Iragarkia

247. ALDIZKARIA - 2020ko urriaren 22a

1. NAFARROAKO FORU KOMUNITATEA

1.7. BESTELAKOAK

21/2020 EBAZPENA, irailaren 28koa, Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendariak emana, proba hauek gainditu dituzten izangaien zerrenda bat onesten duena: errepideko garraiorako ibilgailu mota zenbaiten gidarien hasierako kualifikazioa frogatzen duen gaitasun profesionalaren agiria lortzekoak. Probak 2020ko irailaren 11n egin ziren.

Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendariak abenduaren 5ean emandako 2/2019 Ebazpenaren bidez, deialdi bat onetsi zen, proba hauetan parte hartzeko: salgai edo bidaiarien errepideko garraiorako ibilgailu mota zenbaiten gidarien hasierako kualifikazioa frogatzen duen gaitasun profesionalaren agiria lortzeko probak, 2020. urtean Nafarroako Foru Komunitatean egin beharrekoak. Ebazpen hori 2020ko 7. Nafarroako Aldizkari Ofizialean argitaratu zen, urtarrilaren 13koan.

Horretarako izendatutako epaimahaiak 2020ko irailaren 11n egindako probak gainditu dituzten izangaien zerrenda aurkeztu du.

Horrenbestez, Lurralde Kohesiorako Departamentuaren egitura organikoa ezartzen duen abuztuaren 14ko 87/2019 Foru Dekretuaren xedapen gehigarri bakarraren 5. apartatuak eta errepideko garraiorako ibilgailu mota zenbaiten gidarien hasierako kualifikazioa eta etengabeko prestakuntza arautu zituen uztailaren 20ko 1032/2007 Errege Dekretuaren 15. artikuluak ematen dizkidaten eskumenak erabiliz,

EBAZTEN DUT:

1. Ebazpen honen eranskinean ageri den izangaien zerrenda onestea. Zerrenda horretan ageri dira errepideko garraiorako ibilgailu mota zenbaiten gidarien hasierako kualifikazioa frogatzen duen gaitasun profesionalaren agiria eskuratu duten izangaiak, 2020ko irailaren 11n egindako probak gainditu dituztelako.

2. Garraioen Ikuskapen, Kudeaketa eta Antolamenduaren eta Mugikortasunaren Zerbitzuko Kudeaketa Atalari agintzea errepideko garraiorako ibilgailu mota zenbaiten gidarien gaitasun profesionalaren agiriak prestatu eta behar diren kualifikazio txartelak egin ditzala.

3. Ebazpen hau Garraioen Ikuskapen, Kudeaketa eta Antolamenduaren eta Mugikortasunaren Zerbitzuko Kudeaketa Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Ebazpen honek ez du administrazio bidea amaitzen, eta haren aurka interesdunek gora jotzeko errekurtsoa jar dezakete, Garraioetako zuzendari nagusiari zuzendua, hilabeteko epean, Nafarroako Aldizkari Ofizialean argitaratu eta biharamunetik aitzina.

Iruñean, 2020ko irailaren 28an.–Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendaria, Santiago Alemán Carrica.

ERANSKINA

Gidarien gaitasun profesionalaren agiria (GPA) lortzeko 2020ko irailaren 11n egindako azterketa gainditu dutenen zerrenda

Iragarkiaren kodea: F2011370