Iragarkia

250. ALDIZKARIA - 2020ko urriaren 27a

1. NAFARROAKO FORU KOMUNITATEA

1.7. BESTELAKOAK

119/2020 EBAZPENA, urriaren 15ekoa, Lanbide Heziketaren zuzendari nagusiak emana, zeinaren bidez ezartzen baitira Nafarroako Foru Komunitatean urrutiko Lanbide Heziketa online egiteko zikloetan onartua izateko prozeduraren ezohiko epearen jarraibideak eta egutegia, 2020-2021 ikasturterako.

Lanbide Heziketaren zuzendari nagusiaren abuztuaren 6ko 98/2020 Ebazpenaren bidez ezarri zen urrutiko Lanbide Heziketa online egiteko zikloen eskaintza 2020-2021 ikasturterako, eta, horrekin batera, onarpen prozeduraren jarraibideak eta egutegia.

Onarpen eta matrikulazio epea iraganda, bete gabeko ikaspostu hutsak daude, eta aintzat harturik pertsona askok interesa agertu dutela honelako prestakuntza jasotzeko, egoki jo da prestakuntza modalitate honetan inbertitutako baliabideak ahalik eta modurik onenean aprobetxatzeko neurriak ezartzea.

Horrenbestez, eta ikusirik Lanbide Heziketaren Plangintza eta Berrikuntzarako Zerbitzuko zuzendariak aldeko txostena eman duela Nafarroako Foru Komunitatean urrutiko Lanbide Heziketa online egiteko zikloetan onartua izateko prozeduraren ezohiko epea arautuko duten jarraibideak eta egutegi bat ezartzeko, 2020-2021 ikasturterako,

Erabiliz Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak,

EBAZTEN DUT:

1. Egutegia eta jarraibideak onestea 2020-2021 ikasturtean urrutiko Lanbide Heziketa online modalitatean egin nahi duten pertsonak onartu eta matrikulatzeko prozedurari dagokion ezohiko eperako. Ebazpen honen 1. eta 2. eranskinetan ageri dira.

2. Ebazpen hau eta eranskinak Nafarroako Aldizkari Ofizialean argitaratzea.

3. Ebazpen hau eta eranskinak igortzea Lanbide Heziketaren Plangintza eta Berrikuntzarako Zerbitzura, Lanbide Kualifikazio, Enpresa eta Enplegurako Zerbitzura, Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Azterlan Ekonomikoen eta Nominen Zerbitzura, Kudeaketa Juridiko-administratiboaren Atalera, Ikastetxeetako Informazioa Kudeatzeko Bulegora, Eskolatze Bulegora, Etengabeko Prestakuntzaren Bulegora eta ukitutako ikastetxeetara.

4. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

Iruñean, 2020ko urriaren 15ean.–Lanbide Heziketaren zuzendari nagusia, Tomás Rodríguez Garraza.

1. ERANSKINA

Urrutiko Lanbide Heziketa online eginen duten ikasleak onartzeko eta matrikulatzeko ezohiko epearen prozedurarako jarraibideak. 2020-2021 ikasturtea

1.–Betekizunak - Ikaspostuen eskaintza.

1. Lanbide Heziketaren zuzendari nagusiaren abuztuaren 6ko 98/2020 Ebazpenean ezarritakoak.

2. Ezohiko epean eskainiko diren lanbide ziklo eta moduluak 2020ko urriaren 30ean emanen dira argitara, Nafarroako Gobernuaren Tramiteen Katalogoko “Lanbide Heziketa online” tramite fitxan, honako helbide honetan:

http://www.navarra.es/home_es/Servicios/ficha/3674/Formacion-Profesional-on-line

3. Onartzeko irizpideak.

1.–Ezohiko epearen inguruabar bereziak eta ikasturtea hasita egonik prozedura azkar bat ebatzi behar dela kontuan harturik, erdi mailako nahiz goi mailako heziketa zikloetako moduluetan izena eman nahi duten ikasle zerrendaren hurrenkera honela ezarriko da, ezohiko epea duten moduluen kasuan:

–Hezkuntza Departamentuak egindako zozketa publikoaren emaitza aplikatuko da, zozketa hori aplikatzekoa baita 2020-2021 ikasturteko onarpen prozesuetan.

4. Ikasleak onartzeko prozesua.

1.–Onarpen prozesuaren ezohiko epean parte hartuko dute sarrera-baldintzak betetzen dituztela frogatuta inskribatzen diren pertsonek. Onartuen zerrenda argitaratuko da.

2.–Ondoren hasiko da matrikula egiteko epea, 2. eranskinean jasota dagoen egutegiari jarraikiz.

