2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PUIU
2020rako lan egutegia eta egun baliogabeen deklarazioa
Puiuko Udaleko Alkatetzak, abenduaren 31n eman 91/2019 Ebazpenaren bidez, 2020ko lan egutegia eta egun baliogabeen deklarazioa onetsi zituen. Hona hemen zer ezartzen duen haren xedapen zatiak:
“Lehena.–2020ko lan egutegia.
2020ko lan egutegia onestea Puiuko Udalaren zerbitzuko langileentzat. Honako hauek izanen dira jaiegunak, eta egun horietan itxirik egonen dira udal bulegoak:
–Urtarrilaren 1a: Urteberri eguna.
–Urtarrilaren 7a: Errege egunaren ondoko astelehena.
–Martxoaren 19a: San Jose.
–Martxoaren 20a: Zaindariaren jaieguna.
–Apirilaren 9a: Ostegun Santua.
–Apirilaren 10a: Ostiral Santua.
–Apirilaren 13a: Pazko astelehena.
–Maiatzaren 1a: Langileen eguna.
–Uztailaren 25a: Herriko jaia.
–Urriaren 12a: Espainiako Jai Nazionala.
–Abenduaren 3a: San Frantzisko Xabierkoa.
–Abenduaren 4a: Zaindariaren jaieguna.
–Abenduaren 7a: Konstituzio egunaren biharamuna.
–Abenduaren 8a: Andre Maria Sortzez Garbiaren eguna.
–Abenduaren 24a: Zaindariaren jaieguna.
–Abenduaren 25a: Eguberri eguna.
–Abenduaren 31: Zaindariaren jaieguna.
Bigarrena.–2020ko egun baliogabeak.
Baliogabeak izanen dira, 2020. urtean epeak kontatzeari dagokionez, larunbat eta igande guztiak eta ebazpen honen lehenbiziko xedapenean adierazitako jaiegunak, salbu eta martxoaren 20a, abenduaren 4a, 24a eta 31, horiek jaiegun eta baliodun izanen baitira.
Hirugarrena.–Jendea hartzeko ordutegia.
Puiuko Udaleko Erregistro Orokorra 11:00etatik 14:30era egonen da irekita, jendea hartzeko, astelehen, asteazken eta ostiraletan.
Laugarrena.–Urteko lanorduen banaketa.
Puiuko Udaleko administrazioko langileen lanaldiaren urteko lanordu kopurua 1.592 ordukoa da, abenduaren 26ko 26/2012 Foru Legeari jarraikiz, eta haren banaketa honela eginen da:
Astelehenetik ostiralera bitarteko eguneroko lanaldia, orokorrean, 7 ordu eta 20 minutukoa izanen da.
Onetsitako lan egutegiaren arabera Udaleko langileek 27 opor egun izanen dituzte, bai eta norberaren aferetarako 3, langile bakoitzaren lan kontratuaren arabera dagokion proportzioan.
2020rako onetsitako lan egutegian sobran gelditzen dira 4 egun eta 6,40 ordu, martxoaren 20an, abenduaren 4an, 24an eta 31n hartuko direnak. Gainerako 6,40 orduak nahierara hartuko dituzte Udaleko langileek.
Bosgarrena.–Ebazpen hau Nafarroako Aldizkari Ofizialean eta Puiuko Udalaren iragarki-taulan argitaratuko da.
Seigarrena.–Ebazpen hau eta lan egutegia Udaleko langile guztiei jakinaraztea eta osoko bilkurari ebazpenaren berri ematea egiten den hurrengo osoko bilkura arruntean.”
Puiun, 2020ko urtarrilaren 17an.–Alkatea, María Rosario Guillén Guillén.
Iragarkiaren kodea: L2001050
