak, abesbatzak, errondailak...

–Lehiaketak: poesia, literaturarenak, gastronomiarenak...

–Mahai jokoak: xakea, kartak, petanka, bingoa...

–Belaunaldien arteko jarduerak.

–Egun bateko txangoak, kultura edo kirola pizgarri dutenak. Sei, gehienez.

–2-6 eguneko bidaiak eta 7-10 egunekoak.

Dirulaguntza horiek emanez elkartegintza sustatu nahi da, baita arretaren xedeko taldearen beharrak asetzeko jarduerak eta jarduketak egin ere, era horretan adinekoek bere ingurunean jarrai dezaten, bizi-kalitate onarekin, eta zahartze aktiboa eta bizitza beregaina izan ditzaten.

2.–Berariazko baldintzak.

2.1. Programa globala modalitatearen jarduera berariazkoak bat etorri beharko du deialdiaren xedearekin, deialdia onesten duen foru aginduaren testuan eta deialdi honen II. eranskineko 1. oinarrian adierazten denaren arabera.

2.2. Modalitate honetan dirulaguntza jaso ahal izateko, entitateek deialdi honen I. eranskineko 3. oinarrian ezarritako betebehar orokorrak bete beharko dituzte.

3.–Entitateak aurkeztu beharreko dokumentazio orokorra eta berariazkoa.

Dokumentazio orokorra deialdi honen I. eranskinaren 4. oinarri arautzailearen 4.2 apartatuan ezarritakoa da.

Entitate horiek eskaera eginen dute Programa globalaren eskaera izeneko eredu ofizialaren arabera. Programarekin batera, entitatearen diru-sarreren eta gastuen aurrekontua aurkeztuko dute, baita dirulaguntzaren xede den programaren diru-sarreren eta gastuen aurrekontua ere.

4.–Programa globalaren balorazioa.

Bi fasetan baloratuko dira modalitate honetan aurkeztutako eskaerak:

a) Lehendabiziko fasea: balorazioaren lehendabiziko faseak helburu du funtzionamendu eta langileria gastuetarako zenbatekoa zehaztea.

Horretarako, puntuazioa esleituko da ondoko taulari jarraituz, segun zenbat bazkide (kuota ordainduta dutenak) daukan elkarte, klub edo federazio bakoitzak:

Funtzionamendua: kontzeptu honetarako behar den laguntza baloratzeko, kontuan hartuko da elkarteak zer adierazten duen bere lokalaren inguruan eta martxan egotearen ondoriozko gastuen inguruan. Horretatik puntuazio bat esleituko da.

Bi puntuazioak batu eta portzentaje bat esleituko zaio aurkeztutako gastuaren gainean kontzeptu honetarako.

Langileria: kontzeptu hau baloratuko da, soilik, elkarteak Gizarte Segurantzan kotizatzen duten langileak kontratatu dituenean administraziorako, harrerarako eta/edo garbiketarako. Elkarteak adierazi behar du zenbat ordu egiten dituen urtero langile bakoitzak. Dirulaguntza, gehienez, langile baten lanaldi osoaren zenbatekoa adinakoa izanen da.

Segun zenbat puntu lortu diren bazkide kopuruarengatik, portzentaje hauek aplikatuko dira kontzeptu honetan aurkeztutako gastuaren aurrekontuaren gainean:

b) Bigarren fasea: adinekoen klub, elkarte eta federazio bakoitzak proposatutako jarduerak baloratuko dira, boluntarioen jarduerak barne.

Jarduerak irizpide hauen arabera baloratuko dira:

a) Nolakoa den programa (gehienez 30 puntu).

Baloratuko da zenbat jarduera aurkeztu duen klub, elkarte edo federazio bakoitzak, bazkide kopuruaren arabera.

b) Programetan parte-hartzea (gehienez 20 puntu).

