1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
117C/2019 EBAZPENA, abenduaren 17koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Altsasuko Udaleko Musika eta Dantzako Eskolaren hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Altsasuko Udaleko Musika eta Dantza Eskolako hitzarmen kolektiboa aztertu da (kode zenbakia: 31101702012019), erregistro honetan sartu zena 2019ko irailaren 30ean, enpresaren eta sindikatuen ordezkariek 2019ko apirilaren 9an sinatu eta 2019ko azaroaren 15ean zuzendu zena, Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Lan Hitzarmen eta Akordio Kolektiboak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2019ko abenduaren 17an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Altsasuko Udaleko Musika eta Dantza Eskolaren hitzarmen kolektiboa (PDFa).
Iragarkiaren kodea: F1916267
