1. NAFARROAKO FORU KOMUNITATEA
1.7. BESTELAKOAK
208/2019 EBAZPENA, abenduaren 18koa, Hezkuntzako zuzendari nagusiak emana, indarrik gabe uzten duena Iruñeko "Merkataritza Ganbera" Lanbide Heziketako ikastetxe pribatuari ireki eta jarduteko eman zitzaion baimena.
Unibertsitateen eta Hezkuntza Baliabideen zuzendari nagusiak martxoaren 13an eman 136/2018 Ebazpenaren bidez, baimena eman zen Iruñeko "Merkataritza Ganbera" Lanbide Heziketako ikastetxe pribatua ireki eta jarduteko, ondorioak izanik 2018/2019 ikasturtearen hasieratik aurrera.
Ikusirik ikastetxearen titularrak ez zuela aipaturiko ikasturtean martxan jarri eta ez zuela baimenik eskatu martxan jartzea geroratzeko, uztailaren 6ko 251/1992 Foru Dekretuaren 9. artikuluko 5. apartatuan zehaztu bezala (foru dekretu horren bidez prozedura ezarri zen Nafarroako Foru Komunitatean araubide orokorreko unibertsitatez kanpoko irakaskuntza ematen duten ikastetxe pribatuak baimentzeko).
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1 d) artikuluak ematen dizkidan ahalmenak erabiliz, interesdunari entzunaldia emateko tramitea eginik, ebazpen proposamenaren aurrekoa dena, eta Hezkuntzako Ikuskapen Zerbitzuak proposaturik,
EBAZTEN DUT:
1. Indarrik gabe uztea Iruñeko "Merkataritza Ganbera" Lanbide Heziketako ikastetxe pribatuari (ikastetxearen kodea: 31014931) ireki eta jarduteko eman zitzaion baimena, eta baja ematea Nafarroako Gobernuko Unibertsitateaz Kanpoko Ikastetxeen Erregistrotik.
2. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
3. Ebazpen hau igortzea Lanbide Heziketaren Zuzendaritza Nagusira, Hezkuntzako Ikuskapen Zerbitzura, Ikastetxeen Finantzaketaren eta Ikasketetarako Laguntzen Atalera, Ikastetxeetako Informazioa Kudeatzeko Bulegora eta Nafarroako Gobernuko Unibertsitateaz Kanpoko Ikastetxeen Erregistrora.
4. Ebazpen hau Nafarroako Aldizkari Ofizialean argitaratzea.
Iruñean, 2019ko abenduaren 18an.–Hezkuntzako zuzendari nagusia, Gil Sevillano González.
Iragarkiaren kodea: F2000779
