3. ALDIZKARIA - 2020ko urtarrilaren 7a

3. ESTATUKO ADMINISTRAZIOA

GOBERNUAREN ORDEZKARITZA

Jendaurreko informazioa, eskatutako aurretiazko administrazio baimenarena eta eraikitzeko administrazio baimenarena, Mallengo (Zaragoza) eta Cortesko (Nafarroa) udal-mugarteetan goi tentsioko 13,2 kV-eko aireko instalazio elektriko baten saihesbidea eraikitzeko proiektuarekin lotuta (325-340535 espedientea)

Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluarekin eta hurrengoekin bat, eta Sektore Elektrikoari buruzko abenduaren 26ko 24/2013 Legearekin bat, jendaurrean jartzen da instalazio elektriko honen proiektua, zeinerako eskatu baitira aurretiazko administrazio baimenarena eta eraikitzeko administrazio baimena:

Titularra: Pedro García Abadía eta Ana Pilar Litago Escalada.

Eskatzailea: Gallur-Mallén ABEE (COPISA-SANDO).

Erreferentzia: 325-340535.

Tentsioa: 13,2 kV.

Jatorria: “S_SOLUTEX” (Endesa Distribución Eléctrica SAU) linearen 4. euskarria.

Mugartea: P09121 zenbakiko transformazio zentroa (usategi motakoa).

Luzera: 118 metro, airekoak.

Ibilbidea: A-68 autobia berria, 14+000 km., Mallén (Zaragoza) eta Cortes (Nafarroa) artean.

Instalazioaren xedea: A-68 autobiaren eraikuntzak eragindakoa, 14+000 k.p.an, Gallur-Mallén tartean.

Aurrekontua: 14.693,55 euro.

Proiektua aztertzen ahalko da Gobernuaren Zaragozako Ordezkariordetzan, Industria eta Energiaren Arlo Funtzionalean (Ntra. Sra. Del Pilar plaza, z.g., 50071 Zaragoza), eta Gobernuaren Nafarroako Ordezkariordetzan, Industria eta Energiaren Arlo Funtzionalean (Merindadeen plaza, z.g., 31071 Iruña). Proiektuak ukituak direla uste duten guztiek proiektua aztertu eta alegazioak aurkezten ahalko dituzte, idatziz, bai euskarri fisikoan bai Estatuko Administrazio Orokorraren Erregistro Elektronikoaren bidez (https://rec.redsara.es), hogei eguneko epean iragarki hau argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aurreikusitako moduan.

Iruñean, 2019ko abenduaren 20an.–Gobernuaren Nafarroako Ordezkaritzako Industria eta Energia Arloko zuzendaria, Ángel Hernández González.

Iragarkiaren kodea: E1916439