Iragarkia

6. ALDIZKARIA - 2020ko urtarrilaren 10a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

284/2019 EBAZPENA, abenduaren 12koa, Nekazaritzako eta Abeltzaintzako zuzendari nagusiak emana, zeinaren bidez dirulaguntzen oinarri arautzaileak eta deialdia onesten baitira Nekazaritzako Aseguru Konbinatuen 2020ko Planeko (41. plana) nekazaritzako aseguruak izenpetzeko. DDBN identifikazioa: 487109.

Nekazaritzako finantzaketari buruzko lege-xedapenen testu bateginak (otsailaren 16ko 54/1998 Legegintzako Foru Dekretuaren bidez onetsia) 1. eta 2. artikuluetan xedatzen duenez, Nafarroako Gobernuak bultzatuko du asegurupean sar daitezkeen nekazaritzako ekoizpen eta arriskuen asegurua egitea, nekazaritzako ondasunen gaineko aseguruak kontratatzeko kostuetan parte hartuz. Legegintzako foru dekretu horrek, VI. tituluan, nekazaritza eta abeltzaintzako aseguru-primetarako laguntzak arautzen ditu, eta bertan ezartzen du Nekazaritza, Abeltzaintza eta Elikadurako kontseilariak urtero onetsi eta argitaratuko dituela laguntzak jasotzen ahal dituzten aseguru lerroak, Nekazaritzako Aseguru Konbinatuen Urteko Planean sarturik dagoen aseguru bakoitzaren ezaugarrien berri duen unean.

Deialdi honen xedea da Nekazaritzako Aseguru Konbinatuen Planeko (2020ko plana) aseguruen polizak kontratatzeko kosturako laguntzak arautzea. Nekazaritzako aseguruetarako laguntzak Estatuen laguntzak dira, eta Europar Batasunak nekazaritzako eta oihangintzako sektorerako 2014tik 2020 arte ezarri dituen Jarraibideak (2014/C eta 204/01) aplikatu behar zaizkie. 2015eko abuztuaren 28ko SA.42697 Erabakiaren bidez (2015/N), Europako Batzordeak SA.40313 laguntzen araubidea (2014/N) luzatu zuen 2020ko abenduaren 31raino, barne-merkatuarekin bateragarritzat jo baitzuen, Europar Batasunaren Funtzionamenduari buruzko tratatuaren 107.3.c) artikuluaren arabera.

Azaroaren 11ko 425/2016 Errege Dekretuaren bidez, Estatuko Administrazio Orokorrak nekazaritzako asegururako dirulaguntzak emateko oinarri arautzaileak ezarri ziren.

Ministroen Kontseiluak 2019ko azaroaren 8an hartutako Erabakiaren bidez, Nekazaritzako Aseguru Konbinatuen Plana onetsi zen. Hartan jaso dira 2020ko izenpetze aldia eta aseguru lerroetarako estatuaren laguntza publikoaren portzentajeak.

Nafarroako Gobernuak 2019ko irailaren 4an hartutako Erabakiaren bidez, 3.650.000 euroko gastua baimendu zen 2021eko ekitaldiaren kargura, 2020ko planaren nekazaritzako aseguru batzuk kontratatzeko kosturako laguntzak ordaintzeko. Gastu hori honako honen kargura izanen da: 2021eko gastuen aurrekontuko “Agroseguro bidezko aseguru-primen konpentsazioa” izeneko 710001 71230 4700 414210 partidaren kargura, edo gaituko den partida baliokidearen kargura.

Aurreko paragrafoan aipatutako Gobernuaren Erabakian baimentzen da, halaber, 66.248 euroko gastu bat, kudeaketa gastuei dagokiena. Gastu hori honako honen kargura izanen da: 2021eko gastuen aurrekontuko “Hirugarrenek eginiko bestelako lanak” izeneko 710001 71230 2279 414200 partidaren kargura, edo gaituko den partida baliokidearen kargura.

Ebazpen honi honako hauek aplikatu behar zaizkio: Nekazaritzako Finantziazioari buruzko otsailaren 16ko 54/1998 Legegintzako Foru Dekretua eta Dirulaguntzei buruzko azaroaren 9ko 11/2005 Foru Legea.

Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa ezartzen duen urriaren 23ko 258/2019 Foru Dekretuak ematen dizkidaten eskudantziak erabiliz,

EBAZTEN DUT:

1. Oinarri arautzaileak onestea, Nekazaritzako Aseguru Konbinatuen 41. Planeko (2020ko plana) nekazaritzako zenbait aseguru kontratatzeko kosturako laguntzetarako. Oinarriak ebazpen honen I. eranskinean ageri dira.

2. Nekazaritzako zenbait aseguru, aurreko puntuan aipatzen direnak, izenpetzeko dirulaguntzak emateko deialdia onestea.

3. Gardentasun betebeharrari buruzko adierazpenerako eredua onestea. Eredua helbide honetan eskuratzen ahal da:

http://www.navarra.es/appsext/DescargarFichero/default.aspx?CodigoCompleto=Portal@@@epub/BON/IMPRESOSG/001_Transparencia_E.pdf

4. 3.650.000 euroko gastua baimentzea, partida honen kargura: “Agroseguro bidezko aseguru-primen konpentsazioa” izeneko 710001 71230 4700 414210 partida, edo Nafarroako Gastuen 2020ko Aurrekontu Orokorretan baliokidea izanen dena.

5. 66.248 euroko gehieneko gastua baimentzea, partida honen kargura: “Hirugarrenek eginiko bestelako lanak” izeneko 710001 71230 2279 414200 partida, edo Nafarroako Gastuen 2021eko Aurrekontu Orokorretan baliokidea izanen dena.

6. Deialdi hau eta bere oinarri arautzaileak Nafarroako Gobernuaren Dirulaguntzen Datu Basean erregistratzea (NGDDB).

7. Ebazpen hau eta bere eranskina Nafarroako Aldizkari Ofizialean argitaratzea.

8. Deialdi honen eta oinarri arautzaile hauen aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, ebazpen hau Nafarroako Aldizkari Ofizialean argitaratu eta biharamunetik hilabeteko epean.

Iruñean, 2019ko abenduaren 12an.–Nekazaritzako eta Abeltzaintzako zuzendari nagusia, Ignacio Gil Jordán.

I. ERANSKINA

Nekazaritzako Aseguru Konbinatuen 41. Planeko (2020ko plana) nekazaritzako aseguruak kontratatzeko kosturako dirulaguntza.
Oinarri arautzaileak

Lehena.–Xedea.

1. Nekazaritzako finantzaketari buruzko lege-xedapenen testu bateginak (otsailaren 16ko 54/1998 Legegintzako Foru Dekretuaren bidez onetsia) 1. eta 2. artikuluetan xedatzen duenez, Nafarroako Gobernuak bultzatuko du asegurupean sar daitezkeen nekazaritzako ekoizpen eta arriskuen asegurua egitea, nekazaritzako ondasunen gaineko aseguruak kontratatzeko kostuetan parte hartuz.

2. Deialdi honen xedea da, beraz, Nekazaritzako Aseguru Konbinatuen 41. Planeko (2020ko plana) nekazaritzako aseguruak izenpetzen dituzten nekazari eta abeltzainei laguntzak ematea, Estatuko Administrazio Orokorrak Nekazaritzako Aseguruen Estatuko Entitatearen (aurrerantzean, ENESA) bitartez helburu bererako ematen dituen dirulaguntzen osagarri. Aseguruak Nafarroako Foru Komunitatean dauden nekazaritzako ondasunen gainekoak izanen dira.

Bigarrena.–Onuradunak.

1. Laguntzen onuradun izan daitezke:

1.1. Aseguru poliza bat izenpetzen duten nekazariak eta abeltzainak, baldin Nekazaritzako Ustiategiak Modernizatzeko uztailaren 4ko 19/1995 Legearen arabera lanbidez nekazariak badira eta nekazaritzaren arloko gizarte segurantzan kotizatzen badute edo lehentasunezko ustiategia badute.

1.2. Aseguru poliza bat izenpetzen duten kooperatibetako elkarlaneko laborantzako atalak, honako beharkizun hauek betetzen badituzte:

a) Kooperatiba Nafarroako Nekazaritzako Ustiategien Erregistroan izena emanik egotea, bai eta kasuan kasuko Kooperatiben Erregistroan ere, eta helbide soziala Nafarroan izatea.

b) Elkarlaneko laborantzako atalaren helburu nagusia atalera ekarritako lurrak batera ustiatzea izatea.

c) Haren estatutuetan aurreikusirik egotea azalera lantzeko modua, eta hauetako bat izatea modu hori: kooperatibak zuzenean; kooperatiben arteko akordioen bidez; edo errentan emanik edo beste kontratu mota batzuen bidez, ogibide nagusia nekazaritza duten nekazariekin (bazkideekin lehentasunez), kooperatibekin edo beste sozietate mota batzuekin eginik.

d) Zuzendaritza kontseiluko kideen erdiak baino gehiagok izatea nekazaritza ogibide nagusi.

