2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
TUTERA
Deialdia, Nafarroako Jota kantuko monitore lanpostuan aritzeko (C maila/taldearekin parekatua), izangaien bi zerrenda osatzeko, bata aldi baterako kontrataziorako eta bestea prestakuntzarako zerbitzu berezietan jarduteko
Alkatetzaren 2020ko abuztuaren 3ko 1002. Ebazpenaren bitartez, deialdia eta oinarriak onetsi ziren Nafarroako Jota kantuko monitore lanpostuan aritzeko (C maila/taldearekin parekatua), izangaien bi zerrenda osatzeko, bata aldi baterako kontrataziorako eta bestea prestakuntzarako zerbitzu berezietan jarduteko, Tuterako Udalean sortzen diren beharrei erantzutearren, zerrenda eratu eta ondoko bi urteetan.
Deialdia gauzatuko da jarraikiz aplikatu beharreko araudian xedatuari eta oinarri hauetan ezartzen denari.
OINARRIAK
I.–Deialdiko lanpostuaren izaera eta ezaugarriak
1.–Izaera: aldi baterako kontratatutako langileak/prestakuntzarako zerbitzu berezietan ariko diren langileak, Tuterako Udalean sor litezkeen beharrei erantzutearren.
2.–Izena: Nafarroako Jota kantuko monitorea (C maila/taldearekin parekatua).
3.–Kokapena egitura organikoan: Fernando Remacha Udal Musika Eskola (Hiria Sustatzeko Alorra, Hezkuntzako Udal Zerbitzua).
4.–Bete beharreko eginkizunak: lanpostuko zeregin nagusiak izanen dira Nafarroako Jota kantuko klaseak ematea.
Lan eta enplegu baldintzei buruz, oinarri hauetan agertzen ez badira, eta udal honi dagokionez, Tuterako Udalaren zerbitzuko langileen lan baldintzei buruz indarrean den Erabakian ezarritakoari jarraituko zaio.
Lanaldiaren araubidea zerbitzuaren beharretara egokituko da eta noiznahi aldatu ahalko dute administrazio organo eskudunek, horretarako ezarritako prozedurari jarraikiz.
II.–Deialdia, izangaien zerrenda bat osatzeko, Nafarroako Jota kantuko monitore lanpostuan aritzeko, Tuterako Udalaren zerbitzuan, aldi baterako kontratazioaren bitartez
1.–Xedea.
Deialdi honen xedea da izangaien zerrenda bat osatzea, Nafarroako Jota kantuko monitore lanpostuan aritzeko, aldi baterako kontratazioaren bidez, oposizio bidez, Tuterako Udalean sortzen diren beharrei erantzutearren.
2.–Izangaiek bete beharreko baldintzak.
2.1.–Izangaiek, eskabideak aurkezteko epea bukatzen den egunean, baldintza hauek bete beharko dituzte:
A) Espainiako edo Europar Batasuneko kide den beste estatu bateko nazionalitatea izatea, edo Europar Batasunak izenpetu eta Espainiak berretsitako Nazioarteko Itunen arabera Europako Erkidegoa Eratzeko Tratatuan zehazten diren baldintzetan langileen joan-etorri librea aplikatzekoa den edozein estatutako nazionalitatea. Espainiarren eta lehen aipatu diren estatuetako herritarren ezkontideek edo legez eraturiko izatezko bikotekideek ere hartu ahalko dute parte, zuzenbidez bananduak ez badaude, bai eta haien ondorengoek eta haien ezkontideenek ere, baldin eta bi ezkontideak zuzenbidez bananduak ez badaude eta ondorengoak 21 urtetik beherakoak badira edo, adin horretatik gorakoak izanez gero, haien bizkar bizi badira.
B) Hamasei urte beteak izatea eta erretiroa nahitaez hartzeko gehieneko adina ez gainditzea.
C) Eskaerak aurkezteko epea bukatzen den egunean Batxilergo titulua edo baliokidea izatea edo eskuratzeko baldintzetan egotea (hura eskuratzeko eskubideak ordaindu izanaren gordekina). Goi mailako titulazioa eskatu ez arren, eskatutako mailatik gorako tituluak ere onartuko dira. Atzerrian lortutako tituluak badira, homologazioaren egiaztagiria eduki beharko da.
D) Bete behar diren eginkizunetan aritzeko adinako gaitasun fisikoa eta psikikoa izatea.
