243. ALDIZKARIA - 2020ko urriaren 19a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1067E/2020 EBAZPENA, irailaren 30ekoa, Osasunbidea-Nafarroako Osasun Zerbitzuko zuzendari kudeatzaileak emana, zeinaren bidez lanpostu kopurua handitu eta aldatzen baita pediatriako fakultatibo espezialista, OOLTko pediatra eta ospitalez kanpoko larrialdietako pediatra izateko lanpostu huts batzuk merezimendu-lehiaketa bidezko lekualdatzeaz betetzeko deialdian, Osasunbidea-Nafarroako Osasun Zerbitzuko zuzendari kudeatzailearen apirilaren 1eko 327E/2019 Ebazpenaren bidez onetsitakoan.

Osasunbidea-Nafarroako Osasun Zerbitzuko zuzendari kudeatzailearen apirilaren 1eko 327E/2019 Ebazpenaren bidez onetsi zen lanpostu hauek merezimendu-lehiaketa bidezko lekualdatzeaz betetzeko deialdia (2019ko 75. Nafarroako Aldizkari Ofiziala, apirilaren 17koa): pediatriako fakultatibo espezialista izateko 5 lanpostu huts, OOLTko pediatra izateko 26 lanpostu huts eta ospitalez kanpoko larrialdietako pediatra izateko 3 lanpostu huts, denak Osasunbidea-Nafarroako Osasun Zerbitzukoak.

Deialdi horren 1.5 oinarrian adierazten da ezen deialdian eskaintzen diren lanpostuen kopurua aurrerago handitzen ahalko dela, hain zuzen, kalifikazio epaimahaiak deialdia egin duen organoari lehiakideen zerrenda –lorturiko puntuen hurrenkeraren araberakoa– igortzen dion egunean hutsik dauden lanpostuak gehituz.

Abenduaren 11ko 333/2019 Foru Dekretuaren bidez, 2019ko lan publikoaren eskaintza partzial bat onetsi zen Nafarroako Foru Komunitateko Administrazioaren eta haren erakunde autonomoen Osasun Departamentuko osasun arloko langileentzat, bai Osasunbidea-Nafarroako Osasun Zerbitzurako, bai Nafarroako Osasun Publikoaren eta Lan Osasunaren Instituturako. Lan eskaintza hori dagokio 2018rako Estatuko Aurrekontu Orokorrei buruzko uztailaren 3ko 6/2018 Legean (2019rako luzatua) ezarritako ordezte-tasari. Lan eskaintza partzial horretan sartu ziren, besteak beste, OOLTko pediatra izateko 3 lanpostu huts eta pediatriako eta bere arlo espezifikoetako fakultatibo espezialista izateko 2 lanpostu huts, denak ere Osasunbidea-Nafarroako Osasun Zerbitzuan aritzeko.

Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzak proposatu du merezimendu-lehiaketa bidezko lekualdatze horretan eskainitako lanpostuen kopurua handitzea, eta hartan sartzea 2019rako lan publikoaren eskaintza partzialean onartutako lanpostu batzuk, edo aldez aurreko barne egokitzapenerako deialdiaren ondoriozkoak, kategoria hauetakoak: OOLTko pediatra eta pediatriako eta bere arlo espezifikoetako fakultatibo espezialista.

Horregatik, bidezkoa da honako lanpostu huts hauek sartzea merezimendu-lehiaketa bidez lekualdatzeko deialdi horretan (Osasunbidea-Nafarroako Osasun Zerbitzuko zuzendari kudeatzailearen apirilaren 1eko 327E/2019 Ebazpenaren bidez onetsia), haren 1.5 oinarrian xedatutakoarekin bat: OOLTko pediatra izateko lanpostu bat, ospitalez kanpoko larrialdietako pediatra izateko lanpostu bat eta pediatriako eta bere arlo espezifikoetako fakultatibo espezialista izateko 2 lanpostu. Hortaz, guztira eskaintzen diren lanpostuen kopurua aldatzen da, honako hauek eskainiko baitira: pediatriako fakultatibo espezialista izateko 7 lanpostu, OOLTko pediatra izateko 27 lanpostu eta ospitalez kanpoko larrialdietako pediatra izateko 4 lanpostu.

Bestalde, lekualdatze deialdiaren 1.4 oinarrian aurreikusten da zenbat lanpostu eskainiko diren Estatuko lekualdatze lehiaketan. Horrela, kontuan hartuta 2019ko lan publikoaren eskaintzan onartutako 5 lanpostuak, guztira 36 lanpostu betetzeko deia eginen da LPEaren barruan. Aurretik 3 lanpostu zeuden metatuak; beraz, orain ere 3 lanpostu eskainiko dira Estatuaren esparrurako, eta 9 lanpostu geldituko dira metatuak hurrengo deialdietan eskaintzeko.

