2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOBEITI
Deialdia, kultura, kirol eta gazteentzako
2020ko dirulaguntzak emateko. Laburpena
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa Dirulaguntzen Datu Base Nazionalean kontsulta daiteke (https://www.infosubvenciones.es/bdnstrans/GE/eu/convocatoria/517202). DDBN (Identif.): 517202
Dirulaguntza jaso dezakete dirulaguntzen deialdi bakoitzari dagokion aldian udalerriaren lurralde-eremuan egiten diren jarduera programatuek, kultura, kirol eta gazteria arloetakoak badira.
–Eskatzaileak:
Irabazi-asmorik gabeko entitate eta elkarteak, helbidea udalerrian badute.
Pertsona fisikoak, talde baten ordezkariak badira eta helbidea udalerrian badute, irabazi-asmorik gabeko ekimenetarako.
–Epea: 30 egun natural, deialdia Nafarroako Aldizkari Ofizialean argitaratzen denetik hasita. Orobat, argitaratuko da Udalaren eta Kontzejuen tauletan eta Udalaren web-orrian.
–Finantzaketa: aurrekontuko 1 3340 48201 partidaren gehieneko aurrekontua 8.000 eurokoa da. Salbuespenak kenduta, emandako dirulaguntza ez da aplikatzen zaion jardueraren kostuaren %70 baino gehiago izanen.
–Jakingarriak eta inprimakiak: interesdunek Berriobeitiko Udalean eskura ditzakete deialdiaren testua eta eskaera egiteko inprimaki berariazkoak.
Berriobeitin, 2020ko uztailaren 24an.–Udaleko kontu-hartzailea, Miryam Sola Núñez.
Iragarkiaren kodea: L2008204