3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki-oharra. Erreferentzia: 2019-A-79
Miguel Ángel Torrano Urabayenek honako datu eta ezaugarri hauek dituen ur publikoen aprobetxamendua eskatu du:
Ur-ibilgua: Ubagua ibaia.
Hargunearen udalerria: Deierri (Nafarroa).
Hargunearen tokia: UTM ETRS89 (585905, 4734678), proiekzio-eremua: 30.
Erabileraren xedea: ureztatzea.
Erabileraren tokia: Deierriko udal-mugartea, 26. poligonoko 514. lurzatia (Nafarroa).
Batez besteko emari baliokidea kontsumo handieneko hilean (l/s): 0,004.
Gehieneko bolumena urtean: 30 m³.
Aprobetxamenduaren xedea da ura zuzenean hartzea Ubagua ibaitik, eskuinaldetik, motoponpa baten bidez eta 2,22 l/s-ko uneko gehieneko emariarekin. Motoponpak ura bulkatuko du 25 mm-ko hodi batetik m³ banako poliesterrezko biltegi batzuetaraino, zeinak eramanen baitira ureztatu beharreko lursailera. Barneko erregulazioa izanen du, poliesterrezko 6 biltegirekin (bakoitza mila litrokoa). Ura maiatzetik urrira bitarte hartuko da, fruta-arbolak landatuta dituen 0,5 hektareako lursaila ureztatzeko.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Konfederazio Hidrografikoan (Sagasta pasealekua 26-28, Zaragoza), bulego orduetan. Horretarako, hitzordua eskatu beharko da aldez aurretik 976 711 000 telefonoan edo informacionalciudadano@chebro.es helbide elektronikoan.
Zaragozan, 2020ko uztailaren 30ean.–Komisario albokoa, Javier San Román Saldaña.
Iragarkiaren kodea: E2010120
