2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
2020ko aurrekontuko aldaketak, COVID-19ari aurre egiteko presako neurriei buruzkoak. Behin betiko onespena
Iruñeko Osoko Bilkurak, legezko den quorumarekin, Alkatetzaren 2020ko maiatzaren 27ko ebazpena baliozkotzea eta Nafarroako Aldizkari Ofizialean argitaratzea onetsi zuen 2020ko ekainaren 4an egindako bilkuran. Aipatu ebazpenak aurrekontu-aldaketa batzuk onetsi zituen, guztira 799.500 euroko zenbatekoaz, “23.-Gizarte Zerbitzuak eta Gizarte Sustapena” gastu-politikara egotzitako gastu arruntetan erabiltzeko, betiere honako hauetan ezarritakoaren babespean: COVID-19aren inpaktu sozial eta ekonomikoari aurre egiteko presako neurri bereziei buruzko 8/2020 Errege Lege-dekretua eta COVID-19ari aurre egiteko gizarte eta ekonomia esparruetan hartutako presako neurri osagarriei buruzko 11/2020 Errege Lege-dekretua. Neurriok diruzaintzako geldikinekin finantzatu dira, eta 2019ko superabita aplikatu da haietan, xehetasun hauekin bat:
KONTZEPTUA | PARTIDA | PARTIDAREN DESKRIBAPENA | ZENBATEKOA |
Arta bazterketa handiko pertsonei Pentsioak | 70/23110/202000 | Harrera eta komunitate-garapena. Lokalen alokairua | 90.000 |
Larrialdietarako laguntzak | 70/23181/480000 | Programak, zentroak eta berariazko zerbitzuak. Transferentziak familiei | 453.000 |
Zaurgarriendako jana | 70/23181/221050 | Programak, zentroak eta berariazko zerbitzuak. Elikagaiak | 70.000 |
Arta bazterketa handiko pertsonei Aterpeen kudeaketa | 70/23181/227990 | Programak, zentroak eta berariazko zerbitzuak. Gizarte jardueren kudeaketa | 30.000 |
Antolaketa-beharrendako laguntza. Zapatería | 70/23100/120090 | Gizarte Zerbitzuak: Adm. Orok. Funtzionarioen dirusariak | 26.500 |
Laguntza Auzo Unitateen eta Laguntza Zentroen antolaketa-beharrak asetzeko | 70/23110/120091 | Harrera eta komunitate-garapena. Behin-behineko langileen dirusariak | 130.000 |
GUZTIRA | 799.500 |
Hori guztia argitara ematen da jende orok jakin dezan.
Iruñean, 2020ko ekainaren 17an.–Alkate udalburua, Enrique Maya Miranda.
Iragarkiaren kodea: L2006217
