1. NAFARROAKO FORU KOMUNITATEA
1.7. BESTELAKOAK
202/2019 EBAZPENA, abenduaren 13koa, Hezkuntzako zuzendari nagusiak emana, zeinaren bidez aldatzen baita Iruñeko “Liceo Monjardín” Haur Hezkuntzako Lehen Zikloko ikastetxe pribatuari emandako baimena, baimendutako irakaskuntzen xedeko haurren adinak aldatzeagatik.
Ikusi da Carlos Pestana Galván jaunak eskatuta irekitako espedientea, gaur egungo ikasleen adin tartea, 2 eta 3 urtekoa dena, zabaltzeko eta 1etik 3ra arteko ikasleak hartzeko baimena eskatzekoa. Pestana jaunak “Aoiz Uno, Sociedad Cooperativa” entitatea ordezkatuz jardun du, hura baita “Liceo Monjardín” Haur Hezkuntzako Lehen Zikloko ikastetxe pribatuaren titularra.
Ikusi da Hezkuntzako Azpiegituren Zerbitzuak aldeko txostena eman duela.
Martxoaren 28ko 28/2007 Foru Dekretuaren 29. artikuluan ezarritakoari jarraikiz, dekretu horren bidez Nafarroako Foru Komunitatean Haur Hezkuntzako lehen zikloa arautu baitzen eta hura ematen duten ikastetxeek bete beharreko baldintzak eta zikloaren hezkuntza edukiak ezarri baitziren.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Aldatzea Iruñeko “Liceo Monjardín” Haur Hezkuntzako Lehen Zikloko ikastetxe pribatuari emandako baimena, baimendutako irakaskuntzen xedeko haurren adinak aldatzeagatik: hemendik aurrera, 1etik 3 urtera arteko ikasleak izanen ditu.
2. Adieraztea ezen ikastetxearen datu hauek inskribatuko direla Nafarroako Gobernuko Unibertsitateaz Kanpoko Ikastetxeen Erregistroan:
–Ikastetxearen kodea: 31013975.
–Titularra: Aoiz Uno, Sociedad Cooperativa (IFK: F31950397).
–Izen generikoa: Haur Hezkuntzako Lehen Zikloko ikastetxe pribatua.
–Berariazko izena: Liceo Monjardín.
–Helbidea: Agoitz kalea 1.
–Herria: Iruña.
–Udalerria: Iruña.
–Baimendutako ikasketak: Haur Hezkuntzako lehen zikloa, martxoaren 26ko 28/2007 Foru Dekretuaren eranskinean Nafarroarentzat ezarritako hezkuntza edukien arabera. Ikastetxeak 1-3 adin tartearentzat eskaintzen ditu ikasketa horiek.
–Baimendutako gehieneko osaera juridikoa: 3 unitate 1etik 3 urtera arteko ikasleentzat, martxoaren 26ko 28/2007 Foru Dekretuaren 18. artikuluan adierazitako gehieneko edukiarekin.
3. Gogoraraztea ikastetxearen titularrak baimena eskatu beharko duela ikastetxearen konfigurazioan edozein aldaketa egiteko, horren ondorioz aurreko atalean ageri diren erregistroko datuak edo instalazioak aldatzen badira edo instalazioen erabilera edo helburua aldatzen bada, 28/2007 Foru Dekretuaren 29. artikuluan ezarritakoari jarraikiz.
4. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
5. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, 0-3 urteko Zikloaren eta Landa Eskolen Atalera, Ikastetxeetako Informazioa Kudeatzeko Bulegora eta Nafarroako Gobernuko Unibertsitateaz Kanpoko Ikastetxeen Erregistrora.
6. Ebazpen hau Nafarroako Aldizkari Ofizialean argitaratzea.
Iruñean, 2019ko abenduaren 13an.–Hezkuntzako zuzendari nagusia, Gil Sevillano González.
Iragarkiaren kodea: F2000778
