1. NAFARROAKO FORU KOMUNITATEA
1.7. BESTELAKOAK
199/2019 EBAZPENA, abenduaren 11koa, Hezkuntzako zuzendari nagusiak emana, zeinaren bidez aldatzen baita Iruñeko “Creanavarra” Diseinuaren Goi Mailako Ikastetxe Pribatu Baimenduaren baimena, ikasketak kentzeagatik eta unitateak murrizteagatik.
Ikusi da Carolina Beperet Liberal andreak eskatuta irekitako espedientea, Produktuaren Diseinua espezialitatea kentzea eta ikastetxeak gaur egun Moda Diseinua eta Diseinu Grafikoa espezialitateetan daukan gehieneko ikaspostu kopurua murriztea baimentzeko. Beperet andreak “Creanavarra Centro Superior de Diseño, Sociedad Limitada” entitatea ordezkatuz jardun du, hura baita Iruñeko “Creanavarra” Diseinuko Goi Mailako Ikastetxe Pribatuaren titularra.
Kontuan harturik Hezkuntzako Ikuskapen Zerbitzuak aldeko txostena eman duela.
Nafarroako Foru Komunitatean araubide orokorreko unibertsitateaz kanpoko irakaskuntza ematen duten ikastetxe pribatuak baimentzeko prozedurari buruzko uztailaren 6ko 251/1992 Foru Dekretuak ezartzen duen prozedura betez, lehen xedapen gehigarrian ezarritakoarekin bat.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Aldatzea Iruñeko “Creanavarra” Diseinuaren Goi Mailako Ikastetxe Pribatu Baimenduaren baimena, Produktuaren Diseinua espezialitatea kentzeagatik eta lerro bat murrizteagatik, 40 ikasletik 20ra pasatuko baita lau ikasmailetako bakoitzean, Diseinu Grafikoaren eta Moda Diseinuaren espezialitateetan, ondorioak izanik 2019/20 ikasturtearen hasieratik aurrera.
2. Ikastetxearen datu hauek inskribatuko dira Nafarroako Gobernuko Unibertsitateaz Kanpoko Ikastetxeen Erregistroan:
–Ikastetxearen kodea: 31014384.
–Titularra: Creanavarra Centro Superior de Diseño, Sociedad Limitada (IFZ: B31729635).
–Izen generikoa: Diseinuaren Goi Mailako Ikastetxe Baimendua.
–Berariazko izena: Creanavarra.
–Helbidea: Larrabide 17-19 eta Nafarroa Behereko etorbidea 47.
–Herria: Iruña.
–Udalerria: Iruña.
–Baimendutako ikasketak: Diseinuaren goi mailako arte ikasketak espezialitate hauetan: Diseinu Grafikoa, Moda Diseinua eta Barnealdeen Diseinua.
–Baimendutako gehieneko osaera juridikoa: hiru txandako lerro bat (20 ikasle ikasmaila bakoitzeko) Barnealdeen Diseinua, Diseinu Grafikoa eta Moda Diseinua espezialitateetako bakoitzean.
3. Gogoraraztea ikastetxearen titularrak uneoro errespetatu beharko duela irakasle bakoitzarentzat 20 ikasleren kopurua izatea gehienez ere, klase teorikoetan, eta 10ekoa gehienez ere klase teoriko-praktikoetan eta tailerretan, halaxe ezarririk baitago martxoaren 15eko 303/2010 Errege Dekretuan, Hezkuntzari buruzko maiatzaren 3ko 2/2006 Lege Organikoan araututako arte irakaskuntzak ematen dituzten ikastetxeen gutxieneko baldintzak ezartzen dituen horretan, 30. artikuluan zehazki.
4. Gogoraraztea, halaber, ikastetxeko titularrak ikastetxearen baimenaren aldaketa edo baimen berria eskatu beharko duela ikastetxearen erregistroko datuak, ebazpen honen 2. atalean jasotakoak, aldatzen badira, edo instalazioak aldatzen badira, uztailaren 6ko 251/1992 Foru Dekretuaren 16. eta 17. artikuluetan ezartzen den moduan.
5. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
6. Ebazpen hau igortzea Hezkuntzako Ikuskapen Zerbitzura, Nafarroako Gobernuko Unibertsitateaz Kanpoko Ikastetxeen Erregistrora eta Ikastetxeetako Informazioa Kudeatzeko Bulegora.
7. Ebazpen hau Nafarroako Aldizkari Ofizialean argitaratzea.
Iruñean, 2019ko abenduaren 11n.–Hezkuntzako zuzendari nagusia, Gil Sevillano González.
Iragarkiaren kodea: F2000777
