2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERIAIN
Deialdia, 2019an eta 2020an enplegua eta autoenplegua sustatzeko kontratazioetarako dirulaguntzena. Laburpena
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraikiz, argitara ematen da deialdiaren laburpena; haren testu osoa Dirulaguntzen Datu Base Nazionalean kontsultatu daiteke. (https://www.infosubvenciones.es/bdnstrans/GE/eu/convocatoria/523193). DDBN (Identifikazioa): 523193.
Beriaingo Udalak 2019ko urriaren 3an egin osoko bilkuran onetsia.
Lehena.–Onuradunak:
Beriainen egoitza duten enpresak izan daitezke laguntzen onuradun, kontratatzen dituzten langabeak Nafarroako Enplegu Zerbitzuko enplegu agentzietan inskribaturik badaude, Beriaingo udalerrian erroldaturik badaude gutxienez ere 2 urte lehenagotik eta oinarri hauetan ezarritako beharkizun eta baldintzak betetzen badituzte.
Onuradun izan daitezke, halaber, autoenpleguko proiektu bati ekiten dioten pertsona fisikoak, horiek ere Beriaingo udalerrian erroldaturik badaude gutxienez ere 2 urte lehenagotik eta oinarri hauetan ezarritako beharkizun eta baldintzak betetzen badituzte.
Bigarrena.–Xedea:
Pizgarriak ezartzea kontratazioa sustatzeko eta enplegu egonkortzeko.
Hirugarrena.–Oinarri arautzaileak:
http://www.beriain.es/ayudas-para-el-fomento-de-la-contratacion-y-de-la-actividad-economica-en-beriain-2019-2020/
Laugarrena.–Zenbatekoa:
1. Honako dirulaguntza hauek emanen dira, lanaldia osoa bada:
- 2.400 euro, 7. oinarriko a) apartatuan aurreikusitako kontratu bakoitzeko. Autoenpleguko proiektu bati ekin diotenei ere kopuru bera emanen zaie.
- 1.800 euro, 7. oinarriko b) apartatuan aurreikusitako kontratu bakoitzeko.
- 900 euro, 7. oinarriko b) apartatuan aurreikusitako kontratu bakoitzeko, gutxienez sei hilabeteko iraupena badu.
- Kontratu horiek mugagabe bilakatzen badira, dirulaguntza igoko da, 2.400 euro bitarte.
- 750 euro, 7. oinarriko c) apartatuan aurreikusitako kontratu bakoitzeko.
- 500 euro, prestakuntzarako kontratu edo praktiketako kontratu bakoitzeko.
2. Lanaldi partzialeko kontratuetan, baldin lanaldi osoko langile konparagarri baten lanaldiaren % 50 irauten badute gutxienez, eta aldizkako kontratu finkoetan, pizgarriak proportzionalki kalkulatuko dira benetako lan denboraren arabera.
Aurrekontuko partida handitu daiteke, eskaera guztiei erantzun arte.
Eskaerak aurkezteko epea: hilabetekoa, laburpen hau Nafarroako Aldizkari Ofizialean argitaratu eta biharamunetik edo kontratazio egunetik, baldin hori gerokoa bada.
Azken eguna: 2020ko abenduaren 31.
Beriainen, 2020ko irailaren 10ean.–Alkate udalburua, José Manuel Menéndez González.
Iragarkiaren kodea: L2010519