2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ESTERIBAR
Erabakiak, haur-eskola zerbitzua zuzenean kudeatzeko, Udalaren merkataritza sozietate baten bidez. Onespena
Esteribarko Udalak, 2020ko ekainaren 25ean egin osoko bilkura arruntean, Udalbatza aho batez alde egonik, ondotik hitzez hitz ematen diren erabakiak hartu zituen:
1. Hasiera batez onestea merkataritza sozietate baten bidezko zuzeneko kudeaketa justifikatzeko prestaturiko memoria eta dokumentazio osagarri erantsia, horretarako izendatutako azterketa batzordeak eginak. Haietan oinarriturik, egiaztatuta gelditu da tokiko merkataritza sozietate baten bidezko zuzeneko kudeaketaren onespena, Esteribarko haur-eskolaren kudeaketa integraleko zerbitzu publikoa emateko.
2. Onestea tokiko merkataritza sozietate baten bidezko zuzeneko kudeaketa, Esteribarko Udalaren haur-eskolaren kudeaketako zerbitzu publikoa emateko.
3. Espedientea jendaurrean egonen da hogeita hamar egun naturaleko epean, iragarkia Nafarroako Aldizkari Ofizialean eta Udal honen iragarki-taulan argitaratzen denetik aitzina, partikularrek nahiz entitateek egokiak iruditzen zaizkien oharrak aurkez ditzaten.
4. Ahalmena ematea Esteribarko Udaleko alkate udalburu M.ª Matilde Añón Beamonteri, edo legez hura ordezten duenari, aurretik erabakitako guztia betearazteko behar diren dokumentu guztiak sina ditzan.
Dokumentuak jendaurrean egonen dira hogeita hamar egun naturaleko epean, iragarki hau Nafarroako Aldizkari Ofizialean argitaratu eta biharamunetik hasita.
Epe horretan partikularrek nahiz entitateek aztertzen ahalko dituzte, udal bulegoetan, egokiak iruditzen zaizkien alegazio eta oharrak aurkez ditzaten.
Argitara ematen da honako hauetan xedatuari jarraikiz: Nafarroako Toki Administrazioari buruzko uztailaren 2ko 6/1990 Foru Legearen 192. eta 197. artikuluak; Toki Araubidearen arloan indarra duten lege xedapenen testu bategina onesten duen apirilaren 18ko 781/1986 Legegintzako Errege Dekretuaren 97.1 c) artikulua; eta Toki Araubidearen Oinarriak arautzen dituen apirilaren 2ko 7/1985 Legearen 85.2 artikulua.
Esteribarren, 2020ko ekainaren 25ean.–Alkatea, M.ª Matilde Añón Beamonte.
Iragarkiaren kodea: L2006780
