2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
SARTAGUDA
Laburpena, 2019-2020 ikasturtean hezkuntza, kultura, eta kirol jarduerak sustatzeko dirulaguntzen deialdiarena
Alkatetzaren otsailaren 10eko 21/2020 Ebazpenaren bidez onetsia.
Argitara ematen da deialdiaren laburpena, Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraikiz. Haren testu osoa Dirulaguntzen Datu Base Nazionalean kontsultatu daiteke (http://www.pap.hacienda.gob.es/bdnstrans/GE/eu/index). DDBN (Identifikazioa): 495466.
Lehena.–Onuradunak: Sartagudan, 2019-2020 ikasturtean, kirol, hezkuntza eta kultura arloko nahiz osasun-sustapeneko jardueren inguruko ikastaroetan matrikulaturik dauden pertsonak. Ikastaro horiek deialdiaren 2.1 puntuan adierazitakoak dira.
1.–Kirol arloko eta osasun-sustapeneko jarduerak: pilatesa, karatea, zumba, hirugarren adinekoendako gimnastika, sevillanak.
2.–Hezkuntza eta kultura arloko jarduerak: pintura, ingelesa, robotika, musika-ikasketak: musika hizkuntza, instrumentua, kantua, jotak, eskulanak.
Bigarrena.–Xedea: Banakako dirulaguntzak arautzea kultura, hezkuntza eta kirol arloan nahiz osasun-sustapenean egun Sartagudan ematen ari diren ikastaroetako ikasleendako. 2019-2020 ikasturte osoa hartzen duten ikastaroak sartzen dira deialdian (irail edo urritik maiatz edo ekainera bitarte).
Hirugarrena.–Oinarri arautzaileak: Sartagudaren egoitza elektronikoko iragarki-taulan daude argitaraturik: https://sartaguda.sedelectronica.es/info.2.
Laugarrena.–Zenbatekoa: Deialdiko laguntzen bidez, 26.000 euro emanen dira, gehienez.
Dirulaguntzen banakako zenbatekoa gehienez izanen da diruz lagundutako jarduera bakoitzerako oinarrien II. eranskinean ezarritako zenbatekoaren %50. Hala ere, eskabide-kopuruaren ondorioz, ehuneko horretara iristeko adinako krediturik ez badago, ehunekoa txikiagoa izanen da, hainbanaketaren bidez proportzionalki murrizturik. Dena den, jarduera hauen dirulaguntzen ehunekoa honako hau izanen da gutxienez:
–Musika Hizkuntza %28,57.
–Musika eta Mugimendua: %28,57.
–Instrumentua: %50.
–Instrumentua eta Musika Hizkuntza: %42,10.
Ehuneko hori kalkulatzeko, dena delako ikastaroaren zenbatekoa baino ez da kontuan hartuko dirulaguntza emateko oinarritzat, barne hartu gabe ikasle onuradunek ordaindutako beste gastu batzuk: materialak, liburuak, askotariko tresnak, fotokopiak, jantziak, instrumentuak eta abar.
Bosgarrena.–Eskabideak aurkezteko epea: 15 egun natural, deialdiaren laburpena Nafarroako Aldizkari Ofizialean argitaratzen denetik hasita.
Sartagudan, 2020ko otsailaren 10ean.–Idazkari kontu-hartzailea, Eva María López Soto.
Iragarkiaren kodea: L2002057