1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
25/2020 FORU DEKRETUA, martxoaren 18koa. Honen bidez, Migrazio Politiketako eta Justiziako Departamentuko Araubide Juridikoaren eta Langileriaren Ataleko buru den Elena Uriz Sucunza andrea izendatzen da Migrazio Politiketako eta Justiziako Departamentuko idazkari tekniko nagusiaren kargua bitarte baterako betetzeko.
Migrazio Politiketako eta Justiziako kontseilariaren azaroaren 15eko 13/2019 Foru Aginduan xedatuarekin bat, Araubide Juridikoaren eta Langileriaren Ataleko buruak idazkari tekniko nagusia ordezten du urtarrilaren 29tik. Foru agindu horren bidez izendatu ziren departamentuko zuzendari nagusien eta idazkari tekniko nagusiaren ordez aldi baterako arituko direnak.
Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuaren 32.1 artikuluan ezartzen denez, funtzionarioek beren maila bereko edozein lanpostu betetzen ahalko dute bitarte baterako, baita titular gisa duten lanpostuaren kategoria bereko edo goragoko edozein lanpostu ere, horretarako behar den titulazioa edo prestakuntza baldin badute.
Aurrekoa kontuan harturik, egokia da Elena Uriz Sucunza andrea izendatzea.
Horrenbestez, Migrazio Politiketako eta Justiziako kontseilariak proposaturik, eta Nafarroako Gobernuak 2020ko martxoaren 18an egindako bilkuran hartutako erabakiarekin bat,
DEKRETATZEN DUT:
1. Migrazio Politiketako eta Justiziako Departamentuko Araubide Juridikoaren eta Langileriaren Ataleko buru den Elena Uriz Sucunza andrea izendatzea Migrazio Politiketako eta Justiziako Departamentuko idazkari tekniko nagusiaren kargua bitarte baterako betetzeko.
Izendapen honek ondorioak izanen ditu 2020ko urtarrilaren 29tik Laura San Martín Sánchez de Muniain andrea zerbitzura itzultzen den arte, organo eskudunak ez badu lehenago errebokatzen.
Bitarteko gisa hiru hilabete jarraian eman eta gero, izendatuak eskubidea izanen du ordainsariak parekatzeko behar diren zenbatekoak kobratzeko, izendapenaren egunera arteko atzeraeraginarekin, hain zuzen ere, titular gisa duen Araubide Juridikoaren eta Langileriaren Ataleko buru lanpostuan aritzeagatik jasotzen duen ordainsaria eta idazkari tekniko nagusi lanpostuan aritzeagatik jaso beharko lukeen ordainsaria parekatzeko behar direnak.
2. Foru dekretu hau interesdunari jakinaraztea, eta Funtzio Publikoko Zuzendaritza Nagusira eta Migrazio Politiketako eta Justiziako Departamentuko Idazkaritza Tekniko Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2020ko martxoaren 18an.–Nafarroako Gobernuko lehendakaria, María Chivite Navascués.–Migrazio Politiketako eta Justiziako kontseilaria, Eduardo Santos Itoiz.
Iragarkiaren kodea: F2004139
