2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Tokiko Gobernu Batzarraren esku utzitako eskumenen eskuordetzea errebokatzea
Alkatetzaren 284/2020 ebazpena.
Toki Araubidearen Oinarriak arautzen dituen 7/1985 Legearen 21.3. artikuluak arlo honetan ematen dizkidan eskumenak erabiliz, kontuan hartuz Toki Entitateen Antolaketa, Funtzionamendu eta Araubide Juridikoari buruzko Erregelamenduaren 43.2, 44, 53.2.3 eta 114. artikuluetan ezarritakoa (2568/1986 Errege Dekretuaren bidez onetsitako erregelamendua), eta ikusirik hurrengo asteetan Tokiko Gobernu Batzarra ezin izanen dela bildu,
EBAZTEN DUT:
1. Alkateak, 2019ko uztailaren 1ean, Udal honetako Gobernu Batzarraren esku utzitako eskumenen eskuordetzea errebokatzea, ondoren aditzera ematen diren arloei dagokienez:
a) Kudeaketa ekonomikoa garatzea, onetsitako aurrekontuaren arabera, eta gastuak xedatzea, betiere Alkatetzaren eskumenen mugen barnean, indarra duen Udalaren aurrekontu arrunta betearazteko oinarrietan agindutakoari jarraikiz.
b) Udal ordenantzen gaineko arau-hausteak zehatzea.
c) Mota guztietako kontratazio eta kontzesioak, haien zenbatekoa aurrekontuko baliabide arrunten %10 baino gehiago ez bada, ez eta, inolaz ere, 6.010.121,04 euro baino gehiago bada; horien artean urte anitzetakoak ere sartzen dira, lau urte baino gehiago iraun behar ez badute, betiere urteko guztien zenbateko metatuak aipatu ehunekoa gainditzen ez badu lehen ekitaldiko aurrekontuko baliabide arrunten gainean, ez eta aipatu zenbatekoa ere.
d) Edozein motatako lizentziak ematea, honako hauek izan ezik:
Garabien lizentziak, pasabideak; jabari publikoaren okupazioak; titulartasun aldaketa “ez-arruntak”, lizentzia birbideratzea edo ezestea, izapide egokia erantzukizunpeko adierazpena izateagatik; beladore edo plataformarik gabeko terrazak. Lizentzia horiek Alkatetzaren esku segituko dute.
e) Ondasunak eta eskubideak eskuratzea, haien balioa aurrekontuko baliabide arrunten %5a baino gehiago ez bada, ez eta zuzeneko kontratazioari aplikatzen ahal zaion gehieneko mugaren %50a baino gehiago ez bada, bai eta ondarearen besterentzea ere, aipatu ehunekoa gainditzen ez badute, kasu hauetan:
–Ondasun higiezinak eskuratzea, baldin aurrekontuan aurreikusita badago.
–Ondasun higigarriak eskuratzea, balio historiko edo artistikoaren deklarazioa dutenak izan ezik, haien besterentzea aurrekontuan ezarri ez bada.
f) Udalbatzaren osoko bilkurari espresuki esleitu ez zaizkion planeamendu orokorra garatzeko tresnen onespenak (hasierako onespena eta hirigintza kudeatzeko tresnen eta urbanizazio proiektuen onespenak).
2.–Erabaki honek gaur 2020ko martxoaren 23tik aurrera izanen ditu ondorioak.
3.–Udalbatzari Tokiko Gobernu Batzarraren esku utzitako eskumenen eskuordetzea errebokatu izanaren berri ematea, egiten duen lehen osoko bilkura arruntean.
4.–Nafarroako Aldizkari Ofizialean argitaratzea; dena den, ebazpen hau sinatu eta biharamunetik hartuko du indarra.
Argitara ematen da, orok jakin dezan.
Burlatan, 2020ko martxoaren 23an.–Alkatea, Ana María Góngora Urzaiz.
Iragarkiaren kodea: L2004193