Jardueretan parte hartzen dutenen portzentajea baloratuko da bazkideen kopuruaren arabera. Oro har, jarduera bakoitzean parte-hartzaileen kopuruak ez du gaindituko entitateko bazkideen kopuru osoa. Parte-hartzea honela baloratuko da:

c) Kofinantzaketa (10 puntu gehienez).

Kofinantzaketatzat jotzen da entitateak, bazkideek eta/edo erabiltzaileek diru-sarrerak egitea. Kofinantzaketa honela baloratuko da:

d) Kaudimen tekniko eta ekonomikoa (15 puntu gehienez).

Kaudimen teknikoa eta ekonomikoa da hasiera batean aurreikusitako programa zehaztasunez eta zorroztasunez programatu eta gauzatzeko gaitasuna.

e) Programaren interesa (gehienez 20 puntu).

Puntuazio handiagoa emanen zaie zahartze aktiboa sustatzen duten jarduerei.

f) Eragina lurraldean (gehienez 5 puntu).

Entitateak programa Foru Komunitateko herrietan gauzatzeko duen gaitasuna kontuan hartuko da. Entitateak egoitza duen herrian ez beste batzuetan gauzatzen badu programa, 5 puntu eskuratuko ditu; bestela, ez du punturik lortuko.

5.–Diruz lagungarriak diren kontzeptuak.

Muga hauek ezartzen dira aurrekontuak aztertu eta baloratzean:

a) Langileria. Honako hauek joko dira langileria gastutzat:

–Garbiketa edo atezaintza zerbitzuen gastuengatik dirulaguntza jaso ahal izateko, entitateak 50 bazkide baino gehiago izan beharko ditu.

–Administrarien gastuengatik dirulaguntza jaso ahal izateko, entitateak 500 bazkidetik gora izan beharko ditu.

Hona hemen onartuko den gehieneko aurrekontua, lanaldi osorako kontratatutako langileen lanbide-kategorien arabera:

–Administrariak: 13.649,02 euro urtean.

–Atezainak, garbitzaileak: 12.173,28 euro urtean.

Entitate bakoitzari bi lanbide-kategoriatako lanaldi oso bati dagokiona ordainduko zaio, eta kontzeptu horrengatiko gehieneko dirulaguntza, betiere, 20.483,16 eurokoa izanen da.

Langileek Gizarte Segurantzaren Araubidean alta emanda egon eta kotizatu behar dute emandako dirulaguntzaren aldian.

b) Funtzionamendua. Honako hauek onartuko dira funtzionamendu gastutzat:

–Entitatearen egoitzaren lokaleko argindarraren, uraren eta berokuntzaren hornidura gastuak.

–Entitatearen egoitzaren lokalari dagozkion kontribuzio gastuak.

–Posta zerbitzuko gastuak.

–Telefono gastuak. Kontzeptu horrengatik gehienez 1.000 euro onartuko dira urtero.

–Bulego, informatika, garbiketa eta burdineriako materialean egindako gastua. Kontzeptu horrengatik gehienez 3.000 euro onartuko dira urtero.

–Prentsa gastuak eta bestelako harpidetzak. Kontzeptu horrengatik gehienez 600 euro onartuko dira urtero.

–Kilometraje gastuak, herri batzuk biltzen dituzten entitateen kasuan. Kontzeptu horrengatik gehienez 1.000 euro onartuko dira urtero. Halaber, kontzeptu horrengatiko gastuak onartuko zaizkie Iruñerritik kanpokoak izanda organo horren bileretara doazen Adinekoen Kontseiluko kideei, horren ordezkariak diren aldetik. Joan-etorrien gastuetan adierazi behar da zer egunetan egin ziren, zer ordutan nondik abiatu zen eta nora ailegatu, zenbat kilometro egin ziren (Michelin gidaren edo Google mapsen arabera) eta zein zen bidaiaren helburua. Onartzen diren zenbatekoak Nafarroako Gobernuak egiten den kilometro bakoitzeko aplikatzen duen zenbatekoa oinarri hartuta kalkulatuko dira.

