2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IZARBEIBARKO ZERBITZU ADMINISTRATIBOEN MANKOMUNITATEA
2020ko lan egutegiaren onespena
Ikusirik Politika Ekonomiko eta Enpresarialaren eta Lanaren zuzendari nagusiaren maiatzaren 10eko 177/2019 Ebazpena, zeinaren bidez ezartzen baita Nafarroako Foru Komunitatearen esparruan, ordaindu bai baina errekuperatu behar ez diren 2020ko jaiegunen egutegi ofiziala.
Ikusirik 250/2019 Ebazpena, azaroaren 22koa, Enpresa Politikaren, Nazioarteko Proiekzioaren eta Lanaren zuzendari nagusiak emana, zeinaren bidez zehazten baitira ordaindu bai baina errekuperatu behar ez diren 2020ko jaiegunak, Nafarroako Foru Komunitatearen esparrurako.
Ikusirik 339/2020 Ebazpena, abenduaren 16koa, Enpresa Politikaren, Nazioarteko Proiekzioaren eta Lanaren zuzendari nagusiak emana, zeinaren bidez onesten baita herrietako 2020ko jaiegunak aldatzea.
Toki Araubidearen Oinarriak arautzen dituen apirilaren 2ko 7/1985 Legearen 21.1.h) artikuluak ematen dizkidan eskudantziak erabiliz,
EBAZTEN DUT:
Lehenbizikoa.–Onestea Izarbeibarko Zerbitzu Administratiboen Mankomunitatearen zerbitzuko langileek 2020an izanen duten aste barreneko jaiegunen egutegia, jarraian ematen den bezala:
–Urtarrilaren 1a: Urteberri eguna.
–Urtarrilaren 6a: Errege eguna.
–Martxoaren 19a: San Jose.
–Martxoaren 20a: San Jose eguneko zubia.
–Apirilaren 9a: Ostegun Santua.
–Apirilaren 10a: Ostiral Santua.
–Apirilaren 13a: Pazko astelehena.
–Maiatzaren 1a: Langileen eguna.
–Abuztuaren 15a: Andre Mariaren Jasokundea.
–Abuztuaren 28a: Obanosko herriko jaien hasiera eguna, jaieguna izanik 12:00etatik aurrera.
–Abuztuaren 31: Lehen laneguna Obanosko herriko jaiaren (abuztuaren 29a) ondotik.
–Irailaren 1a eta 2a: Obanosko herriko jaiak.
–Urriaren 12a: Espainiako Jai Nazionala.
–Abenduaren 3a: San Frantzisko Xabierkoa.
–Abenduaren 4a: San Frantzisko Xabierkoaren eguneko zubia.
–Abenduaren 7a: Konstituzio egunaren biharamuna.
–Abenduaren 8a: Andre Maria Sortzez Garbia.
–Abenduaren 25a: Eguberri eguna.
Bigarrena.–Izarbeibarko Zerbitzu Administratiboen Mankomunitatean lanorduen urteko kopurua 1.592 da, abenduaren 27ko 624/1999 Foru Dekretuaren arabera, eta honela banatuko da:
Astelehenetik ostiralera, eguneroko lanaldia izanen da, oro har, 7 ordu eta 20 minutukoa. Nahitaez aritu beharko da 9:00etatik 14:30ak arte; gainerako denbora egiteko langileek malgutasuna izanen dute, hautara, 7:30etik 9:00ak arte eta 14:30etik 17:00ak arte.
Hirugarrena.–Langileen asistentzia kontrola presentzien kontrol sistema baten bidez eginen da. Hala egin beharko dute lanaldiaren hasieran eta amaieran, baita lanaldiaren barnean irteten eta itzultzen diren bakoitzean ere.
Bosgarrena.–Langileek lanaldiaren barnean gehienez hogeita hamar minutuko atsedenaldia izanen dute.
Bosgarrena.–Baliogabeak izanen dira, 2020. urtean epeak kontatzeari dagokionez, larunbat, igande eta jaiegun deklaratu guztiak eta ebazpen honen lehenbiziko xedapenean adierazitako jaiegunak, salbu eta martxoaren 20a, abuztuaren 31, irailaren 1a eta 2a, eta abenduaren 4a, horiek jaiegun izanen baitira.
Seigarrena.–Argitaratzea ebazpen hau Nafarroako Aldizkari Ofizialean, baita, ediktuen bidez, Izarbeibarko Zerbitzu Administratiboen Mankomunitateko iragarki-taulan ere.
Zazpigarrena.–Batzar Nagusiari ebazpen honen berri ematea, egiten den hurrengo bilkura arruntean.
Ohartarazten da erabaki honen kontra errekurtso hauetariko bat jartzen ahal dela:
1. Berraztertzeko errekurtsoa, egintzaren organo egileari zuzendua, hilabeteko epean, erabaki hau jakinarazi eta biharamunetik aurrera.
2. Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten denetik aurrera.
3. Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Epaitegi edo Salari zuzendua, bi hilabeteko epean, erabaki hau jakinarazi eta biharamunetik aurrera.
Obanosen, 2020ko otsailaren 20an.–Mankomunitateko burua, María Aránzazu Hernández Lacalle.
Iragarkiaren kodea: L2003146