E) Eginkizun publikoak betetzeko desgaitua edo gabetua ez izatea, eta inongo administrazio publikoren zerbitzutik bereizi gabea izatea.
F) Haurrentzako eta nerabeentzako babes sistema aldatzen duen uztailaren 28ko 26/2015 Legearen arabera, deialdiaren xedeko lanpostuan aritzeko baldintza da epai irmo baten bidez kondenatua ez izatea sexu-askatasunaren eta sexu-ukigabetasunaren aurkako delitu batengatik, ezta gizakien salerosketarengatik ere.
2.2.–Espainiako nazionalitatea ez duten izangaiek zinpeko aitorpena edo hitzematea aurkeztu beharko dute, adierazteko ez dutela diziplina-zehapenik edo kondena penalik beren estatuko Funtzio Publikoan sartzea galarazten dienik.
2.3.–Baldintza horiek agiri bidez frogatu beharko dituzte hautatu eta kontratatzen diren izangaiek, kontratuak sinatu aurretik horretarako ezartzen zaien unean. Kopia konpultsatuak aurkeztuko dira horretarako. Aski justifikaturik dauden ezinbesteko kasuetan salbu, aipatutako agiri horiek aurkezten ez dituztenak ezin izanen dira kontratatu, eta ordura arteko jarduketa guztiak baliorik gabe geldituko dira; horrez gain, parte hartzeko eskabidea faltsutzeagatik dagokien erantzukizuna leporatzen ahalko zaie.
2.4.–Baldintza guztiak eskabideak aurkezteko epea bukatzen den egunerako bete beharko dira, baita hautapen prozedurak eta kontratazioak iraun bitartean ere.
3.–Hautapen prozesuaren bilakaera eta balorazioa.
Hautapen prozesua gauzatuko da bat etorriz Alkatetzaren ebazpen honen bidez onetsitako bi deialdietarako balio duten arauekin. Arau horiek IV. apartatuan zehazten dira, hain zuzen.
4.–Aldi baterako kontrataziorako izangaiei dei egitea.
Probak gainditzen dituzten izangaiei dei eginen zaie, Tuterako Udalean sortzen diren beharren arabera, oinarri hauetan ezarritakoarekin bat etorriz. Halaber, beteko dira Tuterako Udalaren eta haren erakunde autonomoen zerbitzuko langileak aldi baterako kontratatzeko irizpideak, 2004ko azaroaren 29an Osoko Bilkurak onetsiak (2005eko 10. Nafarroako Aldizkari Ofiziala, urtarrilaren 24koa), bai eta, orobat, aplikatzekoa den gainerako araudia ere.
Hautatutako izangaiak aldi baterako kontratatuko ditu Tuterako Udalak, abuztuaren 30eko 251/1993 Legegintzako Foru Dekretuak horri buruz araututakoari jarraikiz (haren bidez onetsi zen Nafarroako Administrazio Publikoen zerbitzuko Langileen Estatutuaren testu bategina), bai eta aplikatzekoa den gainerako araudiari jarraikiz ere. Izangaiak Gizarte Segurantza Orokorraren araubidean sartu eta kidetuko dira.
III.–Deialdia, izangaien zerrenda bat osatzeko, Nafarroako Jota kantuko monitore lanpostuan prestakuntzan aritzeko, Tuterako Udalaren zerbitzuan
1.–Xedea.
Deialdi honen xedea da izangaien zerrenda eratzea, Nafarroako Jota kantuko monitorearen lanpostuan aritzeko prestakuntzarako zerbitzu berezietan, oposizio bidez, Tuterako Udalean sortzen diren beharrei erantzutearren.
2.–Izangaiek bete beharreko baldintzak.
2.1.–Izangaiek, eskabideak aurkezteko epea bukatzen den egunean, baldintza hauek bete beharko dituzte:
A) Udal honen eta haren erakunde autonomoen zerbitzuko langile finkoa izatea, D edo E mailakoa.
B) Ez egotea borondatezko edo nahitaezko eszedentzian.
C) Eskaerak aurkezteko epea bukatzen den egunean Batxilergo titulua edo baliokidea izatea edo eskuratzeko baldintzetan egotea (hura eskuratzeko eskubideak ordaindu izanaren gordekina). Goi mailako titulazioa eskatu ez arren, eskatutako mailatik gorako tituluak ere onartuko dira. Atzerrian lortutako tituluak badira, homologazioaren egiaztagiria eduki beharko da.