Erabiliz irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak,

EBAZTEN DUT:

1. Handitzea Osasunbidea-Nafarroako Osasun Zerbitzuko zuzendari kudeatzailearen apirilaren 1eko 327E/2019 Ebazpenaren bidez onetsitako deialdiaren xede diren lanpostuen kopurua, eta deialdiaren 1.3 oinarria aldatzea. Deialdi horretan, pediatriako fakultatibo espezialista eta OOLTko pediatra izateko lanpostuak eskaini ziren merezimendu-lehiaketa bidezko lekualdatzeaz betetzeko. Aldaketaren ondoren, lanpostu hauek eskainiko dira: pediatriako fakultatibo espezialista izateko 7 lanpostu huts, OOLTko pediatra izateko 27 lanpostu huts eta ospitalez kanpoko larrialdietako pediatra izateko 4 lanpostu huts, denak ere Nafarroako Foru Komunitateko Administrazioko Osasunbidea-Nafarroako Osasun Zerbitzukoak. Honako zentro hauetan dute destinoa:

–Pediatriako eta bere arlo espezifikoetako fakultatibo espezialista:

  • 7 Nafarroako Ospitalegunean (lanpostuen zenbakiak: 62620, 63343, 63381, 65100, 71158, 71269 eta 71270).

–OOLTko pediatra:

  • Lanpostu bat Antsoaingo OOLTan (lanpostuaren zenbakia: 68475).
  • Lanpostu bat Agoizko OOLTan (lanpostuaren zenbakia: 68892).
  • 2 lanpostu Berriozarko OOLTan (lanpostuen zenbakiak: 68706 eta 71469).
  • Lanpostu bat Burlatako OOLTan (lanpostuaren zenbakia: 60750).
  • 2 lanpostu Buztintxuriko OOLTan (lanpostuen zenbakiak: 60283 eta 71470).
  • Lanpostu bat Alde Zaharreko OOLTan (lanpostu zenbakia: 60903).
  • Lanpostu bat Zizur-Etxabakoizko OOLTan (lanpostuaren zenbakia: 60459).
  • Lanpostu bat Elizondoko OOLTan (lanpostuaren zenbakia: 60891*).
  • Lanpostu bat Etxarri Aranazko OOLTan (lanpostuaren zenbakia: 67380*).
  • 3 lanpostu II. Zabalguneko OOLTan (lanpostuen zenbakiak: 60657, 67844 eta 71315).
  • Lanpostu bat Leitzako OOLTan (lanpostuaren zenbakia: 69439*).
  • Lanpostu bat Mendillorriko OOLTan (lanpostuaren zenbakia: 60832).
  • Lanpostu bat Arrosadiko OOLTan (lanpostuaren zenbakia: 66835).
  • Lanpostu bat Noaingo OOLTan (lanpostuaren zenbakia: 71316).
  • Lanpostu bat Erriberriko OOLTan (lanpostuaren zenbakia: 65733).
  • Lanpostu bat Zangozako OOLTan (lanpostuaren zenbakia: 60830).
  • 2 lanpostu Sarrigurengo OOLTan (lanpostuen zenbakiak: 71053 eta 71317).
  • 2 lanpostu Txantreako OOLTan (lanpostuen zenbakiak: 60320 eta 60340).
  • Lanpostu bat Lodosako OOLTan (lanpostuaren zenbakia: 71506).
  • Lanpostu bat Cascanteko OOLTan (lanpostuaren zenbakia: 65408).
  • Lanpostu bat Tutera ekialdeko OOLTan (lanpostuaren zenbakia: 68300).

–Ospitalez kanpoko larrialdietako pediatra:

  • 4 lanpostu Nafarroako Larrialdietako Zuzendariordetzan eta Hil ala Biziko Larrialdiei Arreta emateko Zuzendaritza Teknikoan (lanpostuen zenbakiak: 69410, 69411, 69414 eta 69415).

2. Deialdiaren 1.4 oinarriaren paragrafo bat aldatzea, Estatuan eskainiko diren lanpostuen kopurua eta hurrengo deialdietarako metaturik gelditu direnena zehazteko. Honela geldituko da idatzita oinarri hori:

“Azaroaren 22ko 347/1993 Foru Dekretuaren 21.4 artikuluan xedatutakoa aplikatuz, 36 lanpostutarako deia egin da lan publikoaren eskaintzan, eta aurretik 3 lanpostu huts zeuden metatuak. Hortaz, lekualdatze lehiaketa honetan 3 lanpostu eskaintzen dira Estatuaren esparrurako, eta 9 lanpostu geldituko dira metatuak hurrengo deialdietarako”.

3. Ebazpen hau Nafarroako Aldizkari Ofizialean argitara dadila agintzea.

4. Ebazpen honen aurka, ez baitu administrazio bidea amaitzen, gora jotzeko errekurtsoa jar daiteke, Osasuneko kontseilariari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.1.c) eta 126.3 artikuluetan xedatutakoarekin bat eta Lehendakaritzako, Berdintasuneko, Funtzio Publikoko eta Barneko kontseilariaren abuztuaren 23ko 118/2019 Foru Aginduaren bidez eskuordetzan emandako eskumenak erabiliz.

Iruñean, 2020ko irailaren 30ean.–Kargua bete gabe dagoenez, Osasunbidea-Nafarroako Osasun Zerbitzuko Eriari Osasun Laguntza Emateko zuzendaria (irailaren 3ko 171/2015 Foru Dekretua), Francisco Javier Apezteguía Urroz.

(*) Lanpostu elebiduna, euskarako B2 jakite-maila duena.

Iragarkiaren kodea: F2011371