1. NAFARROAKO FORU KOMUNITATEA
1.7. BESTELAKOAK
679E/2020 EBAZPENA, irailaren 24koa, Osasuneko zuzendari nagusiak emana, Partido Laocratak eskaturik aurkeztu eta 335/2020 prozedura arrunt gisa tramitaturiko administrazioarekiko auzi-errekurtsoaren espedientea Nafarroako Justizia Auzitegi Nagusiko Administrazioarekiko Auzien Salara igortzea xedatzen duena.
Administrazioarekiko Auzien Salako Justizia Administrazioaren letraduak aditzera eman du, 2020ko irailaren 16ko ofizio baten bidez (2020ko irailaren 17an sartu zen Osasun Departamentuan), administrazioarekiko auzi-errekurtsoa jarri dela, 335/2020 prozedura arruntean tramitaturik, Partido Laocratak eskaturik, uztailaren 15eko 34/2020 Foru Aginduaren aurka, zeinaren bidez prebentzio neurriak hartu baitziren Covid-19ak eragindako osasun krisian maskarak erabiltzeari dagokionez, eta abuztuaren 28ko 40/2020 Foru Aginduaren aurka, zeinaren bidez prebentzio neurriak hartu baitziren, Covid-19ak eragindako osasun krisian, maskara erabiltzeari dagokionez Nafarroako Foru Komunitateko ikastetxe eta unibertsitateetan; idatzi horretan, eskatzen du administrazio-espedientea igortzeko, Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluaren 1., 3. eta 4. apartatuetan ezarritakoarekin bat, eta haren jakinarazpena egiteko eta interesdunak epatzeko, aipatu legearen 49. artikuluaren 1., 2. eta 4. apartatuek ezartzen dutenari jarraikiz.
Horrenbestez, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Nafarroako Justizia Auzitegi Nagusiko Administrazioarekiko Auzien Salara igortzea 335/2020 prozedura arruntean tramitatutako administrazioarekiko auzi-errekurtsoaren espedientea. Errekurtsoa Partido Laocratak eskaturik aurkeztu da, Osasuneko kontseilariaren uztailaren 15eko 34/2020 Foru Aginduaren eta abuztuaren 28ko 40/2020 Foru Aginduaren aurka.
2. Ebazpen hau Nafarroako Aldizkari Ofizialean argitaratzea eta interesdunak epatzea, autoetako demandatu gisa agertu ahal daitezen bederatzi eguneko epean, argitalpena egiten denetik aurrera, Nafarroako Justizia Auzitegi Nagusiko Administrazioarekiko Auzien Salara.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salara eta Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikora, behar diren ondorioak izan ditzan.
Iruñean, 2020ko irailaren 24an.–Osasuneko zuzendari nagusia, Carlos Artundo Purroy.
Iragarkiaren kodea: F2011079