D) Haurrentzako eta Nerabeentzako Babes Sistema Aldatzen duen uztailaren 28ko 26/2015 Legearen arabera, lanpostuan aritzeko baldintza da epai irmo baten bidez kondenatua ez izatea sexu-askatasunaren eta sexu-ukigabetasunaren aurkako delitu batengatik, ezta gizakien salerosketarengatik ere.
2.2.–Oinarri honen 2.1.C) atalean eskatzen den tituluaren betebeharra agiri bidez frogatu beharko dute hautatzen diren izangaiek, horretarako ezartzen zaien unean.
Agiri horiek aurkezten ez dituzten izangaien jarduketa guztiak baliorik gabe geldituko dira eta, gainera, parte hartzeko eskabidea faltsutzeagatik dagokien erantzukizuna leporatzen ahalko zaie, salbu eta behar bezala justifikatzen diren ezinbesteko kasuetan.
2.3.–Baldintza guztiak eskabideak aurkezteko epea bukatzen den egunerako bete beharko dira, baita hautapen prozedurak eta deitutako lanpostuan aldi baterako jarduerak iraun bitartean ere.
3.–Hautapen prozesuaren bilakaera eta balorazioa.
Hautapen prozesua gauzatuko da bat etorriz Alkatetzaren ebazpen honen bidez onetsitako bi deialdietarako balio duten arauekin. Arau horiek IV. apartatuan zehazten dira, hain zuzen.
4.–Prestakuntzarako izangaiei dei egitea.
Probak gainditzen dituzten izangaiei dei eginen zaie, Tuterako Udalean sortzen diren beharren arabera, oinarri hauetan ezarritakoarekin bat etorriz. Halaber, beteko dira Tuterako Udalaren eta haren erakunde autonomoen zerbitzuko langileak aldi baterako kontratatzeko irizpideak, 2004ko azaroaren 29an Osoko Bilkurak onetsiak (2005eko 10. Nafarroako Aldizkari Ofiziala, urtarrilaren 24koa).
Hautatutako izangaiak zerbitzu berezietako egoeran deklaratuko dira, Osoko Bilkurak hartutako erabaki horretan ezarritakoari jarraikiz, bai eta abuztuaren 30eko 251/1993 Legegintzako Foru Dekretuan (haren bidez onetsi zen Nafarroako Administrazio Publikoen zerbitzuko Langileen Estatutuaren testu bategina) eta aplikatzekoa den gainerako araudian ezarritakoa jarraikiz ere.
IV.–Bi deialdietarako arauak
1.–Eskabideak.
1.1.–Deialdiko hautapen prozesuan parte hartzeko eskabideak Tuterako Udalaren Erregistro Orokorrean aurkeztu beharko dira (Plaza Vieja, 1 edo El Frontón kalea, 1), edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako bideetako edozein erabiliz, deialdia Nafarroako Aldizkari Ofizialean argitaratu eta biharamunetik 10 egun balioduneko epean. Azken eguna baliogabea bada, hurrengo lehen egun balioduna arte luzatuko da epea.
Eskabidea posta bulego batean aurkeztuz gero, gutun-azal irekian aurkeztuko da, postako langileek data eta zigilua jar ditzaten, ziurtatu aurretik.
1.2.–Deialdian parte hartzeko eskabideak deialdi honen eranskinetako ereduetara egokitu beharko dira (izangai bakoitzari dagokion txandaren arabera dagokiona –aldi baterako kontratazioa edo zerbitzu berezietako prestakuntza–). Izangaiek eskura izanen dituzte Udalaren webgunean ageri den deialdiaren aipamenean.
1.3.–Desgaitasun aitortua (% 33koa edo handiagoa) duten izangaiek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako minusbaliotasuna duten eta zer egokitzapen eskatzen duten. Horrekin batera, legeen arabera desgaitasunen bat dutela frogatzeko agiria ere aurkeztu beharko dute, organo eskudunak emana.
1.4.–Eskabideak aurkezteko epea ezin izanen da luzatu.
1.5.–Eskabidean atzematen diren akats materialak edo egitezkoak ofizioz edo interesdunak eskaturik zuzendu ahalko dira, noiznahi ere.
2.–Izangaien onarpena.
2.1.–Onartu eta baztertuen zerrendak.
Eskabideak aurkezteko epea amaiturik, Tuterako Udaleko alkate udalburuak onartu eta baztertuen zerrenda onesten duen ebazpena emanen du, eta udaletxeko iragarki-taulan (Plaza Vieja, 1) eta Udalaren www.tudela.es web-orrian argitara dadila aginduko du. Izangai bazterturik egonez gero, 3 egun baliodun emanen zaizkio akatsak zuzentzeko eta, ondotik, behin betiko zerrenda argitaratuko da aipatutako tokietan eta Nafarroako Aldizkari Ofizialean.
