2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOBEITI
Bideozaintza kamerak jartzea kirol pistetan. Baimena
2020ko abenduaren 9an, Berriobeitiko Udaleko alkate udalburu Raúl Julio Bator Pérezek ondotik hitzez hitz osorik heldu den ebazpena eman zuen:
Aurrekariak
Azken garai hauetan, Artikako kirol pistek eraso basatiak pairatu dituzte. Hori dela eta, Udalak uste du beharrezkoa dela laguntza teknologikoa ematea udal albienteek bete behar dituzten zaintza lanak hobeki egiteko. Horregatik, Berriobeitiko Udalak erabaki du bideokameren instalazioa eta erabilera gehitzea bere eskumenekoa den zerbitzuari, erasoak eta horiek bezalako jokabideak kontrolatu eta zaintzeko, eta horrelakorik egiteko asmoa kentzeko.
Inguruabar juridikoak
Lehenbizikoa.–Segurtasun Indar eta Kidegoek eremu publikoetan bideokamerak erabiltzea arautzen duen abuztuaren 4ko 4/1997 Lege Organikoaren 4. artikuluak ezartzen du ezen “bideokamarak jartzea baimentzeko proportzionaltasun printzipioari jarraituko zaiola, eta irizpide hauek hartuko direla kontuan: eraikin eta instalazio publikoen eta haien sarbideen babesa segurtatzea; defentsa nazionalerako erabilgarriak diren instalazioak zaintzea; hiritarren segurtasunaren aurkako arau-hausteak jasotzea, eta pertsona zein ondasunekiko kalteak prebenitzea”.
Bigarrena.–Ezarri nahi den sistemak identifikaturik dauden edo identifikatzen ahal diren pertsona fisikoen irudiak hartu, grabatu eta erreproduzitu ditzake; hortaz, tratamendu horiek Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoan eta Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduan ezarritakoaren arabera aplikatuko dira; izan ere, erregelamendu horren bidez, pertsona fisikoen babesa arautu zen, datu pertsonalen tratamenduari eta datu horien zirkulazio askeari dagokienez, eta indarrik gabe utzi zen 95/46/EE Zuzentaraua (Datuak Babesteko Erregelamendu Orokorra).
Horrenbestez,
EBAZTEN DUT:
Lehenbizikoa.–Irudiak erreproduzitzen ahal dituzten bideokamerak jarri eta erabiltzea baimentzea, jokabide basatiak kontrolatu eta zaintzeko, eta horrelakorik egiteko asmoa kentzeko, indarrean dagoen araudiak ezartzen dituen baldintza zorrotzak betez.
–Kokaguneak:
• N 42.49584 O 1.39298.
• N 42.49578 O 1.39291.
• N 42.49573 O 1.39305.
Bigarrena.–Datuen babesa.
Informazioa jasotzeko eskubidea. Udalak kartelak jarriko ditu ikusgai, esaten dutenak bideozaintza sistema bat dagoela, Artikako kirol pistetan gertatzen ari diren eraso basatiak zaintzeko eta kontrolatzeko.
Interesdunek informazio zabalagoa izanen dute eskuragarri udal bulegoetan, kamerak instalatzearen ondoriozko irudien tratamenduari dagokionez, baita egoitza elektronikoan eta http://www.berrioplano.es webguneko pribatutasun politikari dagokionez ere.
Tratamenduaren jardueren erregistroa. Datuak Babesteko Erregelamendu Orokorraren 30. artikuluan ezarritakoarekin bat etorriz, Berriobeitiko Udalak bere erregistroan jasoko du Artikako kirol pistetan gertatzen ari diren eraso basatiak zaintzeko eta kontrolatzeko bideozaintzari dagokion tratamenduaren jarduera.
Tratamendu jardueren erregistroa udal webguneko gardentasun atarian kontsultatu ahalko da: https://berrioplano.sedelectronica.es/transparency/
Datuen babeseko ordezkaria. Berriobeitiko Udalak datuen babeserako ordezkari bat izendatu du (DBO). Pertsona horrekin edonor jar daiteke harremanetan, datuen tratamenduari buruzko zalantzak argitzeko edo eskubideak baliatzeko, edo arlo horretako edozein erreklamazio edo iradokizun egiteko. Ukitutako pertsonak erreklamazio hori egin dezake, Datuak Babesteko Espainiako Bulegoan erreklamazioa aurkeztu aurretik. Kasu honetan, erreklamazio horren inguruan hartutako erabakia datuen babeserako ordezkariak jakinaraziko dio interesdunari, erabakia hartu eta bi hilabeteko epean.
Ordezkariarekin harremanetan jar daiteke dpd@berrioplano.es helbide elektronikoan edo posta bidez, Udaletxearen helbidean (Udaletxeko plaza, 1. 31195 Berriobeiti - Nafarroa).
Segurtasun neurriak. Udalak arriskuen analisia eginen du, behar diren neurri teknikoak eta antolaketa neurriak ezartzeko, irudien segurtasuna bermatzeko, suntsitzea, galtzea edo ezustean edo bidegabeki aldatzea saihesteko edo baimenik gabe sartu edo jakinaraztea ekiditeko.
Hirugarrena.–Udala bera arduratuko da irudiak gordetzeaz eta haiek ikusi eta ezabatzeko eskabideak ebazteaz.
Laugarrena.–Argitalpena. Erabaki hau Nafarroako Aldizkari Ofizialean argitara dadila agintzen da, hala xedatzen baita Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 196. artikuluan.
Bosgarrena.–Indarra hartzea. Ebazpen honek Nafarroako Aldizkari Ofizialean argitaratu eta biharamunean hartuko du indarra.
Berriobeitin, 2020ko abenduaren 9an.–Alkatea, Raúl Julio Bator Pérez.
Iragarkiaren kodea: L2015156
