2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Buztintxuri-Euntzetxiki-Santa Engrazia eremuko plan partzialeko 23C eta 24C etxe-sailetarako hiri-jarduketarako plan berezia kudeatzeko hitzarmenaren testu bategina, birpartzelazioa egitekoa dena. Behin betiko onespena
Iruñeko Udaleko Gobernu Batzarrak, 2020ko uztailaren 6an, honako erabaki hau hartu zuen:
JOB 06-JUL-20 (7/US).
“Hasiera batez onetsi zen (JOB/20-01-2020-8/US) Buztintxuri-Euntzetxiki-Santa Engrazia eremuko plan partzialeko 23C eta 24C etxe-sailetarako hiri-jarduketarako plan berezia kudeatzeko hitzarmena, birpartzelazioa egitekoa dena. Horren jendaurreko epea iraganik alegaziorik aurkeztu gabe; ikusirik hitzarmenaren testu bategina, 2020ko uztailaren 1ean aurkeztua, erabakitzen da:
1. Behin betiko onestea Buztintxuri-Euntzetxiki-Santa Engrazia eremuko plan partzialeko 23C eta 24C etxe-sailetarako hiri-jarduketarako plan berezia kudeatzeko hitzarmenaren testu bategina, birpartzelazioa egitekoa dena, Geslur XXI SLk sustatua.
2. Erabaki hau jakinaraztea sustatzaileari, Iruñeko Udalaren Ondareko Alorrari, Nafarroako Rural Kutxa kreditu-sozietate kooperatiboari, Jabetza Erregistroari eta Lurralde Antolamenduko, Etxebizitzako, Paisaiako eta Proiektu Estrategikoetako Departamentuari, eta dagokion iragarkia argitaratzea Nafarroako Aldizkari Ofizialean.”
Ebazpen honen aurka, hautara, errekurtso hauetako bat aurkez daiteke:
–Berraztertzeko errekurtsoa, egintzaren organo egileari zuzendua, hilabeteko epean, ebazpena jakinarazi eta biharamunetik hasita.
–Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, ebazpen hau jakinarazi eta biharamunetik hasita; edo bestela,
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Iruñean, 2020ko uztailaren 23an.–Jarduneko alkatea, Ana María Elizalde Urmeneta.
Iragarkiaren kodea: L2008132
