1. NAFARROAKO FORU KOMUNITATEA
1.7. BESTELAKOAK
1746/2020 EBAZPENA, urriaren 27koa, Nafarroako Unibertsitate Publikoko errektoreak emana. Haren bidez agintzen da argitaratzeko “Erabakia, Nafarroako Unibertsitate Publikoko Honoris Causa doktore titulua esleitzeari buruzkoa”, Gobernu Kontseiluak 2020ko urriaren 27an hartu zuen Erabakiaren bidez onetsia.
2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, 2020ko urriaren 27an Gobernu Kontseiluak hartu zuen Erabakia argitaratzeko agintzen dut. Erabaki horren bidez, Nafarroako Unibertsitate Publikoko Honoris Causa doktore titulua esleitzeari buruzko Erabakia onetsi da.
HONORIS CAUSA DOKTORE TITULUA
ESLEITZEARI BURUZKO ERABAKIA
Nafarroako Unibertsitate Publikoko Gobernu Kontseiluak eskumena du honoris causa doktore titulua esleitzeko arlo akademikoan, zientifikoan, kulturalean, teknikoan edo giza zientzien arloan merezimendu bereziak dituzten pertsonei. Horretarako, 2006ko uztailaren 4ko 42/2006 Erabakiaren bidez (2006ko 103. NAO, abuztuaren 28koa), erakunde kolegiatu horrek “Nafarroako Unibertsitate Publikoan ohorezko sariak emateko araudia” onetsi zuen.
Nafarroako Unibertsitate Publikoko honoris causa doktore titulua Juan Ramón Cuadrado Roura jaunari esleitzeko proposamena egin eta gero.
Gobernu Kontseiluak, errektoreak proposaturik eta bere kideek aurretik eztabaidatu eta gero, honako erabaki hau hartu du 2020ko urriaren 27an egindako bileran:
ERABAKIA:
Lehenbizikoa.–Juan Ramón Cuadrado Roura jauna Nafarroako Unibertsitate Publikoko honoris causa doktore izendatzea, Ekonomiaren arloan dituen merezimendu handiengatik.
Bigarrena.–Erabaki hau Nafarroako Aldizkari Ofizialean argitara dadila agintzea.
Iruñean, 2020ko urriaren 27an.–Errektorea, Ramón Gonzalo García.
Iragarkiaren kodea: F2012572
