1. NAFARROAKO FORU KOMUNITATEA
1.7. BESTELAKOAK
11/2020 EBAZPENA, urtarrilaren 30ekoa, Toki Administraziaren eta Despopulazioaren zuzendari nagusiak emana, Olaztiko (Nafarroa) hondakin uren araztegia eraberritzeko proiektua eta haren lanek ukitutako ondasunen eta eskubideen zerrenda jendaurrean jartzen dituena.
Nafarroako Toki Azpiegiturak SA (NILSA) enpresak, Sakanako Mankomunitatearekin finkatua duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala Olaztiko (Nafarroa) hondakin uren araztegia eraberritzeko proiektua eta haren lanek ukitutako ondasunen eta eskubideen zerrenda. Era berean, desjabetze espedientea presako prozeduraz tramitatzeko eskatu du, Nahitaezko Desjabetzeari buruzko 1954ko abenduaren 16ko Legeak 52. artikuluan ezartzen duen bezala, aipatutako guztia Sakanako Mankomunitatearen alde.
Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berekin dakar hartzen dituzten ondasunen onura publikoaren eta okupatu beharraren deklarazioa, nahitaezko desjabetzea egiteko.
Horrenbestez, Nahitaezko Desjabetzeari buruzko Legeak 18. artikuluan xedatzen duenari jarraikiz, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuarekin bat,
EBAZTEN DUT:
1. Hamabost egunez jendaurrean jartzea Olaztiko (Nafarroa) hondakin uren araztegia eraberritzeko proiektua eta haren lanek ukitutako ondasunen eta eskubideen zerrenda, hemen ondotik ematen dena, proiektuak ukitutakoek egokiak iruditzen zaizkien alegazioak aurkeztu eta argitaratzen den zerrendan egindako akatsak zuzentzeko behar diren datuak eman ditzaten, idatziz, Toki Administrazioaren eta Despopulazioaren Zuzendaritza Nagusian (Arrieta kalea 12-3. solairua, 31002 Iruña), Olaztiko Udalean eta Sakanako Mankomunitatean. Leku horietan proiektuaren kopia bat eta lurzatien planoak izanen dira eskuragarri.
2. Sakanako Mankomunitatea desjabetze espedientearen onuradun deklaratzea.
3. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Olaztiko Udalaren eta Sakanako Mankomunitatearen iragarki-tauletan argitaratuko da. Orobat, iragarki bat argitaratuko da Foru Komunitateko egunkari batean.
Iruñean, 2020ko urtarrilaren 30ean.–Toki Administrazioaren eta Despopulazioaren zuzendari nagusia, Jesús M. Rodríguez Gómez.
OLAZTIKO (NAFARROA) HONDAKIN UREN ARAZTEGIA ERABERRITZEA Ukitutako ondasunen eta eskubideen zerrenda |
FINKAREN KODEA | TITULARRA/K | JARD. | BEHIN BETIKO OKUP. | ZORTASUNA | ALDI BAT. OKUP | ERREGISTROA | POL. | LURZ. | LUR MOTA |
m² | m.l. | m² | m² | kop. | m² |
HERRIA: OLAZTI |
OL-01 | Olaztiko Udalaren herri-lurrak Gartzia Ximenez, 1 31809 Olazti (Nafarroa) | SA | 1393,08 | 0 | 0 | 345 | 0 | 0 | 4 | 8 | Basoa-Larreak |
OL-01/1 | Olaztiko Udalaren herri-lurrak Olaztiko Udala | SA | 25,60 | | | | | | | | Eraikuntza |
OL-02 | Olaztiko Udalaren herri-lurrak | SA | 7929,56 | 0 | 0 | 1.194 | 0 | 0 | 4 | 7 | Larreak/Ezemankorra-Harrobia |
OL-03 | Olaztiko Udala | SA | 0 | 15 | 45 | 2.530 | 0 | 0 | - | - | Bidea |
LLE | 0 | 269 | 269 | 0 | 5 | 4,42 | - | - |
OL-04 | Ezezagunak | SA | 0 | 49 | 147 | 0 | 1 | 2 | 3 | 3046 | Lehorreko alorra |
OL-04BIS | Patxi Gil Iparraguirre jauna (nekazaria) | SA | 0 | 0 | 0 | 446 | 0 | 0 | 3 | 3046 | Lehorreko alorra |
OL-05 | M.ª Teresa Beraiz Fernández andrea | SA | 0 | 0 | 0 | 122 | 0 | 0 | 3 | 3045 | Lehorreko alorra |
Maite Beraiz Ortiz andrea |
Patxi Gil Iparraguirre jauna (nekazaria) |
OL-06 | Clemente Fernández jauna | SA | 0 | 2 | 6 | 0 | 0 | 0 | 3 | 3047 | Lehorreko alorra |
OL-06BIS | Patxi Gil Iparraguirre jauna (nekazaria) | SA | 0 | 0 | 0 | 1730 | 0 | 0 | 3 | 3047 | Lehorreko alorra |
OL-07 | Cementos Portland Valderrivas SA Geltokia, 16 31809 Olazti (Nafarroa) | LLE | 0 | 14 | 42 | 87 | 1 | 1 | 3 | 3079 | Lehorreko alorra |
Laburdurak: Jard.: Jarduketa; SA: Saneamendua; LLE: lurpeko linea elektrikoa; Behin betiko okup.: Behin betiko okupazioa HUArako; Pol.: Poligonoa; Lurz.: Lurzatia. |
Iragarkiaren kodea: F2001462