1. NAFARROAKO FORU KOMUNITATEA
1.7. BESTELAKOAK
544/2020 EBAZPENA, urriaren 8koa, Toki Administrazioaren eta Despopulazioaren zuzendari nagusiak emana, “Zuaztoiko hustubidea eta araztegia” izeneko proiektua eta haren ondoriozko obrek ukitutako ondasun eta eskubideen zerrenda jendaurrean jartzen dituena.
Nafarroako Toki Azpiegiturak SA (NILSA) enpresak, Baztango Udalarekin finkatua duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala ‘’Zuaztoiko hustubidea eta araztegia’’ izeneko proiektua eta hark ukitutako ondasun eta eskubideen zerrenda.
Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berarekin dakar hartzen dituzten ondasunen onura publikoaren adierazpena eta ondasun horiek okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Lurralde Kohesiorako Departamentuaren egitura organikoa onesten duen urriaren 30eko 263/2019 Foru Dekretuak esleitu dizkidan eskudantziak erabiliz,
EBAZTEN DUT:
1. Jendaurrean jartzea, hamabost egunez, “Zuaztoiko hustubidea eta araztegia” izeneko proiektua eta hark ukitutako ondasun eta eskubideen zerrenda, hemen ondotik ematen dena, proiektuak ukitutakoek egokiak iruditzen zaizkien alegazioak aurkezteko eta, argitaratzen den zerrendan akatsik balego, horiek zuzentzeko behar diren datuak emateko, idatziz, Toki Administrazioaren eta Despopulazioaren Zuzendaritza Nagusian (Arrieta kalea 12, -3. solairua, 31002 Iruña) eta Baztango udaletxean. Bi leku horietan proiektuaren eta lurzatien planoen kopia bat izanen da eskuragarri.
2. Baztango Udala desjabetze espedientearen onuradun deklaratzea.
3. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Baztango udaletxeko iragarki-taulan argitaratuko da. Orobat, iragarki bat argitaratuko da Foru Komunitateko egunkari batean.
4. Ebazpen hau Nafarroako Toki Azpiegiturak SAri (NILSA) igortzea.
Iruñean, 2020ko urriaren 8an.–Toki Administrazioaren eta Despopulazioaren zuzendari nagusia. Jesús M.ª Rodríguez Gómez.
IDENTIFIKAZIO ZK. | POLIGONOA | LURZATIA | EGUNGO TITULARRA | KATASTROKO TITULARRA | KATASTROKO AZALERA (m²) | UKIPENAK (m²) | KANALIZAZIOAREN LUZERA (m) | KUTXATILAK | HIRIGINTZA ARAUBIDEA |
Sub=m² | Kalifikazio fiskala | Aprobetxamendu erreala | Desjabetzea | Zortasun ezarpena | Aldi baterako okupazioa | Guztira |
ZU-01 | 20 | 487 | ALCASENA JIMÉNEZ, NICOLÁS | ALCASENA JIMÉNEZ, NICOLÁS | 3432 | | LEHORREKO BELARDIA | BELARDIA | 2 | 17 | 112 | 131 | 6 | 1 | Landakoa |
ZU-02 | 20 | 109 | VERGARA MIHURA, Mª ROSARIO | VERGARA MIHURA, Mª ROSARIO | 42214 | BS37347 | LEHORREKO BELARDIA | BELARDIA | 4 | 489 | 2749 | 3242 | 165 | 2 | Landakoa |
ZU-03 | - | Bidea | BAZTANGO UDALA | BAZTANGO UDALA | | | BIDEA | | 0 | 46 | 210 | 256 | 16 | 0 | Urbanizatua |
ZU-04 | 20 | 292 | VERGARA MIHURA, Mª ROSARIO | VERGARA MIHURA, Mª ROSARIO | 48920 | C=43431 | LEHORREKO BELARDIA | BELARDIA | 1460 | 624 | 4175 | 6259 | 208 | 5 | Landakoa |
ZU-05 | 20 | 291 | JAURENA ECHEVERRIA, AGUSTINA | JAURENA ECHEVERRIA, AGUSTINA | 9123 | | LEHORREKO BELARDIA | BELARDIA | 25 | 95 | 622 | 742 | 32 | 2 | Landakoa |
| 1.491 | 1.271 | 7.868 | 10.630 | 427 | 10 | |
Iragarkiaren kodea: F2011831