–Entitatearen egoitzaren lokalari dagozkion alokairu gastuak; urtean dirulaguntza 6.000 eurokoa izan daiteke, gehienez ere.

–Gestorien eta/edo aholkularitzen gastuak; 1.000 euroko aurrekontua onartuko da urteko, gehienez.

–Aseguru gastuak. Kontzeptu horrengatik gehienez 600 euro onartuko dira urtero. Salbuespenez, 501 bazkide baino gehiago dituzten entitateen kasuan, 2.000 eurora bitarteko aurrekontua duen gastua onartuko da erantzukizun zibileko aseguruarengatik edo entitatearen egoitzaren aseguruarengatik.

–Konponketen eta mantentze-lanen gastuak; 1.500 euroko aurrekontua onartuko da urteko, gehienez.

–Igogailuko mantentze-lanen gastuak; 1.200 euroko aurrekontua onartuko da urteko, gehienez.

–Bankuen gastuak; 750 euroko aurrekontua onartuko da urteko, gehienez. Kontzeptu horretan ez dira sartzen interes zordunak, errekarguak eta zehapenak.

–Entitatea administratzeko behar diren ekipo informatikoak amortizatzeko gastuak. Kontzeptu horrengatik gehienez 250 euro onartuko dira urtero. Amortizazio plana aurkeztea eskatzen da.

Ekipamenduen edo bestelako ondasun inbentariagarrien erosketa ez da finantzatuko.

c) Jarduerak. Honako hauek onartuko dira jardueren gastutzat:

–Ikastaroak: onartuko den gehieneko aurrekontua 45 euro izanen da, emandako ordu bakoitzeko.

–Kultura jarduerak eta lantegiak: erakusketa, lehiaketa, eta gisa horretako ekintzen bidez egiten direnak. Gehienez ere onartuko den aurrekontua 200 euro izanen da jarduera bakoitzeko. Urte osoan zehar egiten diren jardueren kasuan, gehienez onartuko den aurrekontua 25 ordu izanen da emandako ordu bakoitzeko.

–Solasaldi eta hitzaldiak: onartuko den gehieneko aurrekontua 120 euro izanen da, emandako solasaldi bakoitzeko.

–Mahai jokoak eta aire zabalekoak: onartzen den aurrekontua ez da 1.500 eurotik gorakoa izanen.

–Jarduera fisikoak: onartuko den gehieneko aurrekontua 45 euro izanen da, profesional batek emandako ordu bakoitzeko.

–Ospakizunak: onartzen den gehieneko aurrekontua 13 eurokoa izanen da erabiltzaile bakoitzeko, entitateko bazkideen %70entzat gehienez ere. Soilik egozten ahalko dira otordu gastuak egun berezietako ospakizunak direnean.

–Boluntariotzako jarduketak: diruz lagungarriak izanen dira dirulaguntzaren xede diren boluntarioen jarduerak garatzeko ezinbestekoak diren joan-etorri, telefono eta material suntsikorren gastuak eta beste batzuk. Halaber, gastuak aurkezten ahalko dituzte boluntarioentzako prestakuntzaren kontzeptuagatik.

–Egun bateko txangoak: gehienez ere 500 euroko aurrekontua, egun bakarreko txangoa egiteko kontratatzen den autobus bakoitzeko. Gehienez ere 6 txango onartuko zaizkio entitate bakoitzari. Otorduen gastuak ez dira onartuko.

–2 egunetik 6 egun bitarteko bidaiak: gehienez ere 60 euroko aurrekontua erabiltzaile bakoitzeko. Bidaia bakarra onartuko da entitate bakoitzeko.

–7 egunetik 10 egun bitarteko bidaiak: gehienez ere 120 euroko aurrekontua erabiltzaile bakoitzeko. Bidaia bakarra onartuko da entitate bakoitzeko.

Atzerrira joateko edo 10 egunetik gorako bidaiek ez dute dirulaguntzarik izanen.