2.2.–Onartuen zerrendetan agertzea ez da aski interesdunek deialdietan eskatutako baldintzak betetzen dituztela onartutzat emateko. Aurkeztu behar duten dokumentazioa edo administrazioak bere eskuetan daukana aztertutakoan, baldintzaren bat betetzen ez dela ohartuz gero, galdu eginen dituzte deialdian parte hartzearen ondoriozko eskubide guztiak.
2.3.–Onartzeko behin betiko zerrenda argitaratzearekin bat, hautaprobak hasteko eguna, ordua eta tokia argitaratuko dira.
3.–Kalifikazio epaimahaia.
3.1.–Epaimahaiak kide hauek izanen ditu:
Epaimahaiburua: Pedro González Felipe, Tuterako Udaleko zinegotzia.
Ordezko mahaiburua: Verónica Gormedino López, Tuterako Udaleko zinegotzia.
Epaimahaikidea: Diego Ramírez Parra, Fernando Remacha eskolako zuzendaria.
Ordezko epaimahaikidea: Raquel Cuartero Zardoya, Fernando Remacha eskolako ikasketa-burua.
Epaimahaikidea: María Jesús Abáigar Estanga, María Eugenia Echarren kantu eskolako irakaslea.
Ordezko epaimahaikidea: Milagros Bernardo Prada, Fernando Remacha eskolako abesbatzako irakaslea.
Epaimahaikidea: Vicente Ferrer Chasco, tronboi irakaslea eta Tuterako bandako zuzendaria.
Ordezko mahaikidea: Raquel Huarte Del Barrio, Tuterako Fernando Remacha eskola-kontserbatorioko musika-hizkuntzako irakaslea.
Epaimahaikidea: Tuterako Udaleko Langileen Batzordearen ordezkaria.
Ordezko epaimahaikidea: Tuterako Udaleko Langileen Batzordearen ordezkaria.
Idazkaria: Ana Gárate Martínez, Tuterako Udaleko erdi mailako teknikaria.
Ordezko idazkaria: Ana Rosa Valero Gómez, Tuterako Udaleko administrari-ofiziala.
3.2.–Epaimahaiko kideek parte hartzeari uko egin beharko diote eta organo dei egileari hala adierazi, baldin suertatzen badira Sektore Publikoaren Araubide Juridikoari buruzko urriaren 1eko 40/2015 Legearen 23. artikuluan abstentziorako jasota dauden arrazoiak. Izangaiek, halaber, zilegi dute mahaikideak errefusatzea, aipatu diren egoera horietakoren bat gertatzen denean (urriaren 1eko 40/2015 Lege horren 24. artikulua).
3.3.–Epaimahaia hautaprobak hasi baino lehen eratu beharko da. Epaimahaia ezin izanen da eratu, ez eta aritu ere, bertan kideen gehiengo osoa izan ezean. Halaber, epaimahaiaren eraketak eta jardunak balio izateko, mahaiburuak eta idazkariak edo haien ordezkoek bertan egon beharko dute.
3.4.–Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.
3.5.–Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.
4.–Hautapen sistema: oposizioa.
4.1.–Alkatetzaren ebazpen honen bitartez onetsitako bi deialdietarako hautapen prozesua oposizioa izanen da, eta ariketa hauek izanen ditu:
a) 1. ariketa: ariketa teoriko-praktikoa.
Zenbait galdera teoriko-praktiko laburri erantzutea dagokion diziplinari eta lanpostuaren eginkizunei buruz, baita Fernando Remacha musika eskola-kontserbatorioari buruzko informazio orokorraz ere. Ariketaren iraupena ordu batekoa izanen da, gehienez ere. Plika itxien sistema erabiliz eginen da.
b) 2. ariketa: ariketa praktikoa.
Ikasle bati klase praktiko bat ematea. Ikaslea izan daiteke “Raimundo Lanas” jota eskolakoa edo ezagupenik batere ez duena gaiari buruz.
4.2.–Oposizioko ariketen balorazioan 60 puntu lor daitezke gehienez, honela banatuak:
Lehen ariketa: 20 puntu gehienez.
Bigarren ariketa: 40 puntu gehienez.