1.3. Ustiategian hildako animaliak suntsitzeak dakartzan gastuen estaldurari dagokion 415. lerroko aseguruen poliza bat izenpetzen duten abeltzainak.

2. Aurreko ataleko 1.1 eta 1.2 puntuetan aipatutako polizetan sartzen diren ekoizpen unitateek nekazari profesionalenak izan beharko dute, Nekazaritzako Ustiategiak Modernizatzeko uztailaren 4ko 19/1995 Legearen arabera. Nekazari horiek nekazaritzaren arloko gizarte segurantzan kotizatu behar dute edo lehentasunezko ustiategia izan behar dute.

3. Ebazpen honetan ezartzen diren laguntzen onuradun izateko, Dirulaguntzei buruzko azaroaren 9ko 11/2015 Foru legearen 13. artikuluan ezarritako baldintzak betetzeaz gain, II. eta III. fitxategietan egon behar da. Aipatutako II. fitxategia dagokio Nafarroako Foru Komunitatearen laguntzen oinarri arautzaileetako baldintzak betetzearen egiaztapenari, eta III. fitxategia dagokio Dirulaguntzei buruzko azaroaren 9ko 11/2015 Foru Legea betetzearen egiaztapenari. Bi fitxategi horiek jasotzen dira gaurko Landa Garapeneko eta Ingurumeneko Departamentuaren eta Agroseguroren arteko lankidetza hitzarmenean (lankidetza hitzarmena, nekazaritzako asegurua garatzeko eta koordinazioa izateko, Nafarroan nekazaritzako aseguruak kontratatzeko kosturako Nafarroako Gobernuak ematen dituen laguntzak kudeatzeko, kontrolatzeko eta ordaintzeko).

4. Abeltzaintzako aseguru lerroetan, poliza berean “bizi-bermeak” eta animaliak “eramatea eta suntsitzea” badaude, Foru Komunitatearen dirulaguntza aplikatuko da baldin eta 3. puntuko ezaugarriak baditu eta titularra Komunitateak emandako datu-baseetan badago. Halaber, “eramatea eta suntsitzea” dirulaguntza aplikatuko zaie zerbitzu horretarako berariaz ezarritako datu-basean dauden titularrei, ez beste inori. Gainerako lerroetan, laguntzen onuradunek aurreko lerroaldean aipatutako datu-baseetan egon beharko dute.

Hirugarrena.–Primak Agroseguroren bitartez konpentsatzea.

Agroseguro entitateak laguntzen kudeaketan lagunduko du, berak eta Landa Garapeneko eta Ingurumeneko Departamentuak sinatutako hitzarmenean ezarritako moduan.

Laugarrena.–Dirulaguntza jaso dezaketen lerroak.

1. 2020ko Nekazaritzako Aseguru Konbinatuen Planeko aseguru lerro hauek kontratatzeko kostua diruz lagungarria izanen da:

2. Nekazaritzako lerroetan, aipatutako laboreen aseguru osagarriak ez dira inoiz diruz lagunduko, mahats ustiategietarako estaldura gorakorreko asegurua izan ezik.

Bosgarrena.–Dirulaguntzaren zenbatekoa.

1. Aurreko oinarrian jasotako nekazaritzako, abeltzaintzako eta ustiategian hildako animaliak eraman eta suntsitzeko aseguruetarako dirulaguntzen zenbatekoa, Landa Garapeneko eta Ingurumeneko Departamentuak emandakoa, ENESAk helburu horretarako ematen dituenen portzentaje bat adinakoa izanen da.

Administrazio Publikoek emandako dirulaguntzen zenbatekoak ezin izanen ditu inoiz gainditu nekazaritzaren eta basogintzaren sektoreetan 2014tik 2020ra aplikatzeko Europar Batasunaren Jarraibideek (2020/C 204/01) ezarritako mugak:

–Nekazaritzako eta abeltzaintzako aseguruak: primaren ordainagirian guztira agertzen den zenbatekoaren %65, errekarguak kontuan hartu gabe.

