169. ALDIZKARIA - 2024ko abuztuaren 20a

1. NAFARROAKO FORU KOMUNITATEA

1.7. BESTELAKOAK

ENKANTEA, ondasun higiezinak Ledean eta Zangozan.

Nafarroako Foru Ogasunaren Derrigorrezko Diru-bilketaren Atalean bideratutako premiamendu-espediente administratibo baten barnean, Nafarroako Foru Ogasuneko Diru-bilketa Zerbitzuko zuzendariak, 2024ko ekainaren 12an, erabaki zuen behean azaltzen diren ondasun higiezin enbargatuak enkante bidez saltzea. Enkantea Estatuko Aldizkari Ofiziala Estatuko Agentziaren Enkanteen Atarian eginen da.

Nafarroako Foru Komunitateko Diru-bilketaren Erregelamenduaren 135. artikuluan eta aipatu erabakian xedatutakoa betez, iragarkia argitaratzen da Estatuko Aldizkari Ofizialean, baita iragarki hau ere, eta honako hau ohartarazten zaie enkantean parte hartu nahi dutenei:

1. Enkante administratiboaren iragarkia, erreferentzia-zenbakia: 02680.

2. Helbide elektronikoa: https://subastas.boe.es/ds.php?id=SUB-RC-20243100200102680 Estatuko Aldizkari Ofiziala Estatu Agentziaren Enkanteen Atariaren helbide elektroniko horretan jasota daude enkantearen eta enkantean jarriko den ondasunaren funtsezko datuak.

3. Helbide elektroniko horretan adierazitako egunean hasiko da enkantea. Irekitzen denetik, eskaintza elektronikoak egiten ahalko dira hogei egun naturalean, Enkanteen Atarian.

4. Ondasunak adjudikatzeko aktaren ziurtagiria egin aurretik edo, hala dagokionean, salmentaren eskritura publikoa eman aurretik behar bezala justifikatzen bada ordaindu direla zorra, berandutze-interesak eta prozeduraren kostuak, enkantea bertan behera geratuko da.

5. Enkantean jarriko diren ondasunak:

–1. lotea.

1.–Landa-lurra. Mahasti bat Aspran, Ledeako 1. poligonoko 270. lurzatian; hiru erregu eta hiru almute ditu, hots, hogeita bederatzi area eta hamahiru zentiarea. Mugakide hauek ditu: iparraldean, Silverio Artajo; hegoaldean, Canuto Sánchezen ondorengoak; ekialdean, Manuel Areso; eta mendebaldean, Garayren alarguna.

Ez dago jabetza-erregistroan inskribatuta.

Ledeako katastroa: 1. poligonoa, 270. lurzatia, A eta B azpilurzatiak, 2.130,06 m² eta 782,56 m²-koak, hurrenez hurren. Ondasun higiezinaren katastroko erreferentzia: 310000000001261373ZD.

2.–Landa-lurra. Mahasti bat Testajon, Ledeako 2. poligonoko 47. lurzatian; hiru erregu eta almute bat ditu; hots, hogeita zazpi area eta laurogeita hiru zentiarea. Mugakide hauek ditu: iparraldean, Salvador Arina; hegoaldean, Evaristo Barber; ekialdean, Salvador Arina; eta mendebaldean, Goyeneche senideak.

Ez dago jabetza-erregistroan inskribatuta.

Ledeako katastroa: 2. poligonoa, 47. lurzatia, A azpilurzatia, 2.783,40 m²-koa. Ondasun higiezinaren katastroko erreferentzia: 310000000001261514OQ.

3.–Hiri-lurra. Lastategi bat Liskarren, Ledeako 1. poligonoko 811. lurzatian, 101. etxe-sailean, Liskarbideko bost zenbakian; lurzatiak laurogeita hemeretzi metro koadroko azalera du. Beheko solairua eta goiko solairu bat ditu; eta alde guztietan herri-lurrak ditu mugakide.

Ez dago jabetza-erregistroan inskribatuta.

Ledeako katastroa: 1. poligonoa, 811. lurzatia, 98,65 m²-koa. Ondasun higiezinaren katastroko erreferentzia: 310000000001641721LG.

4.–Landa-lurra. Mahasti-olibadi bat Aquel Cabon edo Morquillónen; hiru erregu eta erdi ditu, hots, hogeita hamaika area eta berrogeita lau zentiarea eta erdi. Mugakide hauek ditu: iparraldean, Casimiro Zunzarren (gaur egun, ondorengoak); hegoaldean, Babil Aspurz (gaur egun, ondorengoak); ekialdean, Eugenia Bornás (gaur egun, ondorengoak); eta mendebaldean, Agutín Mina (gaur egun, ondorengoak). Ledeako 2. poligonoko 143. lurzatia da, hiru erregu eta zazpi almutekoa, hots, hogeita hamaika area eta hogeita lau zentiareakoa.