Ikastaroko, jarduerako, ospakizuneko, txangoko edo/eta bidaiako erabiltzaileen kopurua ez da inoiz entitateko bazkideen kopurua baino handiagoa izanen.

Dirulaguntzari ezin izanen zaizkio egotzi osasun arloarekin loturiko jarduerei dagozkien gastuak (esaterako: podologia).

Dirulaguntza jasotzen ahal duten entitateek eskuratzen ahal duten gehieneko zenbatekoa ez da inoiz izanen Programa globala modalitateari dagokion aurrekontuko partidan eskuragarri dagoenaren %7 baino handiagoa.

6.–Dirulaguntzaren zenbatekoa esleitzea.

Lortutako puntuazioa eta dirulaguntzaren eskaera hartuko dira kontuan.

Portzentaje hauek hartuko dira gehieneko dirulaguntzatzat:

–35 puntu baino gutxiago: %0ko dirulaguntza.

–35 puntutik 100era bitarte: lortutako puntuazioa ken 20.

Dirulaguntzaren zenbatekoa esleitzeko, aintzat hartuko dira modalitate bakoitzerako aurreikusitako gehieneko dirulaguntza eta eskatutako zenbatekoa.

Balorazio ekonomikoaren ondoriozko diru zenbatekoa, guztira, aurrekontuetan dagoen dirua baino handiagoa bada, kasuan kasuko baremoaren aplikazioaren ondoriozko zenbatekoak hainbanatuko dira modalitate bakoitzean.

III. ERANSKINA

2020. urteko berariazko oinarriak adinekoen arloko Boluntariotzako programak modalitaterako

1.–Xedea.

Oinarri hauen xedea da 2020ko ekitaldian adinekoen arloko boluntarioen programak garatzeko dirulaguntzak emateko araubidea ezartzea.

–Honako hauei zuzentzen zaie deialdi hau: gizarte zerbitzuen arloko gizarte ekimeneko entitateak, irabazi-asmorik izan gabe helbidea edo lurralde-ordezkaritza Nafarroan dutenak, boluntarioen programa bat garatzen badute, nahiz eta arlo horretan berariaz esku hartzen ez duten (2.2 oinarria).

2.–Garatu beharreko programak.

Gizarte zerbitzuen eremuko entitate horiek dirulaguntzaren xede den adinekoentzako boluntarioen programa bat aurkezten ahalko dute, kolektibo horren berariazko beharrizanak asetzeko asmoz.

Programak gizarte zerbitzuen eremuaren barnean adinekoen kolektiboentzako zuzeneko laguntzari buruzko jarduketak bilduko ditu, baita boluntarioen arloko harrera, koordinazio eta prestakuntzari buruzkoak ere.

Programa DIN A4 tamainako hamar orritan (20 orrialde) garatu beharko da gehienez, eta bi aldeetatik inprimatuko dira. Azala eta aurkibidea ez dira sartzen kopuru horretan. Letra mota Arial edo antzekoa izanen da, gutxienez ere 11 puntuko neurrikoa, eta lerroarte arrunta. Grafikoek gutxienez ere 10 puntuko letra izanen dute oinetan, eta ezin izanen dute orrialde osoa hartu. Aipatu kopurua gainditzen bada, organo kudeatzaileak gehieneko orrialde kopurura iritsi arte bakarrik baloratuko du.

Dirulaguntzaren xede diren programak bat etorri beharko dira deialdiaren xedearekin, eta funts berekietatik eta/edo beste dirulaguntza publiko edo pribatu batzuetatik heldu den finantzaketa izan.

3.–Entitate eskatzaileek bete beharreko baldintzak:

Entitate guztiek deialdi honen I. eranskinaren 3. oinarrian ezarritako betebehar orokorrak bete beharko dituzte.