–Ustiategian hildako animaliak eraman eta suntsitzearen gaineko aseguruetan, ustiategiagatiko primaren ordainagiriaren kostuaren %90ekoa izanen da gehienez ere, errekarguak kontuan hartu gabe.

Nafarroako Gobernuaren eta ENESAren dirulaguntzek baimendutako mugak gainditzen badituzte, ENESAK ezarri, Agrosegurok baliozkotu eta 234/2014 zirkularrean agertzen den moduan eginen da doikuntza.

2. Nafarroako Gobernuak nekazaritzako eta abeltzaintzako aseguruei ematen dizkien dirulaguntzak ENESAk helburu bererako ematen duen dirulaguntzaren portzentaje hauek izanen dira:

Hauek dira udalerriak:

–Adios.

–Añorbe.

–Aranguren.

–Artaxoa.

–Artazu.

–Barañain.

–Barasoain.

–Beraskoain.

–Beriain.

–Bidaurreta.

–Biurrun.

–Burlata.

–Zizur Nagusia.

–Zizur.

–Etxarri.

–Etxauri.

–Eguesibar.

–Elortz.

–Eneritz.

–Esteribar.

–Ezporogi.

–Galar.

–Garinoain.

–Girgillao.

–Uharte.

–Ibargoiti.

–Legarda.

–Leotz.

–Lizoain-Arriasgoiti.

–Mendigorria.

–Elo.

–Muruzabal.

–Noain (Elortzibar).

–Obanos.

–Oloritz.

–Orkoien.

–Orisoain.

–Iruña.

–Gares.

–Puiu.

–Tafalla.

–Tebas-Muru Artederreta.

–Tirapu.

–Ukar.

–Untziti.

–Untzue.

–Urroz.

–Uterga.

–Zabaltza.

4. Abeltzaintzako aseguru lerroetan, baldin bizi-bermeak eta ustiategian hildako animaliak eraman eta suntsitzeko zerbitzua badituzte, bizi-kapitalari aplikatzen zaion dirulaguntzaren portzentajea –ENESAren dirulaguntzaren gainekoa– 2. puntuan zehazten den banaketa-taulan ezarritakoa izanen da.

Hildako animaliak eraman eta suntsitzearen kapitalari aplikatzen zaion dirulaguntzaren portzentajea –ENESAren dirulaguntzaren gainekoa– 3. puntuan zehazten den banaketa-taulan ezarritakoa izanen da.

Bizi-kapitalerako dirulaguntzaren muga ezartzeko, kontuan hartu behar da ENESAren dirulaguntzaren zenbatekoa gehi Foru Komunitatearen dirulaguntzarena gehienez ere bizi-kapitalaren prima-ordainagiriaren %65 izanen dela, ezbehar-tasa altuak sortutako errekarguak kenduta.

Hildako animaliak eraman eta suntsitzearen kapitalerako dirulaguntzaren muga ezartzeko, kontuan hartu behar da ENESAren dirulaguntzaren zenbatekoa gehi Foru Komunitatearen dirulaguntzarena gehienez ere eraman eta suntsitzearen kapitalaren prima-ordainagiriaren %90 izanen dela, ezbehar-tasa altuak sortutako errekarguak kenduta.

Seigarrena.–Eskaerak non eta noiz aurkeztu.

1. Aseguratuak, edo asegurua haren izenean hartzen duenak, aseguru polizaren kontratua ENESAk urtero bezala onesten duen ebazpenean ezarritako moduan formalizatzea dirulaguntzaren eskaeratzat joko da, Nekazaritza, Arrantza eta Elikaduraren Ministerioak ezarritako izenpetze epeetan egiten baldin bada eta zuzen bete bada edo Agrosegurok zuzendu badu, bai kontratuaren osagaiei dagokienez, aplikatzekoa den araudian xedatutakoarekin bat, bai izenpetutako polizari dagokion dirulaguntza zehazteko behar diren datu guztiei dagokienez. Aipatutako ebazpen horren bidez deialdia egin da Estatuko Administrazio Orokorrak Nekazaritzako Aseguru Konbinatuen 2020ko Planeko nekazaritzako aseguruak izenpetzeko ematen dituen dirulaguntzetarako.

