1. NAFARROAKO FORU KOMUNITATEA
1.7. BESTELAKOAK
JENDAURREAN JARTZEA honako honen ingurumen inpaktuaren ebaluazioa: Ribaforada II (“La Dehesa”) eremuko ureztalurrak modernizatzea eta lurzatiak biltzea.
Ingurumen Ebaluazioari buruzko abenduaren 9ko 21/2013 Legearen 36. artikuluan xedaturikoa betez, aditzera ematen da ondoren aipatzen den espedientea jendaurrean egonen dela hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, Landa Garapeneko eta Ingurumeneko Departamentuaren bulegoetan (González Tablas 9) eta Ribaforadako udaletxean, jendea hartzeko orduetan, jarduera horretan interesa dutenek azter dezaten eta, nahi izanez gero, bidezkotzat jotzen dituzten alegazio, iradokizun eta oharrak aurkez ditzaten epe horretan. Horiek aurkezten ahalko dira Nekazaritzako Azpiegituren Zerbitzuan (González Tablas kalea 9, 3. solairua, 31005 Iruña) edo Administrazio Publikoen Administrazio Prozedura Erkideari buruzko urriaren 1eko 39/2015 Legean adierazitako tokietatik edozeinetan.
Halaber, dokumentazio hori eskuragarri dago Interneten, euskarri digitalean (“Nafarroako Gobernuaren Gobernu Irekia”):
https://gobiernoabierto.navarra.es/es/node/21146
Proiektua: Ribaforada II (“La Dehesa”) eremuko ureztalurrak modernizatzeko eta lurzatiak biltzeko oinarrizko proiektua eta ingurumen inpaktuaren azterketa.
Sustatzailea: Nekazaritza eta Abeltzaintza Zuzendaritza Nagusia. Landa Garapeneko eta Ingurumeneko Departamentua. Nafarroako Gobernua.
Prozedura: Ingurumen inpaktuaren ebaluazio arrunta.
Udala: Ribaforada.
Iruñean, 2020ko abuztuaren 3an.–Nekazaritzako Azpiegituren Zerbitzuko zuzendaria, Juan Pablo Rebolé Ruiz.
Iragarkiaren kodea: F2008648
