2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PUIU
Egoitza elektronikoa sortzea
Puiuko Udalak, 2020ko abuztuaren 27an egindako osoko bilkura arruntean, honako hau erabaki zuen:
“2011ko otsailaren 21ean, Puiuko Udalaren Osoko Bilkurak erabaki zuen Udalaren egoitza elektronikoa sortzea, www.agrupacionvaldorba.es Orbaibarko Administrazio Zerbitzuen Batasunaren egoitza elektronikoan sartuta; erabaki hura 2011ko 48. Nafarroako Aldizkari Ofizialean argitaratu zen, martxoaren 10ekoan.
Aipatu egoitza elektronikoa berriki aldatu da eta, eta bete dadin Administrazio Publikoen Administrazio Prozedura Erkideari buruzko urriaren 1eko 39/2015 Legean eta Sektore Publikoaren Araubide Juridikoari buruzko urriaren 1eko 40/2015 Legean ezarritakoa, eta herritarrek gure entitatearekin komunikatzeko sistema telematiko bat izan dezaten, Puiuko Udalaren Osoko Bilkurak honako erabaki hau hartu zuen,
ERABAKIA:
Lehena.–Puiuko Udalaren egoitza elektronikoa sortzea honako helbide elektroniko honetan: https://pueyo.sedelectronica.es. Puiuko Udala da Interneteko domeinu horren jabea eta egoitzaren titularra.
Bigarrena.–Erabaki hau argitaratzea Nafarroako Aldizkari Ofizialean, iragarki-taulan eta Udalaren webgunean. Egoitza elektronikoa indarrean jarriko da erabaki hau Nafarroako Aldizkari Ofizialean argitaratu eta biharamunetik hasita.
Hirugarrena.–Puiuko Udaleko Idazkaritzari esleitzea egoitza elektronikoa zuzentzeko eta koordinatzeko eginkizunak.
Laugarrena.–Alkateari ahalmena ematea akordio hau gauzatzeko behar den edozein dokumentu sinatzeko.”
Ebazpen honek amaiera ematen dio administrazio bideari, eta errekurtso hauek aurkez daitezke:
1.–Berraztertzeko errekurtsoa, egintzaren organo egileari zuzendua, hilabeteko epean, erabaki hau jakinarazi eta biharamunetik hasita.
2.–Administraziorekiko auzi-errekurtsoa, Nafarroako Auzitegi Nagusiko arlo bereko salari zuzendua, bi hilabeteko epean, ebazpen hau jakinarazi eta biharamunetik hasita.
3.–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Puiun, 2020ko abuztuaren 27an.–Alkatea, María Rosario Guillén Guillén.
Iragarkiaren kodea: L2009886
