2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, norgehiagokako araubidean dirulaguntzak emateko 6 urtetik aurrerako afizionatuen kirol ofizialerako, 2019-2020ko denboraldian. Laburpena
Argitara ematen da deialdiaren laburpena, Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraikiz. Haren testu osoa Dirulaguntzen Datu Base Nazionalean kontsultatu daiteke (http://www.pap.minhafp.gob.es/bdnstrans/GE/eu/index). DDBN (Identif.): 517438.
Administrazio deitzailea: Iruñeko Udala.
Organo emailea: Gizarte Zerbitzuetako, Komunitate Ekintzako eta Kiroleko zinegotzi ordezkaria.
Alor kudeatzailea: Gizarte Zerbitzuetako, Komunitate Ekintzako eta Kiroleko Alorra.
Instrukzio-organoa: dirulaguntza kudeatzen duen Alorreko Idazkaritza Teknikoa.
Deialdiaren xedea:
Dirulaguntzak ematea Iruñeko kirol-elkarteen sareek ohiko entrenamenduak antolatu ditzaten eta kirol-lehiaketa ofizial jakin batzuetan parte har dezaten, 2019-2020ko denboraldian. Dirulaguntzaren xede izanen diren jarduera multzoak “afizionatuen kirol ofizialtzat” joko dira, deialdi honetan jarduera horietarako ematen den definizioarekin bat, eta bideratuta egonen dira denboraldi horren hasieran 6 urtetik aurrerako –zehazki 2013an edo lehenago jaiotako– kirolari federatuak hartzen dituzten entitateak laguntzera.
Deialdiaren helburua:
Federazio-lehiaketa jakin batzuen esparruan Iruñeko kirol-entitateek ematen dituzten prestakuntza eta sustapeneko jarduerei laguntza ematea, kirol ofizialak –eskumena duten erakunde publikoek hala aitortuak– praktikatzea bultzatzen badute. Oro har, kirol jarduera federatuak aukera emanen du honako hauek lortzeko: a) elite-kirolerako progresioa kirol-errendimendu nabarmenagoa duten kirolarientzat, b) denbora jakin eta murriztu batez mantentzea kirol-lehiaketan interesak edo motibazioak dituzten pertsonak, eta c) pertsona batek astean zehar kirol kantitate handiagoa egitea neurriari eta intentsitateari dagokienez, aisiako kirol-praktikarekin egiten denarekin alderatuta.
Iruñean, 2020ko uztailaren 24an.–Gizarte Zerbitzuetako, Komunitate Ekintzako eta Kiroleko Alorreko zinegotzi ordezkaria, María Caballero Martínez.
Iragarkiaren kodea: L2008288
