1. NAFARROAKO FORU KOMUNITATEA
1.7. BESTELAKOAK
72/2020 EBAZPENA, abuztuaren 31koa, Industriaren, Energiaren eta S3 Proiektu Estrategikoen zuzendari nagusiak emana, zeinaren bidez baimena ematen baitzaio Obramas 9002 SLri Corellako udal-mugartean “Las Canteruelas” legar-hobiko tratamendu zentroa martxan jartzeko, erregularizatzearen ondorioetarako.
Lurralde Antolamenduko eta Etxebizitzako zuzendari nagusiak maiatzaren 10ean emandako 623/2006 Ebazpenaren bidez, baimena eman zen Corellan Las Canteruelas legar-hobia ustiatu eta leheneratzeko proiektua gauzatzeko, Vitín y Pachi SLk sustaturik.
Industria eta Merkataritzako zuzendari nagusiak urtarrilaren 17an emandako 93/2007 Ebazpenaren bidez baimena eman zitzaion Vitin y Pachi SLri A) ataleko baliabideak aprobetxatzeko 25 urtez. Baliabide horiek Corellako udal-mugarteko 9. poligonoko 288., 295., 296., 297., 298., 299., 300., 301., 305., 311. eta 313. lurzatietan daude.
Energiaren, Meatzaritzaren eta Industria Segurtasunaren Zerbitzuko zuzendariak otsailaren 26an emandako 17/2016 Ebazpenaren bidez, baimena eman zen legar-hobi horren meatzaritza-eskubideak Obramas 9002 SLri eskualdatzeko.
2019ko azaroaren 28an eta 2020ko ekainaren 2an, enpresak baimena eskatu du martxan jartzeko, bai inpaktuak xehatzeko NAKAYAMA NC 1000S ekipamendu mugikorrak, bai sailkatzeko TEREX FINLAY 683T SUPERTRACK ekipamenduak, eta, horretarako, uztailaren 18ko 1215/1997 Errege Dekretuari egokitzen zaizkiola ziurtatzeko agiria erantsi du, errege dekretu horren bidez ezarri baitira langileek lan ekipoak erabiltzeko gutxieneko segurtasun eta osasun xedapenak. Goi eta behe tentsioko instalazioen legeztapena ziurtatzeko agiriak ere aurkeztu ditu. Aipatu dokumentazioa azterturik, eta erregularizatzearen ondorioetarako, proposatzen da baimena ematea ekipamendu mugikor horiek martxan jartzeko, agregakinak tratatzeko zentro gisa, hori guztia Meategietako Segurtasunari buruzko Oinarrizko Arauen Erregelamendu Orokorraren 7. eta 117. artikuluetan (apirilaren 2ko 863/1985 Errege Dekretuaren bidez onetsitako erregelamendua) eta Meatzaritzako Araubidearen Erregelamendu Orokorraren 138. artikuluan (abuztuaren 25eko 2857/1978 Errege Dekretuaren bidez onetsitako erregelamendua) ezarritakoarekin bat etorriz.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Baimena ematea Corellako udal-mugartean dagoen “Las Canteruelas” legar-hobiko agregakinak tratatzeko zentroa martxan jartzeko, erregularizatzearen ondorioetarako.
2. Ebazpen hau Meategien Atalera igortzea, behar diren ondorioak izan ditzan.
3. Ebazpen hau Obramas SLri jakinaraztea, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, jakinarazi eta biharamunetik hilabeteko epean. Hartan espediente zenbakia adierazi beharko da.
4. Ebazpen hau Corellako Udalari jakinaraztea, behar diren ondorioak izan ditzan.
5. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2020ko abuztuaren 31n.–Industriaren, Energiaren eta S3 Proiektu Estrategikoen zuzendari nagusia, Yolanda Blanco Rodríguez.
Iragarkiaren kodea: F2009962
