2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ORKOIEN
Deialdia, 2020-2021 ikasturtean ikastetxe publikoetan jateko prestazio ekonomikoak banakako ebaluazioaren bidez emateko dirulaguntzena. Laburpena
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; haren testu osoa Dirulaguntzen Datu Base Nazionalean kontsultatu daiteke. (https://www.infosubvenciones.es/bdnstrans/GE/eu/convocatoria/516892. DDBN (Identifikazioa): 516892.
a) Onuradunak: deialdiaren beharkizunak betetzen dituzten Orkoiengo auzotarren familia-unitateak.
b) Xedea: Arrazoi ekonomiko edo sozialengatik elikadura bermatu ezin duten familietako adingabeen elikadura nahikoa bermatzea, familia-kontziliazioa erraztea, gurasoen lan-ordutegia eta seme-alaben arreta bateragarri egiteko aukera emanez bazkaltzeko ordutegian, eta desegituratutako eta dieta oso eta orekatu baten beharra duten familia-guneetako haurrek jantokian parte hartzen laguntzea, bai eta ohitura osasungarriak hartzea bultzatzea ere, jantokiko esperientzia partekatuz berdinak direnekin.
c) Oinarri arautzaileak: Dirulaguntzen Base Nazionalean eta Udalaren webgunean.
d) Zenbatekoa: osagarria izanen da beste administrazio publikoen edo ente publiko nahiz pribatuen aldetik xede bertsuarekin etortzen diren beste laguntza edo bekekin, eta ez da eskola jantokiaren tarifaren %45 baino handiagoa izanen.
e) Eskabideak aurkezteko epea: abuztuaren 3an hasi eta abuztuaren 31n bukatuko da.
Orkoienen, 2020ko uztailaren 22an.–Alkatea, Carlos Arróniz Loyola.
Iragarkiaren kodea: L2008111