Erakundearen estatutuen arabera, boluntarioen entitateen helburuetako bat izan beharko da gizarte-boluntarioei zuzendutako edo lan horri lotutako jarduerak egitea eta boluntarioen lanak egiten dituzten entitateen erroldan inskribaturik egotea (ekintza boluntarioko entitateen errolda onesten duen Gizarte Politiketako kontseilariaren maiatzaren 13ko 306/2014 Foru Aginduaren bidez onetsi zen errolda hori). Gainera, eskatzen den programa adinekoen arloan garatu beharko da.

4.–Boluntarioen entitateak aurkeztu beharreko dokumentazio orokorra eta berariazkoa.

Dokumentazio orokorra deialdi honen I. eranskinaren 4. oinarri arautzailearen 4.2 apartatuan ezarritakoa da.

Entitate horiek eskaera eginen dute Boluntariotzako programa izeneko eredu ofizialaren arabera. Programarekin batera, entitatearen diru-sarreren eta gastuen aurrekontua aurkeztuko dute, baita dirulaguntzaren xede den programaren diru-sarreren eta gastuen aurrekontua ere.

Entitateak adierazten ahalko du funtsak aldez aurretik jaso behar dituela dirulaguntzaren xedeak betetzeko.

Dirulaguntzei buruzko azaroaren 9ko 11/2005 Foru Legearen 33. artikuluak ezartzen du esleitutako dirulaguntzaren ordainketa aurreratuak egin daitezkeela; horretarako, funtsen beharra frogatzen duen dokumentazioa aurkeztu beharko da, honako hauek erantsita: behar hori frogatzen duen txostena, ordezkariaren ziurtagiri bat, entitatearen izenean dauden banku kontuak agertzen dituena, bankuko kontuetako uneko saldoak agertzen dituen bankuko ziurtagiri bat –banku elektroniko bidez lortutakoak ere onartuko dira–, eta diruzaintzako fluxuen hileroko aurreikuspen bat, kobrantzak, ordainketak, maileguak eta abar zehazten dituena, edo dirulaguntzaren xedeak betetzeko funtsak behar direla frogatzen duen beste edozein ziurtagiri.

4.1. Dirulaguntza justifikatzeko, honako hauek aurkeztuko dira:

a) Proiektuaren bilakaeraren berri ematen duen txosten tekniko labur bat.

b) Kontzeptu bakoitzerako (langileak, funtzionamendua eta jarduerak) jasotako dirulaguntzari aplikatutako gastuen zerrenda, non agiri zenbakia, kontzeptua, jaulkitzailea, data eta zenbatekoa zehaztuko baitira. Zerrenda horrekin batera, dagozkion egiaztagiriak, fakturak eta ordainagiriak aurkeztu beharko dira.

c) Entitatearen legezko ordezkariaren zinpeko aitorpena, non jasoko baita egotzitako gastuak dirulaguntza honetara baizik ez direla aurkezten.

Horretarako, entitate onuradunak fakturen eta ordainagirien fotokopiak aurkeztuko ditu. Egiaztagiri gisa, banku-laburpenak, ordainagiriak eta fakturak onartuko dira bakarrik, eta horietan jaulkitzailearen eta hartzailearen datuak, data, kontzeptua eta prezioa adierazi beharko dira, maiatzaren 17ko 205/2004 Foru Dekretuan xedatutakoari jarraikiz, zeinaren bidez fakturazio betebeharrak arautzen dituen erregelamendua onetsi baitzen.

4.2. Dirulaguntzaren azken justifikaziorako, honako hauek aurkeztu behar dute:

a) Entitatearen oroitidazki teknikoa, aurreko urtean eginiko proiektua azaltzen duena. Aurkezten diren datuetan, onuradunen kopurua zehaztuko da, generoaren arabera bananduta.

b) Diruz lagundutako programaren guztirako gastuaren zerrenda, euskarri informatikoan.

c) Entitatearen eta diruz lagundutako programaren emaitzen kontua (diru-sarrerak eta gastuak).

Gastuen kapituluan langileriaren, funtzionamenduaren eta jardueren gastu guztiak zehaztuko dira.