Ez dago jabetza-erregistroan inskribatuta.

Ledeako katastroa: 2. poligonoa, 143. lurzatia, A eta B azpilurzatiak, 2.695,64 m² eta 428,51 m²-koak, hurrenez hurren. Ondasun higiezinaren katastroko erreferentzia: 310000000001261593KP.

5.–Landa-lurra. Baratze bat La Norian; sei almute eta erdi ditu, hots, hiru area eta hirurogei zentiarea. Mugakide hauek ditu: iparraldean, Francisco Oyaga (gaur egun, ondorengoak); hegoaldean, Ruperto Armendáriz (gaur egun, Javiera Armendáriz); ekialdean, Antonio Mendive (gaur egun, Francisco Mendive); eta mendebaldean, Irati ibaia. Ureztalurra da, eta zatiezina. Katastroaren arabera, Ledeako 3. poligonoko 360. lurzatia da, zazpi almutekoa, hots, lau area eta hogeita hiru zentiareakoa.

Ez dago jabetza-erregistroan inskribatuta.

Ledeako katastroa: 3. poligonoa, 360. lurzatia, A eta B azpilurzatiak, 335,39 m² eta 87,47 m²-koak, hurrenez hurren. Ondasun higiezinaren katastroko erreferentzia: 310000000001261987RL.

–2. lotea.

1.–Landa-lurra. Alor bat, lehorreko lurrekoa eta zatiezina, Campo de Rocaforte parajean, Zangozako 1. poligonoko 82. lurzatian; bi erregu eta hamabost almute ditu, hots, hogeita sei area eta hirurogeita zazpi zentiarea. Mugakide hauek ditu: iparraldean, bide bat; hegoaldean, Matías Torres; ekialdean, Saturnino Ballaz; eta mendebaldean, errepidea.

Ez dago jabetza-erregistroan inskribatuta.

Zangozako katastroa: 1. poligonoa, 82. lurzatia, A azpilurzatia, 2.667,22 m²-koa. Ondasun higiezinaren katastroko erreferentzia: 310000000001345434SE.

2.–Landa-lurra. Alor bat, lehorreko lurrekoa eta zatiezina, La Val parajean, Zangozako 1. poligonoko 211. lurzatian; bi erregu eta lau almute ditu, hots, hogei area eta hirurogeita hiru zentiarea. Mugakide hauek ditu: iparraldean, herri-lurrak; hegoaldean, Saturnino Ballaz; ekialdean, Labairu senideak; eta mendebaldean, Miguel Lacasa.

Ez dago jabetza-erregistroan inskribatuta.

Zangozako katastroa: 1. poligonoa, 211. lurzatia, A azpilurzatia, 2.063,32 m²-koa. Ondasun higiezinaren katastroko erreferentzia: 310000000001345561PQ.

Atalaren oharra: Rocaforteko kontzejuko alkate udalburuak, 2024ko urtarrilaren 29an, atal honi jakinarazi zion ezen "Zangozako 1. poligonoko 211. eta 82. lurzatiak" lurzati-biltze batean sartu zirela, eta orain lurzati bakarra osatzen dutela, hain zuzen, Zangozako 2. poligonoko 38. katastro-lurzatia; alabaina, txosten hau egin den egunean, aldaketa hori ez da katastroan jaso.

6. Lehentasunez erosteko edo lehentasunez eskuratzeko eskubideen balizko titularrik izanez gero, etenda geldituko da mahaiak behin-behinean erabakitako adjudikazioa, aplikatu beharreko legeriarekin bat titular horiek beren eskubidea baliatzen ahal duten epean.

7. Iragarki honetan eta Estatuko Aldizkari Ofiziala Estatu Agentziaren Enkanteen Atarian aurreikusita ez dagoen guztian, egintza arautzen duten legezko eta erregelamenduzko xedapenetan ezarritakoari jarraituko zaio.

Argibide gehiago nahi izanez gero, harremanetan jarri Derrigorrezko Diru-bilketaren Ataleko langileekin (telefono zk.: 848 428693, posta elektronikoa: recaudacion.ejecutiva@navarra.es).

Iruñean, 2024ko abuztuaren 9an.–Derrigorrezko Diru-bilketaren Ataleko burua, Sonia Ruiz Millán.

Iragarkiaren kodea: F2411976