2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
LOS ARCOS ALDEKO OINARRIZKO GIZARTE ZERBITZUEN MANKOMUNITATEA
Deialdia, familia-langile izateko lanpostu bat oposizio-lehiaketa bidez betetzeko. Epea zenbatzeari berrekitea
2020ko 35. Nafarroako Aldizkari Ofizialean, otsailaren 20koan, deialdia argitaratu zen familia-langile izateko lanpostu bat oposizio-lehiaketa bidez betetzeko, Los Arcos aldeko Oinarrizko Gizarte Zerbitzuen Mankomunitatean Etxeko Laguntzako Programaren zerbitzura aritzeko.
Kontuan hartuz, COVID-19aren osasun-krisialdiak ekarritako alarma-egoeraren ondorioz, 2020ko martxoaren 14an eten egin zela eskabideak aurkezteko epea eta epearen zati bat betetzeke geratu zela 2020ko martxoaren 23ra bitarte, hots, epearen muga-egunera bitarte.
Aintzat hartuz, alarma-egoera luzatzeko maiatzaren 22ko 537/2020 Errege Dekretuaren 9. artikulua aplikaturik, etendako administrazio-epeen zenbaketari berrekinen zaiola, 2020ko ekainaren 1etik aurrerako ondorioekin.
XEDATZEN DUT:
–Eskabideak aurkezteko epea zenbatzeari berrekitea, familia-langile izateko lanpostu bat oposizio-lehiaketa bidez betetzeko deialdirako, Los Arcos aldeko Oinarrizko Gizarte Zerbitzuen Mankomunitatean Etxeko Laguntzako Programaren zerbitzura aritzeko.
–Epea bukatuko da 9 egun natural iraganik, iragarki hau Nafarroako Aldizkari Ofizialean argitaratu eta biharamunetik hasita.
Los Arcosen, 2020ko maiatzaren 28an.–Alkate udalburua, Javier Chasco Abaigar.
Iragarkiaren kodea: L2005575