4.3.–Oposizioko ariketak baztertzaileak izanen dira. Bazterturik geldituko dira ariketa bakoitzean gehieneko puntuazioaren erdia gutxienez lortzen ez duten izangaiak.
4.4.–Epaimahaiak erabaki dezake lehenbiziko eta bigarren ariketak saio bakarrean egitea. Hori hala bada, bata bestearen ondoren eginen dira bi ariketak, kalifikazio epaimahaiak ezartzen duen antolamenduaren arabera. Aldez aurretik eta garaiz argitaratuko du xehetasun hori. Kasu horretan, bigarren ariketan lortutako puntuazioa, aprobatu diren lehen ariketei baizik ez zaie gehituko.
4.5.–Ariketa bakoitzaren kalifikazioa amaituta, epaimahaiak jendaurrean jarriko du, Herriko Etxeko iragarki-taulan, ariketa gainditu duten izangaien zerrenda, lortutako kalifikazioekin eta, halaber, oposizioko hurrengo proba egiteko tokia, eguna eta ordua, gutxienez 48 ordu lehenago. Zerrenda www.tudela.es webgunean ere kontsultatzen ahalko da, lan eskaintzen atalean deialdiari buruz ageri den aiputik abiatuta.
4.6.–Ariketa bakoitzerako dei bakarra eginen da. Izangaiek Nortasun Agiri Nazionala eraman beharko dute edo, bestela, pasaportea, gidabaimena edo epaimahaiaren iritziz izangaia nor den frogatzen duen beste nortasun agiriren bat. Oposiziotik kanpo geldituko dira agertzen ez direnak edo aipatutako agirien bidez nor diren frogatzen ez dutenak.
4.7.–Hautaprobak egiteko, behar diren eta posible diren egokitzapenak eginen dira desgaitasun aitorturen bat dutenentzat, denbora eta baliabideen aldetik, eskabidean azaldutakoaren arabera.
4.8.–Bukaerako balorazioa edo kalifikazioa aterako da ariketa guztietako puntuazioak baturik.
5.–Probak gainditzen dituztenen zerrenda eta lanean hasteko deia.
5.1.–Azken ariketaren kalifikazioa eman ondotik, epaimahaiak jendaurrean jarriko ditu, Herriko Etxeko iragarki-taulan eta udal webgunean, bereizirik:
–Aldi baterako kontratazioak egiteko izangaien zerrenda, lortutako puntuazio ordenaren araberakoa.
–Prestakuntzarako izangaien zerrenda, lortutako puntuazio ordenaren araberakoa.
5.2.–Zerrenda bakoitzean, probak gainditu dituzten izangaien artean puntu berdinketarik izanez gero, Udalak 2004ko azaroaren 29ko osoko bilkuraren erabakian araututako irizpidearen arabera ebatziko dira (2005eko 10. Nafarroako Aldizkari Ofiziala, urtarrilaren 24koa), hau da, probaren osotasunean ponderazio gehien duen puntuazioa gailenduko da eta, berdinketak irauten badu, zozketa publikoaren bitartez ebatziko da afera.
5.3.–Ondotik, epaimahaiak Alkatetzari igorriko dizkio hautapen prozesuko probak gainditu dituzten izangaien bi zerrendak –aldi baterako kontratazioak egitekoa eta prestakuntzakoa–, lanean hasteko deia egin dezan, Tuterako Udalean sortzen diren beharren arabera.
7.–Errekurtsoak.
Deialdi honen aurka eta dagozkion oinarrien nahiz deialdia aplikatzeko egintzen aurka, honako errekurtso hauetako bat aurkez daiteke, hautara:
A) Berraztertzeko errekurtsoa, egintza gauzatu duen organo berari zuzendua, hilabeteko epean, erabakia jakinarazi edo argitaratu eta biharamunetik hasita.
B) Administrazioarekiko auzi-errekurtsoa, Administrazioarekiko Auzien Iruñeko Epaitegiari zuzendua, bi hilabeteko epean, errekurritutako egintza edo erabakia jakinarazi edo argitaratu eta biharamunetik hasita.
C) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.
Kalifikazio epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.
Tuteran, 2020ko abuztuaren 4an.–Jarduneko alkate udalburua, Anichu Agüera Angulo.
ESKABIDEAK
Aldi baterako kontrataziorako izangaiak.
Prestakuntzarako zerbitzu berezietako egoeran jarduteko izangaiak.
Eskabideak PDF formatuan daude.
Iragarkiaren kodea: L2008958