5. Eskaerak aurkeztea.

1.–Eskatzaile bakoitzak behar bezala beterik aurkeztu beharko du heziketa ziklo bakar baterako eskaera bakar bat, Nafarroako Gobernuaren Tramiteen Katalogoko Lanbide Heziketaren online modalitateko fitxan inskribatzeko agertzen diren ereduei egokitua. Honako helbide honetan daude ereduak:

http://www.navarra.es/home_es/Servicios/ficha/3674/Formacion-Profesional-on-line

Zer ikastetxetan eskaintzen diren aukeratutako heziketa zikloa eta moduluak, haren bulego administratiboetan aurkeztuko da inskribatzeko eskaera, bertan aurrez aurre, edo posta elektroniko bidez (hartu izanaren berri emateko eskatuta). Ikastetxeek eskabide-orriaren fotokopia zigilatua emanen diete eskatzaileei, zein egunetan sartu den adierazita.

2.–Inskribatzeko eskabidea aurkezteko epea 2020ko azaroaren 2tik 4ra artekoa da (14:00ak arte).

3.–Gehienez ere 6 modulu eskatzen ahal dira inskribatzeko inprimakian. Inskripzioa ez eskatzeko gomendatzen da honako egoera honetan dauden moduluetan: horien baliozkotzea Estatuko oinarrizko araudian ezarrita egonda, Nafarroako araudiaren arabera baliozkotu edo aitortzen ahal direnak.

4.–Ezin da izena eman urrutiko LHren online modalitaterako eskaintzen diren zikloetatik batean baino gehiagotan, ez eta ikastetxe batean baino gehiagotan ere. Inskripzio-eskabide bat baino gehiago aurkeztuz gero, bertan behera geratuko dira guztiak, eta, ondorioz, ez dira tramitatuko.

5.–Onarpen prozesuan parte hartuko dute, bakar-bakarrik, urrutiko LHren online modalitatean sartzeko ezarritako baldintzak betetzen dituztela frogatzen duten pertsonek.

6. Inskripzio-eskabidearekin batera aurkeztu beharreko dokumentazioa.

Inskripzio-eskabidearen ereduetan adierazten den dokumentazioa aurkeztu beharko da. Atzerritarrek eskubidea dute espainiarren baldintza berberetan sartzeko derrigorrezkoa ez den irakaskuntza sisteman, halaxe xedatu baita urtarrilaren 11ko 4/2000 Lege Organikoan, hots, Atzerritarrek Espainian dituzten eskubide eta askatasunei eta haien gizarteratzeari buruzkoan.

7. Ezohiko epean onartutakoen behin betiko zerrenda. Matrikula egiteko egunak.

1.–Lanbide modulu bakoitzean onartzen diren pertsonen behin betiko zerrenda izanen da onarpen prozeduraren emaitzen berri emateko bide ofiziala.

Zerrenda hori, kasuan kasuko zikloko moduluetarako prestatua, 1. eranskinean aipatutako ikastetxeetan jarriko da jendaurrean, baita Nafarroako Gobernuko Tramiteen Katalogoko Lanbide Heziketaren online modalitateko tramite-fitxan ere, helbide honetan:

http://www.navarra.es/home_es/Servicios/ficha/3674/Formacion-Profesional-on-line

2.–Lanbide modulu bakoitzean onartzen diren ikasleen behin betiko zerrenda 2020ko azaroaren 6an argitaratuko da.

3.–Onartuek 2020ko azaroaren 9tik 10era bitarte egin beharko dute matrikula, ikaspostua lortu duten ikastetxean bertan eta egokitzen zaizkien moduluetan.

4.–Ikaspostua lortu dutenek epe horietan egin beharko dute matrikula. Baldin eta matrikula ez bada egiten ikasle onartuen behin betiko zerrendan adierazten diren epeetan, ikasleak dagokion ikasposturako eskubidea galduko du.

5.–Urrutiko Lanbide Heziketaren online modalitateko zikloetan matrikula eginda, ikasturtea hasten denetik 15 eguneko epean prestakuntza jardueran hasten ez diren ikasleei baja emanen die ofizioz ikastetxeak, non eta ez dagoen bidezko arrazoiren bat, eta matrikularen ondoriozko eskubide guztiak galduko dituzte.

6.–Matrikula egiteko, hurrengo jarraibidean (“Matrikula. Matrikularen inprimakia eta dokumentazioa”, abuztuaren 6ko 98/2020 Ebazpenean) adierazten den dokumentazioa aurkeztu beharko da.

8. Onarpen prozesutik baztertzea eta matrikula bertan behera uztea.

Ikaspostua lortuta ere, ezartzen diren egunetan matrikulatzen ez direnak onarpen prozesutik baztertuko dira, eta esleitutako ikaspostuaren ondoriozko eskubide guztiak galduko dituzte.

9. Beste alderdi batzuk.

Ebazpen honetan zehazten ez den gainerakoan, Lanbide Heziketaren zuzendari nagusiak abuztuaren 6an emandako 98/2020 Ebazpenean xedatutakoari jarraituko zaio.

2. ERANSKINA

Urrutiko Lanbide Heziketa online eginen duten ikasleak ezohiko epean onartzeko eta matrikulatzeko prozesuaren egutegia 2020-2021 ikasturtea

Iragarkiaren kodea: F2012153