243. ALDIZKARIA - 2020ko urriaren 19a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1057E/2020 EBAZPENA, irailaren 30ekoa, Osasunbidea-Nafarroako Osasun Zerbitzuko zuzendari kudeatzaileak emana, zeinaren bidez Osasunbidea-Nafarroako Osasun Zerbitzuko zuzendari kudeatzailearen apirilaren 8ko 351E/2019 Ebazpenaren bidez onetsi zen deialdiaren lanpostu kopurua handitzen baita. Deialdi horren xedea zen merezimendu-lehiaketa bidezko lekualdatzeaz betetzea OOLTko mediku izateko, LZBko mediku izateko , LZAko mediku izateko eta larrialdietako mediku alboko izateko zenbait lanpostu huts.

Osasunbidea-Nafarroako Osasun Zerbitzuko zuzendari kudeatzailearen apirilaren 8ko 351E/2019 Ebazpenaren bidez onetsi zen lanpostu hauek merezimendu-lehiaketa bidezko lekualdatzeaz betetzeko deialdia (2019ko 82. Nafarroako Aldizkari Ofiziala, apirilaren 30ekoa): OOLTko mediku izateko 47 lanpostu huts, LZBko mediku izateko 6 lanpostu huts, LZAko mediku izateko 32 lanpostu huts eta larrialdietako mediku alboko izateko 5 lanpostu huts, denak Nafarroako Foru Komunitateko Administrazioko Osasunbidea-Nafarroako Osasun Zerbitzukoak.

Deialdi horren 1.5 oinarrian adierazten da deialdian eskaintzen diren lanpostuen kopurua aurrerago handitzen ahalko dela, hain zuzen, kalifikazio epaimahaiak deialdia egin duen organoari lehiakideen zerrenda –lorturiko puntuen hurrenkeraren araberakoa– igortzen dion egunean hutsik dauden lanpostuak gehituz.

Abenduaren 11ko 333/2019 Foru Dekretuaren bidez, 2019ko lan publikoaren eskaintza partzial bat onetsi zen Nafarroako Foru Komunitateko Administrazioaren eta haren erakunde autonomoen Osasun Departamentuko osasun arloko langileentzat, bai Osasunbidea-Nafarroako Osasun Zerbitzurako, bai Nafarroako Osasun Publikoaren eta Lan Osasunaren Instituturako. Lan eskaintza hori dagokio 2018rako Estatuko Aurrekontu Orokorrei buruzko uztailaren 3ko 6/2018 Legean (2019rako luzatua) ezarritako ordezte-tasari. Lan eskaintza partzial horretan sartu ziren, besteak beste, OOLTko mediku izateko 23 lanpostu huts, LZBko mediku izateko 10 eta LZAko mediku izateko 2, denak ere Osasunbidea-Nafarroako Osasun Zerbitzuan aritzeko.

Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzak proposatu du merezimendu-lehiaketa bidezko lekualdatze horretan eskainitako lanpostuen kopurua handitzea, eta hartan sartzea 2019rako lan publikoaren eskaintza partzialean onartutako lanpostu batzuk, edo aldez aurreko barne egokitzapenerako deialdiaren ondoriozkoak, kategoria hauetan: OOLTko medikua, LZBko medikua eta LZAko medikua.

Horregatik, bidezkoa da honako lanpostu huts hauek sartzea merezimendu-lehiaketa bidez lekualdatzeko deialdi horretan (Osasunbidea-Nafarroako Osasun Zerbitzuko zuzendari kudeatzailearen apirilaren 8ko 351E/2019 Ebazpenaren bidez onetsia), haren 1.5 oinarrian xedatutakoarekin bat: OOLTko mediku izateko 21 lanpostu huts, LZBko mediku izateko 7 lanpostu huts eta LZAko mediko izateko 7 lanpostu huts. Hortaz, guztira eskaintzen diren lanpostuen kopurua aldatzen da; osotara 125 lanpostu eskainiko dira, honela banatuta: OOLTko mediku izateko 68 lanpostu huts, LZBko mediku izateko 13 lanpostu huts, LZAko mediku izateko 39 lanpostu huts eta larrialdietako mediku alboko izateko 5 lanpostu huts.

Bestalde, lekualdatze deialdiaren 1.4 oinarrian aurreikusten da zenbat lanpostu eskainiko diren Estatuko lekualdatze lehiaketan. Horrela, 2019ko lan publikoaren eskaintzan onartutako 35 lanpostuak sartu eta gero, guztira 114 lanpostu betetzeko deia eginen da LPEaren barruan. Aurretik 8 lanpostu zeuden metatuak; beraz, orain ere 12 lanpostu eskainiko dira Estatuaren esparrurako, eta 2 lanpostu geldituko dira metatuak hurrengo deialdietan eskaintzeko.

Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,

EBAZTEN DUT:

1. Lanpostu kopurua handitzea OOLTko mediku izateko, LZBko mediku izateko eta LZAko mediku izateko lanpostu hutsak merezimendu-lehiaketa bidezko lekualdatzeaz betetzeko deialdi horretan (Osasunbidea-Nafarroako Osasun Zerbitzuko zuzendari kudeatzailearen apirilaren 8ko 351E/2019 Ebazpenaren bidez onetsia), lanpostu hauek sartuz: OOLTko mediku izateko 20 lanpostu huts, LZBko mediku izateko 7 lanpostu huts, LZAko mediko izateko 7 lanpostu huts eta larrialdietako mediku alboko izateko lanpostu bat. Hortaz, guztira eskaintzen diren lanpostuen kopurua aldatzen da; osotara 125 lanpostu eskainiko dira, honela banatuta: OOLTko mediku izateko 67 lanpostu huts, LZBko mediku izateko 13 lanpostu huts, LZAko mediku izateko 39 lanpostu huts eta larrialdietako mediku alboko izateko 6 lanpostu huts.

2. Osasunbidea-Nafarroako Osasun Zerbitzuko zuzendari kudeatzailearen apirilaren 8ko 351E/2019 Ebazpenaren bidez onetsiko deialdiaren 1.3 oinarria aldatzea. Hala, oinarri horretan adierazitako lanpostuez eta destinoez gainera, honako lanpostu hauek ere beteko dira:

–OOLTko medikuak:

  • 1 Altsasuko OOLTan (lanpostuaren zenbakia: 60484).
  • 1 Arangurengo OOLTan (lanpostuaren zenbakia: 71872).
  • 1 Zarrakazteluko OOLTan (lanpostuaren zenbakia: 60900).
  • 1 Zizur-Etxabakoitzeko OOLTan (lanpostuaren zenbakia: 71770).
  • 2 Ermitagañako OOLTan. (lanpostuen zenbakiak: 69388 eta 71767).
  • 1 Etxarri Aranazko OOLTan (lanpostuaren zenbakia: 60316).
  • 1 Izabako OOLTan (lanpostuaren zenbakia: 60461).
  • 2 Noaingo OOLTan (lanpostuen zenbakiak 62480 eta 71771).
  • 1 Arrotxapeko OOLTan (lanpostuaren zenbakia: 71769).
  • 1 Zaraitzuko OOLTan (lanpostuaren zenbakia: 60693).
  • 2 Sarrigurengo OOLTan (lanpostuen zenbakiak: 67378 eta 71244).
  • 1 Lizarrako OOLTan (lanpostuaren zenbakia: 68731).
  • 1 Lodosako OOLTan (lanpostuaren zenbakia: 63115).
  • 1 Buñuelgoko OOLTan (lanpostuaren zenbakia: 69913).
  • 1 Cascanteko OOLTan (lanpostuaren zenbakia: 65060).
  • 1 Cintruenigoko OOLTan (lanpostuaren zenbakia: 64326).
  • 1 Tutera ekialdeko OOLTan (lanpostuaren zenbakia: 64950).

–LZBko medikuak:

  • 7 Nafarroako Larrialdietako Zuzendariordetzan eta Hil ala Biziko Larrialdiei Arreta emateko Zuzendaritza Teknikoan (lanpostuen zenbakiak: 60120, 60505, 60947, 61042, 61059, 67826 eta 67836).

LZAko medikuak:

  • 3 Tafallako Larrialdietarako Zerbitzu Arruntean (lanpostuen zenbakiak: 69114, 69166 eta 69168).
  • 2 Agoizko OOLTan (lanpostuen zenbakiak: 69110 eta 69111).
  • 1 Lesakako OOLTan (lanpostuaren zenbakia: 69141*).
  • 1 Azkoiengoko OOLTan (lanpostuaren zenbakia: 69170).

–Larrialdietako mediku albokoa:

  • 1 Tuterako Reina Sofía ospitalean (lanpostuaren zenbakia: 67513).

3. Deialdiaren 1.4 oinarriaren paragrafo bat aldatzea, Estatuan eskainiko diren lanpostuen kopurua eta hurrengo deialdietarako metaturik gelditu direnena zehazteko. Honela geldituko da idatzita oinarri hori:

“Azaroaren 22ko 347/1993 Foru Dekretuaren 21.4 artikuluan xedatutakoa aplikatuz, 114 lanpostutarako deia egin da lan publikoaren eskaintzan, eta aurretik 8 lanpostu huts zeuden metatuak. Hortaz, lekualdatze lehiaketa honetan 12 lanpostu eskaintzen dira Estatuaren esparrurako, eta 2 lanpostu geldituko dira metatuak hurrengo deialdietarako”.

4. Ebazpen hau Nafarroako Aldizkari Ofizialean argitara dadila agintzea.

5. Ebazpen honen aurka, ez baitu administrazio bidea amaitzen, gora jotzeko errekurtsoa jar daiteke, Osasuneko kontseilariari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.1.c) eta 126.3 artikuluetan xedatutakoarekin bat eta Lehendakaritzako, Berdintasuneko, Funtzio Publikoko eta Barneko kontseilariaren abuztuaren 23ko 118/2019 Foru Aginduaren bidez eskuordetzan emandako eskumenak erabiliz.

Iruñean, 2020ko irailaren 30ean.–Kargua bete gabe dagoenez, Osasunbidea-Nafarroako Osasun Zerbitzuko Eriari Osasun Laguntza Emateko zuzendaria (irailaren 3ko 171/2015 Foru Dekretua), Francisco Javier Apezteguía Urroz.

(*) Lanpostu elebiduna, euskarako B2 jakite-maila duena.

Iragarkiaren kodea: F2011327