Diru-sarreren kapituluan, entitateak diruz lagundu den jarduera finantzatzeko jaso dituen diru-sarrerak azalduko ditu, funts horien zenbatekoa eta jatorria zehaztuta, Pertsonen Autonomiarako eta Garapenerako Nafarroako Agentziak emandakoarekin bateragarriak diren dirulaguntzak barne. Diru-sarrerak guztira ezin dira izan diruz lagundu den jarduera egiteko kostuak baino handiagoak.

Halaber, entitateek instrukzio organoaren eskura utzi beharko dituzte jatorrizko fakturak.

5.–Kontzeptu diruz lagungarriak, onartutako gehieneko aurrekontuak eta dirulaguntzaren gehieneko zenbatekoa.

Boluntarioen entitateek aurkezten duten programari dagozkion langileria, jarduera eta funtzionamendu gastuak sartzen ahalko dituzte aurrekontuan.

Gizarte-boluntarioen beste deialdi batzuen bidez uneko urtean dirulaguntza jaso duten boluntarioen entitateek dirulaguntzaren xede den proportzioaren araberako funtzionamendu gastuak aurkeztuko dituzte.

Programari onartzen zaion aurrekontua zehazteko, proiektuan sartutako kostu ekonomikoen ebaluazioa eginen da. Aurreikusitako gastuak hanpatuak daudela ikusiz gero, dirulaguntza eman aitzin, programaren kostu ekonomikoaren beste balorazio bat eginen da prezio errealak erabiliz.

Betiere, onartzen den aurrekontuko gastua ezin izanen da izan aurreko urtean programa berean egindako gastuaren %5etik gorakoa, non eta, salbuespen gisa, ez den erabat justifikatzen hortik gorako gehikuntzaren beharra, eta instrukzio organoak horrela baloratzen badu.

Dirulaguntzaren gehieneko zenbatekoa instrukzio organoak onetsitako programaren aurrekontuaren %80 izanen da.

6.–Prozedura eta baloraziorako irizpideak.

6.1. Balorazioa

Balorazioa bi fasetan eginen da.

–Lehendabiziko fasean boluntarioen entitatea baloratuko da, dirulaguntzaren programaren arduraduna baita.

–Bigarrenean, aurkeztutako programa baloratuko da.

Bi faseak zein bere aldetik baloratuko dira, jarraian aipatzen diren irizpide eta puntuazioak erabilita. Fase bakoitzean gehienez ere 100 puntu lortzen ahalko dira.

Bi faseak baztertzaileak dira; hortaz, haietako bakoitzean, entitateek 60 puntu eskuratu beharko dituzte gutxienez.

6.2. Balorazio irizpideak

a) Lehenbiziko fasea: entitatea baloratzeko irizpideak.

1. irizpidea.–Proiektuaren kalitate teknikoa (gehienez 45 puntu).

2. irizpidea.–Barne koherentzia (gehienez 20 puntu).

1. Entitateak aurreikusten du bere proiektua iritzi publikoari zabaltzea; horrela sentsibilizazio lana eginen du, hala taldearen beharrei buruz nola haren potentzialtasunei buruz.

2. Entitateak bere elkartze ekintzaren xede diren pertsonen beharrei eta interesei erantzuten die: interesak zundatzeko inkestak eta gogobetetze inkestak egiten ditu.

3. Antolakundearen konpromisoa: entitatea prest dago onuradun diren pertsonen irisgarritasuna sustatzeko, haiek benetan parte har dezaten proiektuen garapenean.

4. Antolakundearen konpromisoa: entitatea prest dago boluntarioen irisgarritasuna sustatzeko, haiek benetan parte har dezaten proiektuen garapenean.

5. Entitateak batez ere boluntarioen bidez gauzatzen ditu bere programak.

6. Hasierako aurrekontua eta aurreko urteko azken balantzea koherenteak dira.

7. Diru-sarreren eta gastuen balantzea koherentea da eskaeraren xedeko urterako sarrera- eta gastu-aurrekontuarekin.

8. Entitateak proiektuak berriro formulatzeko gaitasuna erakutsi du bere finantzaketaren arabera.

9. Ardurakidetza finantzaketan: entitateak barneko eta/edo kanpoko ekintzak egiten ditu bere jasangarritasuna bermatzeko eta independentzia indartzeko.

