1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
65C/2020 EBAZPENA, uztailaren 8koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena San Adriango Elikagaien Teknologia eta Segurtasuneko Zentro Nazionala (CNTA) entitatearen hitzarmen kolektiboa erregistratu, gordailutu eta Nafarroako Aldizkari Ofizialean argitaratzea.
Ikusirik San Adriango Elikagaien Teknologia eta Segurtasuneko Zentro Nazionala (CNTA) entitatearen hitzarmen kolektiboa (kode zenbakia: 31008752012007), erregistro honetan sartu zena 2020ko ekainaren 4an, enpresaren eta sindikatuen ordezkariek sinatua 2020ko maiatzaren 29an, Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Lan Hitzarmen eta Akordio Kolektiboak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoaren arabera,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko uztailaren 8an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
San Adriango Elikagaien Teknologia eta Segurtasuneko Zentro Nazionala (CNTA) entitatearen hitzarmen kolektiboa (PDFa).
Iragarkiaren kodea: F2007897
