261. ALDIZKARIA - 2020ko azaroaren 6a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

80/2020 FORU DEKRETUA, urriaren 28koa, zeinaren bidez berritzen baitira Nafarroako Unibertsitate Publikoko Gizarte Kontseiluko kide batzuk.

ZIOEN AZALPENA

Bere 10. artikuluan xedatzen du Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legeak nolakoa izanen den Kontseiluaren osaera, eta ezartzen du, halaber, Kontseiluko kideak izendatuko direla Nafarroako Gobernuaren foru dekretu bidez, unibertsitateen arloko eskumena duen kontseilariak proposatuta.

Bestalde, 9. artikuluan, aipatu Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legeak ezartzen du zein izanen den haren osaera, eta adierazten du 19 kide izanen dituela, eta horietatik hamahiruk Nafarroako interes sozialak ordezkatuko dituztela, honela banatuak:

a) Bost kide, Nafarroako Parlamentuak gehiengo osoz hautatuak.

b) Bi kide, izendapenaren aurretik Nafarroako Foru Komunitatean egindako azken hauteskunde sindikalen emaitza ofizialen arabera ordezkari gehien lortu dituzten bi sindikatuek bana proposaturik.

c) Bi kide, araudi indardunaren arabera, Nafarroako Foru Komunitatean garrantzitsuen jotzen diren enpresaburuen elkarteek proposaturik.

Nafarroako Parlamentuak, 2020ko urriaren 15ean egindako osoko bilkuran hartutako Erabakiaren bidez, bost kide izendatu ziren, hots, foru legearen arabera Nafarroako Parlamentuari dagozkionak.

Urriaren 5ean egindako jakinarazpen baten bidez, Nafarroako Enpresaburuen Konfederazioak jakinarazi zuen bere kideetako bat ordeztuko zuela.

Azkenik, berresten da bere karguan jarraituko duela Comisiones Obreras langileen sindikatuak izendatutako kideak.

Horrenbestez, Unibertsitateko, Berrikuntzako eta Eraldaketa Digitaleko kontseilariak proposaturik, eta Nafarroako Gobernuak 2020ko urriaren 28an egindako bilkuran hartutako erabakiarekin bat,

DEKRETATZEN DUT:

1. Kargutik kentzea Nafarroako Unibertsitate Publikoko Gizarte Kontseiluko kide hauek: Verónica Ferreira Pinto andrea, María Kutz Peironcely andrea, Camino Paredes Giraldo andrea, Félix Taberna Monzón jauna eta Ubaldo González Delgado jauna, zeinak Nafarroako Parlamentuak izendatu baitzituen, eta Santiago Pangua Cerrillo jauna, Nafarroako Enpresaburuen Konfederazioak izendatu zuena, eta emandako zerbitzuak eskertzea.

2. Nafarroako Unibertsitate Publikoko Gizarte Kontseiluko kide izendatzea Esteban Morrás Andrés jauna, Miguel Arrarás Paños jauna, Juan Ramón Corpas Mauleón jauna, Idoia Sara Pérez andrea eta Ubaldo González Delgado jauna, guztiak Nafarroako Parlamentuak izendatuak, eta María José Ballarín andrea, Nafarroako Enpresaburuen Konfederazioak izendatutakoa, eta berrestea karguan jarraituko duela Pilar García Pérez andreak, Comisiones Obreras langileen sindikatua ordezkatuz.

3. Foru dekretu hau interesdunei eta Nafarroako Unibertsitate Publikoko Gizarte Kontseiluari jakinaraztea, eta Nafarroako Aldizkari Ofizialean argitaratzea.

Iruñean, 2020ko urriaren 28an.–Nafarroako Gobernuko lehendakaria, María Chivite Navascués.–Unibertsitateko, Berrikuntzako eta Eraldaketa Digitaleko kontseilaria, Juan Cruz Cigudosa García.

Iragarkiaren kodea: F2012582