2. Aseguru berriztagarriko polizen kasuan, dirulaguntzarako eskaeratzat hartuko da hasiera batean izenpetutako aseguru poliza, urteko ordainketa egin izanaren agiria erantsirik. Ulertuko da polizaren ordainketak adierazten duela aseguruaren baldintzak onartzen direla eta kasuan kasuko dirulaguntzak jasotzeko betebeharrak betetzen direla.

3. Nekazaritza eta Abeltzaintza Zuzendaritza Nagusiko Nekazaritza Zerbitzuak ofizioz egiaztatuko du aseguratuak dirulaguntza eta laguntza publikoei buruzko arauetan eskatutako baldintzak betetzen dituela, Dirulaguntzei buruzko azaroaren 9ko 11/2005 Foru Legearen 13. artikuluarekin bat. Hala ere, beharrezkoa denean, onuradunei eskatzen ahalko die egiaztapen egokiak egiteko behar den informazio zehatza emateko.

Zazpigarrena.–Dirulaguntza emateko modua, lehentasunak eta irizpide objektiboak.

1. Dirulaguntza zuzeneko prozeduraren bidez emanen da.

2. Agrosegurok eta Landa Garapeneko eta Ingurumeneko Departamentuak sinatutako hitzarmenean ezarritakoarekin bat, poliza izenpetzean, beste dirulaguntzak kendu ondoren, aseguratuari polizaren zenbatekoa kobratuko zaio, dagokion dirulaguntza guztia kenduta, deialdi honen bosgarren oinarrian ezarritako portzentajeen arabera.

3. Dirulaguntza horiek emanen dira Nafarroako Aurrekontu Orokorretako kasuan kasuko aurrekontu-aplikazioan kreditu egoki eta aski baldin badago. Dena dela, dagokion aplikazioa handitzen ahalko da onartzen diren betebeharrak berdindu arte. Nolanahi ere, hasi ez diren kontratazioaldietako aseguru lerroetako gehieneko dirulaguntza portzentajeak aldatu ahal izanen dira.

Zortzigarrena.–Ebaluazio organoak.

1. Nekazaritza Zerbitzuak ebaluatuko ditu eskaerak eta eginen du ebazpen proposamena.

2. Nekazaritza eta Abeltzaintza zuzendari nagusiak ebazpen arrazoitua emanen du dirulaguntzei buruz, eta espresuki jakinaraziko zein eskaera ezetsi den.

3. Prozeduraren gainean ebazteko epea hiru hilabetekoa izanen da. Epea espresuki ebazpenik gabe bukatzen bada, ezetsitzat joko da eskaera.

Bederatzigarrena.–Aseguratuek laguntzaren aldaketen berri ematea.

Laguntzak onartzen dituzten aseguratuak beharturik daude komunikatzera, haien hartzaileen bitartez, kontratatutako aseguru lerroan aldaketak egiteko duen epean polizak izaten duen edozein aldaketa.

Hamargarrena.–Dirulaguntzaren bateragarritasuna.

Dirulaguntza hau osagarria eta bateragarria izanen da Estatuaren Administrazio Orokorrak helburu bererako ematen duen dirulaguntzarekin.

Hamaikagarrena.–Kontrola, zehapen araubidea eta dirulaguntzen itzulketa.

1. Dirulaguntzen onuradun diren aseguratuak beharturik daude Landa Garapeneko eta Ingurumeneko Departamentuaren esku jartzera dirulaguntzen kontrolerako egokiak diren datu eta argibide guztiak.

2. Aseguratuek, nekazaritzako aseguru poliza kontratatzean, baimena emanen diote Landa Garapeneko eta Ingurumeneko Departamentuari, beharrezkoa bada, beste administrazio batzuei informazioa eskatzeko, informatika edo telematika bidez, eskatutako baldintzak betetzen diren egiaztatzeko, zerga eginbeharrak betetzeari dagokionez, bai eta araututako dirulaguntzak eskuratzeko betebeharrak betetzen diren egiaztatzeko beste edozein informazio ere.

Aurreko paragrafoarekin ados ez badago, pertsonak edo entitateak berak aurkeztu beharko ditu zerga betebeharren eta Gizarte Segurantzaren gaineko betebeharrak betetzeari buruzko datuak.

Era berean, poliza kontratatzean baimena ematen dio Agroseguro SAri Landa Garapeneko eta Ingurumeneko Departamentuari polizari buruzko informazio guztia emateko, dagokion dirulaguntza kudeatu, kontrolatu eta ordaintzeko lanak egin ditzan.

