1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA administrari laguntzaile izateko oposizioaren lehendabiziko ariketaren behin betiko emaitzen aurka.
Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko ehun eta hogeita hamasei lanpostu oposizio bidez betetzeko deialdian, zeina Funtzio Publikoko zuzendari nagusiaren maiatzaren 31ko 1490/2019 Ebazpenaren bidez onetsi baitzen, behean azaltzen diren izangaiek gora jotzeko errekurtso bana jarri dute lehendabiziko ariketaren behin betiko emaitzen aurka, 2019ko abenduaren 17an argitaratu baitziren: Joseba Sola Gallego, Natalia Idoya Baines Pilart, Raquel Bueno Clavería, Silvia Rodríguez Satrústegui, Margarita Sánchez Garín, M.ª Socorro Santamaría Aldaba, Ignacio Calleja Cuesta, Marta Palacios Pérez, Mónica Salvoch Rodríguez, Maite Barbarin Erviti, Idoya Astrain Quintana, Izaskun Etxaniz Millán, Ainhoa Sánchez Barandiarán, Patrizia David Ibiriku, María del Mar Górriz Ederra, Musquilda Alegría Arrastia, Virginia Eraso Goñi, María Dolores Iriarte Alguacil, Maite Gil Resano, Francisca Maroto Pérez eta Mª Cristina Martínez Castillo jaun-andreak.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluei jarraituz, aditzera ematen zaie interesdun guztiei, iragarki hau argitaratu eta biharamunetik hamar egun balioduneko epean alegazioak egin ditzaten, Erregistro Orokorrean aurkeztuz (Nafarroako Jauregia, Karlos III.aren etorbidea 2, Iruña), edo aipatutako legearen 16. artikuluan adierazitako bideak erabiliz.
Jarritako errekurtsoen kopiak interesdunen eskura daude Funtzio Publikoko Zuzendaritza Nagusiko Araubide Juridikoaren Atalean (Karlos III.aren etorbidea 2, 2. solairua, Iruña).
Iruñean, 2020ko urtarrilaren 29an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2001562
