3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki-oharra. Erreferentzia: 2018-A-149
Tebasko Kontzejuak honako datu eta ezaugarri hauek dituen ur publikoen aprobetxamendua eskatu du:
Ur-ibilgua: Errekaldea erreka-zuloa (Besaire ibaia).
Hargunearen udalerria: Tebas-Muru Artederreta (Nafarroa).
Hargunearen tokia:
1. hargunea: UTM ETRS89 (611006, 4728068), proiekzio-eremua: 30.
2. hargunea: UTM ETRS89 (611517, 4729091), proiekzio-eremua: 30.
Erabileraren xedea: ureztatzea.
Erabileraren tokia:
Tebas-Muru Artederretako 1. poligonoko 301. lurzatia.
Tebas-Muru Artederretako 2. poligonoko 92. lurzatia.
Batez besteko emari baliokidea kontsumo handieneko hilean (l/s): 0,07.
Gehieneko bolumena urtean: 608,34 m³.
Aprobetxamenduaren xedea da bi hargune paratzea Errekaldea erreka-zulotik azaleko ura hartzeko, bata eskuinaldean eta bestea ezkerraldean. Harguneetako bakoitzean ura motoponpa baten bidez hartuko da, gehienez ere 1,95 l/s-ko uneko emariarekin; ura 25 mm-ko diametroa duen hodi batetik bidaliko du ureztatu beharreko lurzatietan dauden erregulazio biltegietaraino. 0,5 hektareako auzo-baratzeak grabitatez ureztatuko dira biltegietatik. Aprobetxamenduak 40 m³-ko barne erregulazioa izanen du ureztatu beharreko lurzati bakoitzean. Ura maiatzetik irailera bitarte hartuko da, bi hilabete horiek barne.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Konfederazio Hidrografikoan (Sagasta pasealekua 26-28, Zaragoza), bulego orduetan. Horretarako, hitzordua eskatu beharko da aldez aurretik 976 711 000 telefonoan edo informacionalciudadano@chebro.es helbide elektronikoan.
Zaragozan, 2020ko uztailaren 3an.–Komisario albokoa, Javier San Román Saldaña.
Iragarkiaren kodea: E2010123
