1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
NAFARROAKO FORU KOMUNITATEKO LEHENDAKARIAREN 59/2019 FORU DEKRETUA, abenduaren 17koa, Hugo López López jauna Nafarroako Kontseiluko kide izendatzen duena.
Nafarroako Kontseiluari buruzko ekainaren 9ko 8/2016 Foru Legearen 3.1 artikuluak xedatzen du Nafarroako Parlamentuko Osoko Bilkurari dagokiola, gehiengo osoz, pertsonak hautatzea, Nafarroako Kontseiluko kide izendatuak izan daitezen proposatzeko.
Aipatu foru legearen 4.1 artikuluak ezartzen du Nafarroako Parlamentuko Lehendakaritzak emanen diola hautatzen duen pertsonaren izena Foru Komunitateko Lehendakaritzari, hura izenda dezan.
Nafarroako Parlamentuko lehendakariak, 2019ko azaroaren 22ko idazki baten bidez, eman du aditzera Nafarroako Parlamentuko Osoko Bilkurak, 2019ko azaroaren 21ean egindako bileran, erabakia hartu zuela Hugo López López jauna Nafarroako Kontseiluko kide izendatzeko.
Horrenbestez, Nafarroako Kontseiluari buruzko ekainaren 9ko 8/2016 Foru Legeak ematen dizkidan ahalmenak erabiliz,
DEKRETATZEN DUT:
1. Hugo López López jauna Nafarroako Kontseiluko kide izendatzea. Izendatua izan eta hurrengo hogeita hamar egun naturaleko epean jabetuko da karguaz.
2. Nafarroako Foru Komunitateko lehendakariaren foru dekretu hau Nafarroako Parlamentura eta Nafarroako Kontseilura igortzea, eta Hugo López López jaunari jakinaraztea.
3. Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2019ko abenduaren 17an.–Nafarroako Gobernuko lehendakaria, María Chivite Navascués.
Iragarkiaren kodea: F1916225
