1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK. Epatze deia Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren maiatzaren 20ko 61/2020 Ebazpenaren aurka jarritako gora jotzeko errekurtsoetan interesdun direnei.
Iragarki honen bitartez jakinarazten da behean aipatzen diren pertsonek gora jotzeko errekurtsoak jarri dituztela Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren maiatzaren 20ko 61/2020 Ebazpenaren aurka. Ebazpen horren bidez hautapen prozedura hauetan onartu eta baztertu diren izangaien behin betiko zerrendak onetsi ziren: Bigarren Hezkuntzako Irakasleen Kidegoan sartu eta bertara igotzeko eta espezialitate berriak eskuratzeko prozesua, eta Lanbide Heziketako Irakasle Teknikoen Kidegoan sartu eta espezialitate berriak eskuratzeko prozesua, betiere Nafarroako Foru Komunitateko Administrazioaren kudeaketa esparruko lanpostuetarako. Errekurtsoek espezialitate hauei eragiten diete:
Bigarren Hezkuntzako Irakasleen Kidegoa:
–Marrazketa (gaztelaniaz):
Oskia Etxebarria Lekumberri.
–Marrazketa (euskaraz):
Oskia Etxebarria Lekumberri.
–Gorputz Hezkuntza (euskaraz):
Nerea Ormategui Oyarzabal
–Filosofia (gaztelaniaz):
Juan Antonio Talledo Zubillaga.
–Filosofia (euskaraz):
Juan Antonio Talledo Zubillaga.
–Fisika eta Kimika (euskaraz):
Nerea Ormategui Oyarzabal.
–Esku-hartze Soziokomunitarioa (gaztelaniaz):
Cristina García Estaun.
–Merkataritzako Antolaketa eta Kudeaketa (gaztelaniaz):
Miren Eskarne Urteaga Zubia.
–Hezkuntza Orientazioa (gaztelaniaz):
María Isabel Bermejo Oses.
Hori horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoari jarraikiz, espezialitate horietan interesdun diren guztiei dei egiten zaie alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko epean. Horiek Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2020ko abuztuaren 5ean.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F2008781