3. irizpidea.–Entitateekin eta/edo elkarteekin koordinatzea: (15 puntu gehienez).

4. irizpidea.–Kofinantzaketa: (20 puntu gehienez).

Kofinantzaketatzat jotzen da entitateak diru-sarrerak izatea, Eskubide Sozialetako Departamentuari eskatutakoarekin konparatuta.

b) Bigarren fasea: programa baloratzeko irizpideak.

2. irizpidea.–Programaren koherentzia: gehienez 25 puntu.

1. Programak onuradunen beharrei eta eskakizunei erantzuten die.

2. Onuradunek modu aktiboan parte hartzen dute programa prestatzeko eta abian jartzeko.

3. Onuradunek parte hartzen dute programako jardueren antolaketan.

4. Programak planteatzen du jarduerak egitea esku-hartze integrala laguntzen duten beste entitate batzuekin batera.

5. Programak departamentuaren beste programa bat osatzen du.

6. Programak beste programa batzuk osatzen ditu Foru Komunitatearen esparruan.

7. Koordinazioa eta osagarritasuna beste entitate batzuekin, programaren garapena errazteko.

8. Programaren hasierako aurrekontua eta/edo birformulatua eta bere azken balantzea koherenteak dira.

9. Aurreko urteko gastu erreala eta abian den urterako aurkeztutako aurrekontua koherenteak dira.

3. irizpidea.–Kofinantzaketa: 20 puntu.

Baloratuko da eskura dauden baliabideen araberako programa bat gauzatzeko gaitasuna.

7.–Dirulaguntzaren zenbatekoa esleitzea.

Dirulaguntzaren zenbatekoa lortzen diren puntuen, dirulaguntza eskaeraren eta aurrekontuan erabilgarri dagoen kredituaren arabera esleituko da.

Gehieneko dirulaguntza kalkulatzeko, lortutako puntuazioaren araberako portzentajea aplikatuko zaio programarako onartzen den aurrekontuari, eranskin honen bosgarren oinarriak deialdiaren kontzeptu eta gehieneko diru kopuru diruz lagungarriei buruz ezarritakoa kontuan hartuta.

Portzentaje hori honela kalkulatuko da:

Modalitateen banakako balorazioa egin ondoren, balorazio ekonomikoaren ondoriozko zenbateko osoa aurrekontuetan erabilgarri dagoen dirua baino handiagoa bada, proportzionalki banatu edo hainbanatuko da baremoa aplikatzearen ondoriozko zenbatekoen gainean.

Boluntariotzako programa modalitateko dirulaguntzak haientzat erreserbatutako partidaren guztirakora iristen ez badira, soberakin hori “Programak garatzea” modalitaterako baimendutako zenbatekoari gehituko zaio.

Aurrekontu onartuak

Dirulaguntzei buruzko Foru Legearen 28.1 artikuluan ezarritakoari jarraikiz, gastu diruz lagungarriek ez dute merkatuko balioa gaindituko. Aurreikusitako gastuak hanpatuak daudela ikusiz gero, dirulaguntza eman aitzin, diruz lagundu beharreko jardueren kostu ekonomikoen ebaluazioa eginen da prezio errealak erabiliz.

Entitate bakoitzarentzat onartutako aurrekontua ezin izanen da PAGNAk aurreko urtean onetsitako aurrekontua baino %5etik gorakoa izan, salbu eta, salbuespen gisa, gehitze handiago baten beharra justifikaturik gelditzen bada. Aurreko urtean aurrekontuan boluntarioen jarduerarik adierazi ez zuten entitateei ez zaie muga hori aplikatuko.

Iragarkiaren kodea: F2004185