1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
AKATS ZUZENKETA, Landa Garapeneko eta Ingurumeneko kontseilariaren irailaren 17ko 148E/2020 Foru Aginduarena. Foru agindu horren bidez Hondakinen Funtsa eratzen da zenbait neurri finantzatzeko, helburu izanen dutenak hondakinak sortzeak eta kudeatzeak giza osasunari eta ingurumenari eragiten dizkien eragin kaltegarriak arintzea.
2020ko 235. Nafarroako Aldizkari Ofizialean, urriaren 9koan, argitaratu zen Landa Garapeneko eta Ingurumeneko kontseilariaren irailaren 17ko 148E/2020 Foru Agindua, zeinaren bidez Hondakinen Funtsa eratzen baita zenbait neurri finantzatzeko, helburu izanen dutenak hondakinak sortzeak eta kudeatzeak giza osasunari eta ingurumenari eragiten dizkien eragin kaltegarriak arintzea.
Idazkaritza Tekniko Nagusi honetara argitaratzeko bidalitako artxiboan akatsak daudela oharturik, ofizio honen bidez horiek zuzentzea eskatzen da.
Lehendabiziko akatsa foru aginduaren izenean atzeman da; hau da zuzenketa:
Honako hau dioen tokian:
“148E/2020 FORU AGINDUA, irailaren 17koa, Landa Garapeneko eta Ingurumeneko kontseilariak emana, zeinaren bidez Hondakinen Funtsa eratzen baita zenbait neurri finantzatzeko, helburu izanen dutenak hondakinak sortzeak eta kudeatzeak giza osasunari eta ingurumenari eragiten dizkien eragin kaltegarriak arintzea”.
Honako hau behar du:
“148E/2020 FORU AGINDUA, irailaren 17koa, Landa Garapeneko eta Ingurumeneko kontseilariak emana, zeinaren bidez onesten baita 2020ko Hondakinen Funtsaren banaketa”.
Bigarren akatsa da ez dela bidali foru aginduaren lehen puntuan aipatzen den eranskina, zeina idatzi honi erantsi baitzaio; hortaz, eranskina Nafarroako Aldizkari Ofizialean foru aginduaren izenaren aldaketarekin batera argitara dadin eskatzen da.
Iruñean, 2020ko urriaren 20an.–Idazkari tekniko nagusia, Pilar Alvarez Asiain.
ERANSKINA 2020ko Hondakinen Funtsa banatzeko irizpideak |
2020ko FUNTSAREN BANAKETA | GUZTIRA (eurotan) | PORTZENTAJEA |
Etxeko hondakinen fluxua | Gaikako bilketarekin eta prebentzioarekin lotutako ekintzetarako dirulaguntzak, norgehiagokako araubidean | 850.000,00 | %24 |
Kudeaketarekin lotutako ekintzetarako dirulaguntzak, norgehiagokako araubidean | 322.590,52 | %9 |
Jarduketa orokorrak eta ingurumeneko larrialdiak | 40.000,00 | %1 |
GUZTIZKO PARTZIALA | 1.212.590,52 | %34 |
Eraikuntza eta eraisteetan sortutako hondakinen fluxua, eta hondeatutako material naturalak | Dirulaguntzak, norgehiagokako araubidean | 1.060.000,00 | %30 |
Jarduketa orokorrak eta ingurumeneko larrialdiak | 69.425,63 | %2 |
GUZTIZKO PARTZIALA | 1.129.425,63 | %32 |
Arriskutsuak ez diren bestelako hondakinen fluxua | Dirulaguntzak, norgehiagokako araubidean | 1.150.000,00 | %32 |
Jarduketa orokorrak eta ingurumeneko larrialdiak | 79.027,85 | %2 |
GUZTIZKO PARTZIALA | 1.229.027,85 | %34 |
GUZTIRA | 3.571.044,00 | |
Iragarkiaren kodea: F2012330