Iragarkia

203. ALDIZKARIA - 2020ko irailaren 9a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1819/2020 EBAZPENA, abuztuaren 19koa, Hezkuntza Departamentuko Langileen Araubide Juridikoaren Zerbitzuko zuzendariak emana, zeinaren bidez betearazten baitira zenbait foru agindu, baiesten dituztenak ebazpen hauen aurka jarritako gora jotzeko errekurtsoak: Hezkuntzako Departamentuko Giza Baliabideen Zerbitzuko zuzendariaren azaroaren 4ko 3722/2019 Ebazpena eta Irakasleak Hautatzeko eta Lanpostuak Betetzeko Zerbitzuko zuzendariaren apirilaren 30eko 50/2020 Ebazpena.

Hezkuntzako Departamentuko Giza Baliabideen Zerbitzuko zuzendariaren azaroaren 4ko 3722/2019 Ebazpenaren bidez behin betiko zerrenda batzuk onetsi ziren, hain zuzen ere, Hezkuntza Departamentuko Giza Baliabideen Zerbitzuko zuzendariaren irailaren 11ko 3138/2019 Ebazpenaren bidez berariazko zerrendak irekitzearen ondoriozkoak.

Irakasleak Hautatzeko eta Lanpostuak Betetzeko Zerbitzuko zuzendariak apirilaren 30ean onetsi eta maiatzaren 14ko 58/2020 Ebazpenaren bidez aldatu zen 50/2020 Ebazpenaren bidez, berriz, behin betiko zerrenda batzuk onetsi ziren, hain zuzen ere, Hezkuntza Baliabideen Zerbitzuko zuzendari nagusiaren azaroaren 13ko 140/2019 Ebazpenaren bidez berariazko zerrendak irekitzearen ondoriozkoak.

Azaroaren 4ko 3722/2019 eta apirilaren 30eko 50/2020 ebazpenen aurka gora jotzeko zenbait errekurtso aurkeztu zirenez, Hezkuntzako kontseilariaren abuztuaren 10eko 203E/2020, 204E/2020, 205E/2020, 206E/2020, 207E2020, 208E/2020, 209E/2020, 210E/2020, 2011E/2020 eta 2018E/2020 foru aginduen bidez baietsi egin ziren errekurtso horiek eta agindua eman zitzaion Langileen Araubide Juridikoaren Zerbitzuari errekurtsoen egileak kasuan kasuko espezialitatean sartzeko, bakoitzaren ikasketa espedientean ageri den batez besteko notaren arabera dagokion tokian.

Bidezkoa da, beraz, eranskinetan ageri diren pertsonak zein bere espezialitatean sartzea, bere ikasketa espedientean ageri den notari dagokion tokian.

Horiek horrela, Hezkuntza Departamentuko Hezkuntza Baliabideen zuzendari nagusiaren azaroaren 28ko 208/2019 Ebazpenaren bidez eskuordetutako ahalmenak erabiliz,

EBAZTEN DUT:

1. Aldatzea Hezkuntzako Departamentuko Giza Baliabideen Zerbitzuko zuzendariaren azaroaren 4ko 3722/2019 Ebazpenaren eranskina, ebazpen honetan jasotakoaren arabera, I. eranskinean ageri diren pertsonei dagokionez. 3722/2019 Ebazpenaren bidez behin betiko zerrenda batzuk onetsi ziren, hain zuzen ere, Hezkuntza Departamentuko Giza Baliabideen Zerbitzuko zuzendariaren irailaren 11ko 3138/2019 Ebazpenaren bidez berariazko zerrendak irekitzearen ondoriozkoak.

Aldaketa honen ondorioz, aldi baterako kontrataziorako izangaien zerrendetan ere aldatuko da izangaien lehentasun ordena.

2. Aldatzea Hezkuntzako Departamentuko Irakasleak Hautatzeko eta Lanpostuak Betetzeko Zerbitzuko zuzendariaren apirilaren 30eko 50/2020 Ebazpenaren eranskina, ebazpen honetan jasotakoaren arabera, II. eranskinean ageri diren pertsonei dagokionez. Maiatzaren 14ko 58/2020 Ebazpenaren bidez aldatutako 50/2020 Ebazpen horren bidez, behin betiko zerrenda batzuk onetsi ziren, hain zuzen ere, Hezkuntza Baliabideen Zerbitzuko zuzendari nagusiaren azaroaren 13ko 140/2019 Ebazpenaren bidez berariazko zerrendak irekitzearen ondoriozkoak.

Aldaketa honen ondorioz, aldi baterako kontrataziorako izangaien zerrendetan ere aldatuko da izangaien lehentasun ordena.

3. Ebazpen hau igortzea Hezkuntza Departamentuko Idazkaritza Tekniko Nagusiari, Irakasleak Hautatzeko eta Lanpostuak Betetzeko Zerbitzuari eta Aldi Baterako Langileak Kudeatzeko Zerbitzuari, bai eta interesdunei ere, behar diren ondorioak izan ditzan.

4. Ebazpen hau argitaratzea Nafarroako Aldizkari Ofizialean eta Hezkuntza Departamentuaren web-orrian, deialdiaren fitxan (https://www.educacion.navarra.es/eu), eta adieraztea ebazpen honek ez duela administrazio bidea amaitzen eta honen aurka gora jotzeko errekurtsoa aurkezten ahalko dela hilabeteko epean, argitaratu eta biharamunetik hasita, Lehendakaritzako, Berdintasuneko, Funtzio Publikoko eta Barneko Departamentuko kontseilariaren aurrean.

Iruñean, 2020ko abuztuaren 19an.–Langileen Araubide Juridikoaren Zerbitzuko zuzendaria, Javier Lacarra Albizu.

Iragarkiaren kodea: F2009539