1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
5/2020 EBAZPENA, urtarrilaren 23koa, Lanbide Heziketaren zuzendari nagusiak emana, zeinaren bidez esleitzen baitira Lanbide Heziketako irakaskuntzen sari bereziak, Nafarroako Foru Komunitateko oinarrizko, erdi- eta goi-mailako Lanbide Heziketako hezkuntza sistemari eta 2018-2019 ikasturteari dagozkionak.
Lanbide Heziketaren Plangintza eta Berrikuntzarako Zerbitzuak txosten bat aurkeztu du, eta bertan proposatu du Lanbide Heziketako irakaskuntzen sari bereziak eman dakizkiela merezi izan dituzten ikasleei, beren ikasketa ibilbide bikainagatik, baloratu dituen batzordearen aktan ageri den bezala. Sari horiek Nafarroako Foru Komunitateko oinarrizko, erdi- eta goi-mailako Lanbide Heziketako hezkuntza sistemari dagozkio, 2018-2019 ikasturteari, eta horien deialdia Lanbide Heziketaren zuzendari nagusiak irailaren 25ean emandako 11/2019 Ebazpenaren bitartez egin zen.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. Ebazpen honen eranskinean ageri diren ikasleei esleitzea Lanbide Heziketako irakaskuntzen sari bereziak, Nafarroako Foru Komunitateko oinarrizko, erdi- eta goi-mailako Lanbide Heziketako hezkuntza sistemari eta 2018-2019 ikasturteari dagozkionak.
2. Ikasle horiek aipatu saria aitortzen dien diploma jaso dezatela xedatzea.
3. Goi-mailako ikasle sarituek aukera izanen dute Goi Mailako Lanbide Heziketako 2018-2019 ikasturteko sari nazionaletan aurkezteko, aldez aurretik izena emanda.
4. Agintzea ikasle sarituen ikasketa espedientean ager dadila kasuan kasuko eginbidea, 2018-2019 ikasturtean Nafarroako Foru Komunitatean Lanbide Heziketaren Sari Berezia lortu dutela egiaztatzen duena.
5. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.
6. Ebazpen hau eta eranskina Nafarroako Aldizkari Ofizialean argitara daitezela agintzea.
7. Ebazpen hau eta eranskina igortzea Lanbide Heziketaren Plangintza eta Berrikuntzarako Zerbitzuari, Hezkuntzako Ikuskapen Zerbitzuari, Lanbide Heziketaren Plangintza, Antolamendu eta Garapenerako Atalari, ikasle sarituek ikasi duten ikastetxeei eta ikasle sarituei, behar diren ondorioak izan ditzaten.
Iruñean, 2020ko urtarrilaren 23an.–Lanbide Heziketaren zuzendari nagusia, Tomás Rodríguez Garraza.
ERANSKINA Oinarrizko lanbide titulua izanik, oinarrizko LHko sari berezia jaso duten ikasleak |
DEITURAK ETA IZENA | LANBIDE ARLOA | ZIKLOA | IKASTETXEA |
Sbaa Boutraba Raid | Merkataritza eta Marketina | Merkataritza zerbitzuak | Uharte BHI |
Luna Brito, Carlos Andrés | Ostalaritza eta Turismoa | Sukaldaritza eta Jatetxeak | Uharte BHI |
El Allam Najeh Ayoub | Fabrikazio Mekanikoa | Fabrikazioa eta Muntaketa | Uharte BHI |
Teknikari titulua edo LHko titulua izanik, erdi mailako LHko sari berezia jaso duten ikasleak |
DEITURAK | IZENA | LANBIDE ARLOA | ZIKLOA | IKASTETXEA |
Salinas Aguerri | Rubén | Gorputz eta Kirol Jarduerak | Natur Ingurunean Gorputz eta Kirol Jarduerak Gidatzea | Ega Lekaroz BHI |
Celaya Gil | Nekane | Administrazioa eta Kudeaketa | Administrazio Kudeaketa | Cuatrovientos IBP |
Jiménez Cuesta | Melany | Arte grafikoak | Aurreinprimaketa Digitala | Salesianos Politeknikoa IBP |
Grande Cía | Ainhoa | Merkataritza eta Marketina | Merkataritzako Jarduerak | Carlos III LHIP |
Jiménez Cuesta | Jonathan | Elektrizitatea eta Elektronika | Instalazio Elektrikoak eta Automatikoak | Virgen del Camino IBP |
Ciobanu | Andrei | Fabrikazio Mekanikoa | Mekanizazioa | ETI IBP |
Igbinovia Igbinadolor | Jeseca | Ostalaritza eta Turismoa | Sukaldaritza eta Gastronomia | Burlatako IB |
Jiménez Cuesta | Christian | Informatika eta Komunikazioak | Sistema Mikroinformatikoak eta Sareak | M.ª Ana Sanz |
Pardiñas Garcia | Yelco | Osasuna | Erizaintzako Zainketa Lagungarriak | María Inmaculada LHIP |
García Barroso | Amaya | Gizarte eta Kultur Zerbitzuak eta Komunitatearentzako Zerbitzuak | Mendekotasun Egoeran Dauden Pertsonentzako Arreta | Lizarrako IB Politeknikoa |
Teknikari titulua edo goi-mailako LHko titulua izanik, goi-mailako LHko sari berezia jaso duten ikasleak |
DEITURAK ETA IZENA | LANBIDE ARLOA | ZIKLOA | IKASTETXEA |
Armingol Román, Virginia | Administrazioa eta Kudeaketa | Administrazioa eta finantzak | Donapea IBP |
García Echeverria, María Lourdes | Nekazaritza | Paisajismoa eta Landa Ingurunea | Agroforestal IB |
Martín de Andrés, Pedro M.ª | Merkataritza eta Marketina | Marketina eta Publizitatea | Mª Ana Sanz Administrazioko, Merkataritzako eta Informatikako IB |
Sanz Pérez, Pilar | Eraikuntza eta Obra Zibila | Eraikuntza Proiektuak | Virgen del Camino IBP |
Cervera Barea, Ian | Elektrizitatea eta Elektronika | Automatizazio eta Robotika Industriala | ETI IBP |
Abaigar Ruete Marta | Irudi Pertsonala | Estetika Integrala eta Ongizatea | Burlata LH IB |
Redondo Gillén Sheila | Elikagaien Industriak | Elikagaien Industriako Prozesuak eta Kalitatea | EGA BHI |
Santana Domínguez Sergio | Informatika eta komunikazioak | Web Aplikazioen Garapena | Lizarrako IB Politeknikoa |
Pérez Suárez Luis | Instalazioa eta Mantentze-lanak | Mekatronika Industriala | ETI IBP |
Aramendía Fernández Aitor | Kimika | Analisien eta Kalitate Kontrolaren Laborategia | Donapea IBP |
Ilchova Simona Georgieva | Osasuna | Aho-hortzetako Higienea | ESTNA |
Palacín Mesegué Carolina | Gizarte eta Kultur Zerbitzuak eta Komunitatearentzako Zerbitzuak | Haur Hezkuntza | Escuela Politécnica de Navarra LHIP |
Iragarkiaren kodea: F2001197