2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, Kirol Eskolei 2019-2020ko denboraldian dirulaguntzak norgehiagokako araubidean emateko. Laburpena
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identif.): 512686
Administrazio deitzailea: Iruñeko Udala.
Organo emailea: Gizarte Zerbitzuetako, Komunitate Ekintzako eta Kiroleko Zinegotzi Ordezkaria.
Alor kudeatzailea: Komunitate Ekintza, Garapenaren aldeko Lankidetza eta Kirola
Instrukzio-organoa: dirulaguntza kudeatzen duen Alorreko Idazkaritza Teknikoa
Deialdiaren guztizko zenbatekoa, gehienez, kreditu erabilgarrien barruan: 158.200 euro.
Deialdiaren xedea:
Denboraldiaren hasieran 6 eta 14 urte bitarteko kirolariak (2005-2013 bitartean jaiotakoak, biak barne) partaide dituzten “Oinarrizko Kirol Eskolen” antolaketa diruz laguntzea 2019-2020ko denboraldian.
“Oinarrizko Kirol Eskolak” antolatuta, Lehen Hezkuntzako etapetan eta DBHko bigarren zikloko lehen mailan eskola-ordutegitik kanpo kirola egitea sustatzen duten egitura tradizionalen sostengua bultzatuko da, dela Iruñeko kirol federatutik bultzatuta, dela kirol federatura bideratuta. Oro har, kirol jarduera federatuak aukera emanen du honako hauek lortzeko:
a) Elite-kirolerako progresioa kirol-errendimendu nabarmenagoa duten kirolarientzat.
b) Denbora jakin eta murriztu batez mantentzea kirol-lehiaketan interesak edo motibazioak dituzten pertsonak, eta,
c) Pertsona batek astean zehar kirol kantitate handiagoa egitea neurriari eta intentsitateari dagokienez, aisiako kirol-praktikan egiten denarekin alderatuta.
Iruñean, 2020ko ekainaren 25ean.–Gizarte Zerbitzuetako, Komunitate Ekintzako eta Kiroleko Alorreko zinegotzi ordezkaria, María Caballero Martínez.
Iragarkiaren kodea: L2006830
