1. NAFARROAKO FORU KOMUNITATEA
1.7. BESTELAKOAK
176/2019 EBAZPENA, abenduaren 4koa, Hezkuntzako zuzendari nagusiak emana, ondoriorik gabe uzten duena Burlatako “Acadef” kirol irakaskuntzetako ikastetxe pribatu baimenduari ireki eta jarduteko eman zitzaion baimena.
Unibertsitateen eta Hezkuntza Baliabideen zuzendari nagusiak uztailaren 4ko 601/2017 Ebazpenaren bidez, ireki eta jarduteko baimena eman zitzaion Burlatako “Acadef” kirol irakaskuntzetako ikastetxe pribatu baimenduari, Futboleko kirol teknikari tituluaren eta goi mailako kirol teknikari tituluaren irakaskuntzak eman zitzan.
Ikusirik Hezkuntzako Ikuskapen Zerbitzuak egindako txostena, non adierazten baita ikastetxea ez zela abian jarri 2017/18 ikasturtean eta titularrak ez zuela eskatu abian jartzeko baimena atzeratzea, halaxe eskatzen baita Nafarroako Foru Komunitatean araubide bereziko kirol irakaskuntzen antolamendua eta garapena arautzen dituen abenduaren 28ko 248/2011 Foru Dekretuaren 33. artikuluan, eta, kontuan harturik, orobat, 2018/19 ikasturtean ere ez zela abian jarri, nahiz eta Hezkuntzako Ikuskapen Zerbitzuak eskatu zion, ikastetxea abian jarriz gero, horretarako baldintzak bete behar zituela.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Ondoriorik gabe uztea Burlatako “Acadef” kirol irakaskuntzetako ikastetxe pribatu baimenduari ireki eta jarduteko eman zitzaion baimena, eta baja ematea Nafarroako Gobernuko Unibertsitateaz kanpoko Ikastetxeen Erregistroan.
2. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
3. Ebazpen hau igortzea Lanbide Heziketaren Zuzendaritza Nagusira, Hezkuntzako Ikuskapen Zerbitzura, Ikastetxeen Finantzaketaren eta Ikasketetarako Laguntzen Atalera, Ikastetxeetako Informazioa Kudeatzeko Bulegora eta Nafarroako Gobernuko Unibertsitateaz kanpoko Ikastetxeen Erregistrora.
4. Ebazpen hau Nafarroako Aldizkari Ofizialean argitaratzea.
Iruñean, 2019ko abenduaren 4an.–Hezkuntzako zuzendari nagusia, Gil Sevillano González.
Iragarkiaren kodea: F1916196
