2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Tokiko Gobernu Batzarrari eskuordetutako eskumenak Alkatetzak bereganatzea
Alkatetzaren martxoaren 18ko 207/2020 Ebazpena:
Ikusirik Alkatetzaren ekainaren 18ko 446/2019 Ebazpena, haren bitartez Tokiko Gobernu Batzarrari eskuordetu baitzitzaizkion Alkatetza honen zenbait eskumen, Toki Araubidearen Oinarriak arautzen dituen apirilaren 2ko 7/1985 Legearen 21.3 artikuluaren eta Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 43.2 artikuluaren arabera.
Ikusirik COVID-19 koronabirusaren bilakaerak sortutako ezohiko egoera, zeinaren ondorioz onetsi baita COVID-19ak eragindako osasun krisia kudeatzeko alarma egoera deklaratzen duen martxoaren 14ko 463/2020 Errege Dekretua.
Kontuan hartuta osasun alorreko agintarien aholkua dela jendearen arteko bilerarik ez egitea eta prebentzioa, berriz, gomendatutako irizpide nagusia.
Kontuan harturik Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua onesten duen azaroaren 28ko 2568/1986 Errege Dekretuaren 116. artikulua eta Sektore Publikoko Araubide Juridikoari buruzko urriaren 1eko 40/2015 Legearen 10. artikulua,
EBAZTEN DUT:
1. Alkatetzak bereganatzea ekainaren 18ko 446/2019 Ebazpenaren bidez Tokiko Gobernu Batzarrari eskuordetu zizkion eskumenak.
2. Ebazpen honen iragarkia Nafarroako Aldizkari Ofizialera igortzea, Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 44.2 artikuluan xedatuari jarraikiz. Horrek ez du galarazten bereganatzeak eraginkortasuna izatea ebazpen hau sinatu eta biharamunetik aurrera.
3. Bereganatze horren berri Osoko Bilkurari ematea, egiten duen hurrengo bilkuran.
Zizur Nagusian, 2020ko martxoaren 18an.–Alkatea, Jon Gondán Cabrera.
Iragarkiaren kodea: L2004123
