1. NAFARROAKO FORU KOMUNITATEA
1.7. BESTELAKOAK
196/2020 EBAZPENA, ekainaren 16koa, Hezkuntzako zuzendari nagusiak emana, erabakitzen duena II. eta III. eranskinak aldatzea maiatzaren 27ko 161/2020 Ebazpenean. Haren bidez onetsi zen Skolae programa orokortzeko fasea, 2020-2021 ikasturtekoa.
Onetsi ondoan maiatzaren 27ko 161/2020 Ebazpena, zeinaren bidez onesten baita Skolae programa orokortzeko fasea, 2020-2021 ikasturtekoa, Inklusio, Berdintasun eta Bizikidetza Zerbitzuak, 2020ko ekainaren 10ean eginiko txosten batean, proposatu du hura aldatzea, II. eta III. eranskinetan eginiko akatsak zuzentzeko. Lehenbizikoan, bi ikastetxe pribatu itundu falta dira; bigarrenean, berriz, Erriberriko “Príncipe de Viana” Haur eta Lehen Hezkuntzako Ikastetxe Publikoko D eredua falta da.
Horrenbestez, Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. II. eta III. eranskinak aldatzea maiatzaren 27ko 161/2020 Ebazpenean. Haren bidez onetsi zen Skolae programa orokortzeko fasea, 2020-2021 ikasturtekoa. Honela aldatuko dira:
1. Ikastetxe itundu hauek gehituko dira, 2020-2021 ikasturtean Skolae programan sar daitezen:
II. ERANSKINA
Skolae programan 2020-2021 ikasturtean parte hartzeko izendatutako haur eta lehen hezkuntzako ikastetxeak
25 | San Fermin ikastola | Haur Hezkuntza Lehen Hezkuntza Bigarren Hezkuntza | Zizur Txikia | Itundua |
26 | Santa María la Real ikastetxe itundua | Haur Hezkuntza Lehen Hezkuntza Bigarren Hezkuntza | Sarriguren | Itundua |
2. Aldatzea hizkuntza ereduen zehaztapena Erriberriko “Príncipe de Viana” Haur eta Lehen Hezkuntzako Ikastetxe Publikoan, Haur eta Lehen Hezkuntzako etapetan, hizkuntza eredu guztiak sartzeko:
III. ERANSKINA
Haur, Lehen eta Bigarren Hezkuntzako ikastetxeak, Skolae programaren ezarpena 2020-2021 ikasturtean osatuko dutenak
2019-2020 IKASTURTEAN SKOLAE PROGRAMAN SARTZEN DIREN IKASTETXEAK |
55 | Erriberri P. de Viana HLHIP | Haur Hezkuntza-Lehen Hezkuntza | Erriberri | D-A-G-PAI | Publikoa |
2. Ebazpen hau Nafarroako Aldizkari Ofizialean argitaratzea, orok jakin dezan.
3. Ebazpen hau igortzea Hezkuntza Zuzendaritza Nagusira, Inklusio, Berdintasun eta Bizikidetza Zerbitzura, Hezkuntzako Ikuskapen Zerbitzura eta ebazpen honetan ageri diren ikastetxeetara. Ebazpenak ez du administrazio bidea amaitzen, eta haren kontra gora jotzeko errekurtsoa aurkezten ahalko da, Hezkuntzako kontseilariari zuzendua, ebazpena jakinarazten denetik hilabeteko epean.
Iruñean, 2020ko ekainaren 17an.–Hezkuntzako zuzendari nagusia, Gil Sevillano González.
Iragarkiaren kodea: F2006178
