1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
3917E/2019 EBAZPENA, abenduaren 17koa, Nafar Lansare-Nafarroako Enplegu Zerbitzuko zuzendari kudeatzaileak emana, baimena kentzen duena abuztuaren 20ko 2296/2018 Ebazpenaren bidez onartutako dirulaguntzei dagokien partidako gasturako, zeina onetsi baitzen ekonomia sozialeko enpresak sortu eta sustatzeko.
Nafar Lansare-Nafarroako Enplegu Zerbitzuko zuzendari kudeatzailearen abuztuaren 20ko 2296/2018 Ebazpenaren bidez onetsi zen ekonomia sozialeko enpresak sortu eta sustatzeko dirulaguntzen deialdia.
Otsailaren 26ko 200/2019 Ebazpenaren bidez 100.000 euroko gastua baimendu zen, ekonomia sozialeko enpresa berrien sorrera diruz laguntzeko, 2019ko gastuen aurrekontuko honako partida honen kargura: 950001 96100 4709 241203 “Ekonomia sozialeko enpresetarako laguntzak, enpresak sortu eta laguntza teknikoa emateko”.
Otsailaren 26ko 200/2019 Ebazpenaren bidez 100.000 euroko gastua baimendu zen, laguntza teknikoari buruzko ekintzak diruz laguntzeko, 2019ko gastuen aurrekontuko honako partida honen kargura: 950001 96100 4709 241203 “Ekonomia sozialeko enpresetarako laguntzak, enpresak sortu eta laguntza teknikoa emateko”.
Nafar Lansare-Nafarroako Enplegu Zerbitzuko zuzendari kudeatzailearen urriaren 25eko 2895E/2019 Ebazpenaren bidez baimena kendu zen ekonomia sozialeko enpresa berrien sorrera diruz laguntzeko 70.000 euroko gastua egiteko, 2019ko gastuen aurrekontuko honako partida honen kargurakoa zena: 950001 96100 4709 241203 “Ekonomia sozialeko enpresetarako laguntzak, enpresak sortu eta laguntza teknikoa emateko”.
Nafar Lansare-Nafarroako Enplegu Zerbitzuko zuzendari kudeatzailearen urriaren 25eko 2895E/2019 Ebazpenaren bidez baimena kendu zen laguntza teknikoari buruzko ekintzak diruz laguntzeko 50.000 euroko gastua egiteko, 2019ko gastuen aurrekontuko honako partida honen kargurakoa zena: 950001 96100 4709 241203 “Ekonomia sozialeko enpresetarako laguntzak, enpresak sortu eta laguntza teknikoa emateko”.
Kontuan hartuta 2019. urte osoan eskaeren bolumena askoz txikiagoa dela aipatutako laguntzak kudeatzeko zenbatekoa baino, eta beste gastu-konpromiso batzuei aurre egiteko aukera dagoela.
Horrenbestez, Nafar Lansare-Nafarroako Enplegu Zerbitzuaren estatutuak onesten dituen azaroaren 6ko 302/2019 Foru Dekretuaren 12. artikuluaren bidez emandako ahalmenak erabiliz,
EBAZTEN DUT:
1. Baimena kentzea honako partida honen gastuari, jarraian aipatzen den zenbatekoan:
Ekonomia sozialeko enpresak sortu eta sustatzeko dirulaguntzak, abuztuaren 20ko 2296/2018 Ebazpenaren bidez arautuak; 4.925 euro, ekonomia sozialeko enpresa berrien sorrera diruz laguntzekoak, 2019ko gastuen aurrekontuko honako partida honen kargurakoak zirenak: 950001 96100 4709 241203 “Ekonomia sozialeko enpresetarako laguntzak, enpresak sortu eta laguntza teknikoa emateko”.
Ekonomia sozialeko enpresak sortu eta sustatzeko dirulaguntzak, abuztuaren 20ko 2296/2018 Ebazpenaren bidez arautuak; 21.972,50 euro, laguntza teknikoari buruzko ekintzak diruz laguntzekoak, 2019ko gastuen aurrekontuko honako partida honen kargurakoak zirenak: 950001 96100 4709 241203 “Ekonomia sozialeko enpresetarako laguntzak, enpresak sortu eta laguntza teknikoa emateko”.
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta haren aurka gora jotzeko errekurtsoa jartzen ahalko da, Nafarroako Gobernuko Eskubide Sozialetako kontseilariari zuzendua, hilabeteko epean, argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122. artikuluari eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluari jarraikiz.
Iruñean, 2019ko abenduaren 17an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F1916331