3. Ebazpen honetan eta gainerako arau aplikagarrietan ezarritako baldintzak betetzen ez badira, onuraduna beharturik egonen da dirulaguntzak eta dagozkien legezko interesak osorik edo zati batean itzultzera, Dirulaguntzei buruzko azaroaren 9ko 11/2005 Foru Legearen 37.1 artikuluan xedatutakoari jarraikiz.

4. Aseguru hartzaileak, kontratazio kolektiboko polizen kasuan, edo, aseguratuak, banakako polizen kasuan, arau-hauste administratiboen erantzule baldin bada, zehapena jasoko du Dirulaguntzei buruzko azaroaren 9ko 11/2005 Foru Legearen IV. tituluan xedatutakoarekin bat.

Hamabigarrena.–Emandako dirulaguntzen publizitatea.

Deialdi honetako laguntzen onuradunen zerrenda Landa Garapeneko eta Ingurumeneko Departamentuko zerbitzuen katalogoan argitaratuko da.

Hamahirugarrena.–Onuradunaren betebeharrak.

Onuradunak Dirulaguntzei buruzko azaroaren 9ko 11/2005 Foru Legearen 9. artikuluan ezarritako betebeharrak izanen ditu.

Hamalaugarrena.–Onuradunaren gardentasun betebeharrak.

Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3. artikuluan aipatutako entitateak behartuak daude gardentasun betebeharra betetzera baldin eta, urtebetean, 20.000 eurotik gorako laguntzak edo dirulaguntzak jasotzen badituzte, edo jasotako laguntzak edo dirulaguntzak beren urteko diru-sarrera guztien %20 edo gehiago badira, betiere gutxienez 5.000 eurora iritsiz gero.

Apartatu honetan ezarritako mugak gainditzen ote diren jakiteko, Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak batuko dira. Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua konputatuko da ondorio hauetarako, ez guztizko batura. Erreferentziako urteko negozio-zifra edo aurrekontua honako hauetako txikiena izanen da:

a) Aurreko urteko negozio-zifra edo gauzaturiko aurrekontua.

b) Hala bada, dirulaguntza ematen den ekitaldian entitatearen organo eskudunak onartutako negozio-zifra edo aurrekontua.

Aipatu diren inguruabarrak gertatzeagatik gardentasun betebeharra duten entitate onuradunek ondoren adierazten den informazioa eman beharko dute dirulaguntzarik jasotzen badute:

a) Entitatearen gobernu, administrazio eta zuzendaritza organoen osaera.

b) Organo horiek osatzen dituzten kargudunen zerrenda.

c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan dagoena izanen da.

d) Kargudun bakoitzak gobernu, administrazio eta zuzendaritza eginkizunetan ematen duen dedikazioaren araubidea.

e) Entitate onuradunaren urteko azken kontuen kopia bat.

Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoan, bide telematikoak erabiliz, eta dirulaguntza kudeatzen duen administrazio unitateari bidaliko zaio. Informazioa bidaltzeko epea hilabetekoa izanen da dirulaguntza ematen duen ebazpena jakinarazten edo, hala bada, argitaratzen den egunetik hasita.

Informazio hori urtebetez egonen da aztergai Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori iraganik, informazioa argitaratzeko ardura duen unitateak ofizioz kenduko du. Hala egin ezean, entitate onuradunak kentzeko eskatzen ahalko du, eta gehienez ere hilabeteko epean kendu beharko da, eskaera egiten denetik hasita.

Entitateak ez badu gardentasun betebeharra konplitu beharrik, aurreikusitako egoerak gertatzen ez direlako, horren gaineko aitorpena aurkeztu beharko du.

Entitateak ekitaldi berean dirulaguntza bat baino gehiago jasotzen badu, ez du informazioa errepikatu beharko dirulaguntza bakoitzerako, salbu eta hasieran eman zituen datuak aldatzen badira.

Onuradunak informazioa emateko betebeharrak ez betetzeak ekar ditzakeen zehapenak galarazi gabe, haiek bete ezean, onartutako dirulaguntza ordaindu gabe utziko da, eta, zenbatekorik kobratu bada, itzuli egin beharko da, eta aurrerakinak ere bai, Dirulaguntzei buruzko Foru Legearen 35.1.c) artikuluan ezarritakoari jarraikiz.

Iragarkiaren kodea: F1916183